Éxodo 15:9 - El Nuevo Testamento y unos libros del Antiguo Testamento

⁹ Te ni ka kachi tee ka kaꞌan uꞌu ña: “Na vi kondikion guaa ndee na vi jintnaꞌo jin, te na vi ndakaꞌndeo nagua vi kindeo guaa ndee na vi ndenuu inio. Te na vi keneꞌo yuchi kanio, te vi jin ndaꞌa mao na vi xnao jin” ka kachi de.

Éxodo 15:9 Iomraidhean Croise

Génesis 49:27

Benjamín, kuu de na kuinio in vaꞌu lobo ja kindee ndevaꞌa ti ja jaa ti, te tnoꞌo neꞌe jaa ti nagua niꞌi ti, te tnoꞌo jañini ndaxtute ti nagua niꞌi ti. ―Jiñaꞌa Jacob nuu seꞌe de.

Éxodo 14:5

Yun te ni ka kaxtnoꞌo nuu rey Faraón ja ni ka jino yuꞌu ñayiu Israel kuaꞌankuei, te ni ka ndasama ini Faraón jin tee ka netniuu jin de siki ñayiu Israel, te ni ka kachi de: ―¿Nau ja siaꞌa kaa ja ni ka saꞌo ioo ni ka jandetuo ja kuaꞌankuei ñayiu Israel, te ma vi kunukuechi kai nuo? ―ka kachi de.

Proverbios 16:19

Guaꞌa ka kuu ja saꞌa ndaꞌuo mao jin ñayiu ka kuu ndaꞌu, masu ja vi ndakaꞌndeo nagua ni ka kindeo jin ñayiu ka saꞌa teyii mai.

Isaías 53:12

Te yun kuu ja kuñaꞌa rin kuaꞌa ja saꞌa jajin de nuu ka oo tee ka kuu naꞌnu, te vi ndakaꞌnde de ja ni ka niꞌi de jin tee inu ndakui, chi ni soko de maa de vi ndee ni jiꞌi de, te ni oo de neꞌu tee ka saꞌa jakueꞌe, te ni jiso siki maa de yika kuechi kuaꞌa ñayiu, vi ni kaꞌan niꞌnu de ja jaꞌa ñayiu ka saꞌa yika kuechi.

San Lucas 11:22

Su nuu na kii inka tee ndakui ka saa maa de, te kundee tee yun siki de, te kindee ndiꞌi tee yun ja kukanu ini de, te saꞌa maa tee yun nagua kuini de, te vi ndakaꞌnde de ndatniuu veꞌe yun.