Éxodo 15:11 - El Nuevo Testamento y unos libros del Antiguo Testamento

¹¹ Tu na inka ia na kuinio maa ni, vi Jitoꞌo, neꞌu chuꞌchi. Te ni tu na in ia ii vi ia kaꞌnu na kuinio maa ni. Chi saꞌa ni tniuu ja ioo ndevaꞌa kaa, vi tniuu ja luu ndevaꞌa kaa.

Éxodo 15:11 Iomraidhean Croise

Salmos 113:5

Tu na inka ja kintnaꞌa inuu jin Jitoꞌo, ia kuu Dios mao, ja nukoo ya ndee sukun yun tatnuni ya.

Salmos 119:120

Te vi suaꞌa niꞌi yiki kuñu san ja yuꞌu ña san, te yuꞌu niꞌnu san tnoꞌo ja xtaku ni nuu san.

Salmos 136:4

Te maintnoꞌo maa ya kuu ia saꞌa tniuu vii tniuu vaꞌa, chi nikuii nikani kundaꞌu ini ña ya jion.

Salmos 145:17

Ndiꞌi ichi Jitoꞌo Dios kuu ichi ndaa, te luu ini ya jin ndiꞌi ja ni saꞌa ya.

Salmos 22:23

Te maa ni ja ka yuꞌu niꞌnu ni Jitoꞌo, vi kata ni yaa nuu ya, vi ndiꞌi maa ni, ndikin tata Jacob, vi saꞌa kaꞌnu ni ya, ndiꞌi maa ni ja ka kuu ni ndikin tata Israel, vi chiñuꞌu ni ya.

Salmos 35:10

Te ndiꞌi san jin anu san kachi san: “Tu na inka ia saa maa ni, vi Jitoꞌo san, chi skaku niꞌnu ni ñayiu ka tnaꞌa tnundoꞌo nuu ndaꞌa ñayiu inu ndakui, te skaku niꞌnu ni ñayiu ka kundaꞌu vi ka jaꞌni ña jin, nuu ndaꞌa ñayiu ka suꞌu ña jin”.

Salmos 60:2

Ni saꞌa ni ja ni tnaa ñuꞌu, te ni ka ndata. Ndasaꞌa ni nuu ni ka ndugua, chi kuaꞌan kuei.

Salmos 66:5

Neꞌekuei ni te vi kondiaꞌa ni tniuu naꞌnu saꞌa ia Dios, vi tniuu vii ndevaꞌa saꞌa ya ja chituu ña ya jin ñayiu.

Salmos 77:11

Kondakaꞌan san tniuu naꞌnu ni saꞌa Jitoꞌo, te kondakaꞌan san javii javaꞌa ni saꞌa ya ndee ja ni kuu nanaꞌa yun.

Salmos 77:14

Chi maa ni kuu ia Dios ja saꞌa ni tniuu vii tniuu vaꞌa, te ni xneꞌe ni jakaꞌnu ni nuu ñayiu taka ñuu.

Salmos 77:19

Te ni june ni ichi nuu ndute mar, vi ni jaꞌnde ni ndute mar, su tu na in ni nukuꞌun ndenu naꞌa siꞌin ni.

Salmos 86:10

Chi ia kaꞌnu kuu ni, te saꞌa ni tniuu vii tniuu vaꞌa, te maintnoꞌo maa ni kuu ia Dios.

Salmos 86:8

Tu na in chuꞌchi ja kitnaꞌa inuu jin maa ni, vi Jitoꞌo, te ni tu na in kuu saꞌa tniuu saꞌa maa ni, vi Dios.

Salmos 89:18

Chi maa ni, vi Jitoꞌo san, kuu ia jito jini ña, te maa ni kuu ia ii ñayiu Israel, vi kuu ni rey san.

Salmos 90:11

Chi tu na in jini jandakui ndevaꞌa kuu ja kiti ini ni, te kaꞌnu ndevaꞌa kuu ja kiti ini ni ja kuini ja vi koyuꞌu niꞌnu ña ñayiu jin ni.

Éxodo 18:11

Vitna te jini kaji san ja Jitoꞌo kuu ia kaꞌnu ka saa nuu ndiꞌi chuꞌchi, chi nuu ni ka saꞌa ñayiu jakueꞌe siki ñayiu ñuu maa ya, te ni ndakoo ya siki ñayiu ka saꞌa jakueꞌe yun ―jiñaꞌa de.

