Éxodo 17:12 - El Nuevo Testamento y unos libros del Antiguo Testamento

¹² Su nuu kuaꞌan makutnuu ndaꞌa Moisés, te ni ka kiꞌin sava ka de in kava, te ni ka jakin de, te ni jinkoo Moisés siki kava yun. Te ni ka oyituu Aarón jin Hur jioo jioo ndaꞌa de, in de ndaꞌa kuaꞌa, te inka de ndaꞌa satni. Saa te ni kundee Moisés ja ni oyutnu ndaꞌa de guaa ndee nuu makee nikandii.

Éxodo 17:12 Iomraidhean Croise

Salmos 35:3

Keneꞌe ni lanza ni, te kasi ni nuu vajikuei ñayiu ka sondikin ña jin san. Te kuini san konini san kaꞌan ni: “Maa rin kuu ia skaku niꞌnu ña jin ron”.

Éxodo 17:11

Te nini kaneꞌe sukun Moisés ndaꞌa de, te kuaꞌankuei ñayiu Israel ka kundei, su nuu nuneꞌe de ndaꞌa de, te ka kundee ñayiu amalec.

Éxodo 17:13

Saa te ni ka kundee Josué siki ñayiu amalec, te ni ka jaꞌni ña de jin yuchi kani de.

Éxodo 24:14

Su jiñaꞌa de nuu tee ka kuu nijaꞌnu yun: ―Vi kondetu ña ni yaꞌa ndee na vi ndajiokuiin san nuu ka oo ni. Te yaꞌa vi xndoo san Aarón vi Hur ja vi ndoo de jin ni. Te nuu ja ndee ni tnaꞌa in tnundoꞌo, te kuaꞌankuei ni nuu de ―jiñaꞌa de.

2 Corintios 1:11

nuu ja suni vi kochituu ña ni ja vi kondakuatu ni ja jaꞌa san, nagua ja kuaꞌa ñayiu vi ndakuatu ja jaꞌa san, te suni kuaꞌa ñayiu vi ndakuantaꞌu nuu ia Dios ja ni saꞌa ya javii javaꞌa jin san.

Efesios 6:18

Te siun ni vi kondakuatu ni, te vi kokakantaꞌu ni nuu ia Dios jin maꞌñu sagua Espíritu ya, te vi koo tuaꞌa ni, ma vi kusun ini ni, te siun ni vi kokakantaꞌu ni ja jaꞌa ndiꞌi ñayiu maa ia Dios.

Filipenses 1:19

Chi jini san ja ka ndakuatu ni ja jaꞌa san vi ja chituu ña Espíritu Jesukristu jin san, te suu saꞌa ja kaku san.

Colosenses 4:2

Te ndiꞌi maa ni, siun ni vi kondakuatu ni nuu ia Dios, te ma vi kusun ini ni, chi vi ndakuantaꞌu ni nuu ya.

1 Tesalonicenses 5:25

Vi ndakuatu ni ja jaꞌa in in san, vi ñani vi kuaꞌa.

Hebreos 12:12

Nuu saa te vi saꞌa ndakui ni ndaꞌa ni ja ni ka kuita nuu ia Dios. Te vi kani yutnu ni koꞌndo ni ja tu oo ndakui.

Santiago 1:6

Su vi kandija guaꞌa ni nuu ka jikan ni nuu ia Dios, chi na in tu kandija guaꞌa, te kuu inui jin ola ndute mar ja jiokuita ña tachi, te yaꞌa yun ni kuaꞌan de.