Éxodo 15:16 - El Nuevo Testamento y unos libros del Antiguo Testamento

¹⁶ Te na vi kisi ñayiu ja ka yuꞌu ndevaꞌi. Te jin jakaꞌnu maa ni, te na vi kendoo titiꞌi na kuinio yuu, guaa ndee na vi yaꞌa ñayiu ñuu ni, vi Jitoꞌo, guaa ndee na vi yaꞌa ñayiu ñuu yaꞌa ja ni skaku niꞌnu maa ni.

Éxodo 15:16 Iomraidhean Croise

Génesis 35:5

Te ni kekuei de kuaꞌankuei de, te ni saꞌa ia Dios ja ni ka yuꞌu ndevaꞌa ñayiu ka oo sava ka ñuu yatni yun, te yun guaa ña ni kikuei ini ja vi sondikin ñai jin seꞌe Jacob.

Salmos 105:38

Te ni ka kusii ini ñayiu Egipto ja ni ndekuei ñayiu Israel, chi ka yuꞌu ndevaꞌa ñai.

Salmos 74:2

Ndakaꞌan ni jin ñayiu ñuu ni ja ni niꞌi ni ndee jananaꞌa, ñayiu ni ndatau ni ja vi kokui ñayiu saꞌa jajin ni, te ndakaꞌan ni yuku Sión nuu ni oo ni.

Salmos 89:14

Te tatnuni ni jin tnoꞌo ndaa vi saꞌa ndaa ni, te yoxnoꞌo ja ndaꞌu ini ni vi tnoꞌo ndaa ichi nuu ni kuaꞌan.

Éxodo 11:7

Su ndia ja ndiꞌi ñayiu Israel, chi vini in tiꞌina ma vi jiaꞌan ndee ña ti jin, te ni jin kiti ka nevaꞌi. Saa te vi kuni ron ja Jitoꞌo, chi saꞌa siin ya ñayiu Egipto jin ñayiu Israel”, kachi ya.

Éxodo 15:13

Te jin jandaꞌu ini ni ndeka ni ñayiu ñuu yaꞌa ja ni skaku niꞌnu ni. Te jin jakaꞌnu ni ndeka ni jin ndee veꞌe ii nuu oo maa ni.

Éxodo 15:5

Ni ka jinkisaꞌu de ndee kaꞌa ndute, te ni ka kunjino de ndee nuu kunu ka na kuinio in kava.

Éxodo 15:6

Te nuu ndaꞌa kuaꞌa ni, vi Jitoꞌo, oo jandakui ni vi jakaꞌnu ni. Te jin ndaꞌa kuaꞌa ni, vi Jitoꞌo, te ni xnaa ni ñayiu ka kaꞌan uꞌu ña.

Éxodo 18:8

Te yun ni ndakani Moisés nuu tata xiso de ndiꞌi tniuu ni saꞌa Jitoꞌo jin Faraón vi ñayiu Egipto ja jaꞌa ñayiu Israel, vi ndiꞌi tnundoꞌo ja ni ka tnaꞌa de nuu ichi vi naxa ni skaku niꞌnu ña Jitoꞌo nuu tnundoꞌo yun.

Éxodo 20:2

―Maa rin kuu Jitoꞌo Dios ron, ia ni ndeneꞌe ña jin ron ñuu Egipto, ñuu nuu ni ka ojinokuechi ron.

Éxodo 23:20

’Vi kondiaꞌa ja yaꞌa tetniuu rin in ia jinokuechi nuu rin ja koxnoꞌo ya nuu ron, te tavaꞌa ña ya nuu ichi kiꞌinkuei ron, te junsiaꞌa ña ya ndee nuu ni savaꞌa maa rin ja vi koo ron.

Éxodo 23:22

Su nuu ja vi kuantnoꞌo ndija ron tnoꞌo kaꞌan ya, te vi saꞌa ron ndiꞌi nagua tatnuni rin, nuu ja saa, te vi konee uꞌu tnaꞌa maa rin jin ñayiu ka kaꞌan uꞌu ña jin ron, te koo rin siki ñayiu ka ndakoo siki ron.

Éxodo 23:27

’Te saꞌa rin ja vi yuꞌu ndevaꞌa ña ñayiu yun jin ron, te vi kunu nuu ini ñayiu ndiꞌi ñuu nuu jinokuei ron, te vi kunu yuꞌu ñayiu ka kaꞌan uꞌu ña jin ron kiꞌinkuei.

Éxodo 6:7

Te ndakuaka ña rin jin ron, ja vi kokuu ron ñayiu ñuu rin, te kokuu maa rin Dios ron. Saa te vi kuni ron ja maa rin kuu Jeovaa Dios ron ja ni ndeneꞌe ña rin nuu tniuu ndee ndevaꞌa ja ni ka otenini ña tee Egipto ni ka osaꞌa ron.

Isaías 51:10

Maa ni kuu ia ni sichi ndute mar, ndute ñuꞌu nuu kunu ndevaꞌa, te ni june ni in ichi ndee nuu kunu kaꞌa ndute mar, nagua ni ka yaꞌa ñayiu ni ndatau maa ni.

Isaías 63:12

ia ni saꞌa ja yeꞌe tajan jakaꞌnu ya ni jika jin Moisés, ia ni saꞌa ja ni teꞌnde sagua ndute mar jin nuu ñayiu ñuu ya, nagua teku tnoꞌo ya nikuii nikani ja ia kaꞌnu kuu ya,

Hechos 20:28

Te yun guaa vi koto vaꞌa ni maa ni, vi suni ndiꞌi ñayiu ka skuaꞌa ja ka kui na kuinio ndikachi vi koto vaꞌa ni. Chi Espíritu ia Dios ni taa tniuu yaꞌa ja vi kokuu ni na kuinio tee jito ndikachi ja vi kokoto ni ñayiu ka skuaꞌa ja ni ndakuaan ya jin niñi ya.

Tito 2:14

Te suu maa ya kuu ia ni soko maa ja jaꞌa in ion, nuu ni tniuyaꞌu ya ndiꞌi yika kuechio, te ni ndasavii ña ya ja vi kokuo ñayiu ñuu maa ya, te na vi kondioo ndevaꞌa inio ndiꞌi tniuu guaꞌa ja vi saꞌo.

1 Pedro 2:9

Te maa ni, chi ñayiu tatatnoꞌo maa ia Dios ka kuu ni, chi ni ndakaji ña ya jin ni. Te ka kuu ni sutu ja ka jinokuechi ni nuu maa ya ja kuu ya rey. Te ka kuu ni in ñuu vii, in ñuu ja ni niꞌi ya ja ka kuu ni ñayiu maa ya, nagua ja vi ndakani ni ndiꞌi javii javaꞌa saꞌa ya, ia ni ndakana ña ja ni ndekuei ni nuu ichi nee, te ni ndiukuei ni nuu ichi ja yeꞌe niꞌnu maa ya.

2 Pedro 2:1

Te neꞌu ñayiu ñuo Israel suni ni ka oo tee ni ka oxndaꞌu ñayiu nuu ni ka okaꞌan de ja tnoꞌo ia Dios ka ndakani de. Te suni saa ni vi koo tee vi koxndaꞌu ñayiu ja vi kokaxtnoꞌo de neꞌu maa ni, nuu vi kokaxtnoꞌo de tnoꞌo jani ini ja tu jiniuꞌu, te vi skunaa ña de, chi ma vi ndaa yuꞌu de ja Jitoꞌo kuu ia skaku niꞌnu ña, te ñama vi naa de.