Éxodo 20:3

Te ma vi konevaꞌa ron inka dios siin ka saa maa rin.

Éxodo 3:20

Su tetniuu maa rin taka jakueꞌe siki ñayiu Egipto, te xneꞌe rin ndiꞌi tniuu naꞌnu saꞌa rin jin nui. Yun te saa siaa ña Faraón ja kiꞌinkuei ron.

Éxodo 8:10

Te jiñaꞌa Faraón: ―Vi xtnee kuini san ―jiñaꞌa de. Te jiñaꞌa Moisés: ―Saa na kokuu, nagua kaꞌan maa ni nuu saa, nagua ja kuni ni ja tu na inka Dios saꞌa nagua saꞌa Jitoꞌo Dios san.

Éxodo 8:6

Yun te ni skaa Aarón ndaꞌa de siki ndute ja ka ñuꞌu Egipto, te ni kanakuei likuara ja vi ni ka chitu ti nii ñuu Egipto.

Éxodo 9:14

Chi vitna te tetniuu rin ndiꞌi nuu jakueꞌe rin siki ron vi siki tee ka netniuu jin ron vi siki ñayiu ñuu ron, nagua ja jinkuiꞌnu ini ron ja tu na inka ia oo na kuinio ruꞌun ja oo nii ñuyiu.

Isaías 40:18

¿Na in kuu ja vi skintnaꞌa inuu ni jin ia Dios, axi na chuꞌchi kintnaꞌa inuu jin ya?

Isaías 40:25

Te jikan tnoꞌo ña ia Dios: “¿Na in kuu ja vi skintnaꞌa inuu ña ron, axi na in kintnaꞌa inuu jin rin?”

Isaías 46:9

Vi ndakaꞌan nagua ni kuu ndee ja nanaꞌa, chi maa rin kuu ia Dios, te tu na inka dios oo. Maa rin kuu ia Dios, te tu na in kintnaꞌa inuu jin rin.

Isaías 57:15

Chi saa kaꞌan ia kaꞌnu ndevaꞌa, ia oo ndee sukun, ia oo nikuii nikani, te nani ya ia ii: “Maa rin oo ndee sukun vi nuu ii, te suni oo rin jin ñayiu ndatnaꞌu ini vi saꞌa ndaꞌu saꞌa kei mai, nagua ja ndakuñaꞌa rin tnoꞌo ndee ini nuu ñayiu saꞌa ndaꞌu saꞌa kei mai, vi ndasaꞌa sii ini rin anu ñayiu ndatnaꞌu ini.

San Lucas 12:5

Su kaxtnoꞌo san na xiin nuu guaa vi koyuꞌu ni: Vi koyuꞌu ni nuu ia Dios, chi maa ya guaa kuu ndakindee ya ja ka teku ni, te suni ndiso tniuu ya ja tnaa ña ya nuu andeya. Te nuu maa ya guaa vi koyuꞌu ni.

El Apocalipsis 13:4

Te ni ka chiñuꞌi koo kaꞌnu yun, chi ni jiñaꞌa ti tniuu kaꞌnu ja nee ti nuu kiti xeen yun, te suni ni ka chiñuꞌi kiti xeen yun, te ka jiñaꞌi: ―Tu na in kintnaꞌa inuu jin kiti xeen yaꞌa, ni tu na in kundee ja kaxin tnaꞌa jin ti ―ka kachi.

El Apocalipsis 15:4

Te tu na in oo ja ma koyuꞌu niꞌnu ña jin ni, vi ja ma saꞌa kaꞌnu sivi ni, vi Jitoꞌo san. Chi maintnoꞌo maa ni kuu ia ii, te kikuei ñayiu ndiꞌi ñuu, te vi chiñuꞌu ñai jin ni, chi ja ni ka jini ja saꞌa ndaa ni taka tniuu. Kachi yaa ka jitai.

El Apocalipsis 4:8

Te ndi kuun ia ka teku yun ka oo iñu iñu ndijin in in, te ka oo chitu nduchi nuu nii nuu yiki kuñu guaa ndee ichi chii ndijin vi ichi yata, te vini tu ka jinkuiin nduu vi ñuu ja ka kaꞌan: Ia ii, ia ndoo kuu ni, vi Jitoꞌo Dios, Ia ndakui ndevaꞌa, Ia ni oo, vi ia oo vitna, vi ia ndii. Ka kachi ya.