Éxodo 15:1 - El Nuevo Testamento y unos libros del Antiguo Testamento

¹ Yun te ni ka jita Moisés jin ñayiu Israel yaa yaꞌa ja ka chiñuꞌu de Jitoꞌo, te ka jiñaꞌa de: Vi kata maa san nuu Jitoꞌo, chi vii ndevaꞌa ni kundee ya. Ni tnaa ya kuai vi tee yoso ti nuu ndute mar.

Éxodo 15:1 Iomraidhean Croise

Salmos 105:43

Saa ni kuu ja ni ndeneꞌe ia Dios ñayiu ñuu ja ni kaji ya, te vi suaꞌa ka kanai ja ka kusii ini ni ndekuei.

Salmos 106:12

Yun te saa ni ka kandija ñayiu Israel tnoꞌo ni kee yuꞌu ia Dios, te ni ka jitai in yaa ja ni ka saꞌa kaꞌnui ya.

Salmos 107:15

Na vi ndakuantaꞌu ñayiu yun nuu Jitoꞌo, chi kundaꞌu ini ña ya jin, vi saꞌa ya tniuu vii tniuu vaꞌa ja jaꞌa ñayiu.

Salmos 107:8

Na vi ndakuantaꞌu ñayiu yun nuu Jitoꞌo, chi kundaꞌu ini ña ya jin, vi saꞌa ya tniuu vii tniuu vaꞌa ja jaꞌa ñayiu.

Salmos 32:7

Chi maa ni kuu ia in niꞌnu in sagua, te tavaꞌa ña ni nuu tnoꞌo suchi ini, te saꞌa ni ja vi kionduu ña ñayiu jin san, te vi katai yaa ja skaku niꞌnu ña ni.

Salmos 76:6

Te nuu ni kuxeen ni, vi Dios ndi Jacob, te vini ja tu ni ka kanda ka carreta vi kuai ñayiu ka kaꞌan uꞌu ña.

Salmos 76:7

Ka yuꞌu ndevaꞌa ña ñayiu jin ni, vi Dios, ¿te na in kundee ini ja konokuiin nuu ni nuu kiti ini ni?

Éxodo 14:26

Yun te jiñaꞌa Jitoꞌo nuu Moisés: ―Skaa ndaꞌa ron ichi siki ndute mar, nagua ja na ndajiokuiin ndute yun siki ñayiu Egipto vi siki carreta de vi siki kuai de ―jiñaꞌa ya.

Éxodo 14:27

Yun te ni skaa Moisés ndaꞌa de ichi siki ndute mar, te nuu ni tuu, te ni ndajiokuiin ndiꞌi ndute yun ja ni nukuꞌun de nagua ñuꞌu maa de. Te nuu ni ka nduku ñayiu Egipto ja vi kunu yuꞌu de, te ni ka junkuntnaꞌa de jin ndute mar. Saa ni kuu ja ni tnaa ña Jitoꞌo jin ñayiu Egipto sagua nuu ndute mar yun.

Éxodo 15:21

Te suaꞌa jita María: Vi kata ni nuu Jitoꞌo, chi vii ndevaꞌa ni kundee ya. Ni tnaa ya kuai vi tee ka yoso ti nuu ndute mar.

Éxodo 18:11

Vitna te jini kaji san ja Jitoꞌo kuu ia kaꞌnu ka saa nuu ndiꞌi chuꞌchi, chi nuu ni ka saꞌa ñayiu jakueꞌe siki ñayiu ñuu maa ya, te ni ndakoo ya siki ñayiu ka saꞌa jakueꞌe yun ―jiñaꞌa de.

Proverbios 29:6

Ñayiu kueꞌe, chi nanakau mai nuu yika kuechi. Su ñayiu ndaa, chi jitai ja kusii ini.

Isaías 42:10

Vi kata ni nuu Jitoꞌo in yaa jaa, ndiꞌi maa ni ja ka oo ni ndee jaꞌa ñuyiu, vi kata ni nuu ia Dios. Te maa ni ja ka jiondita ni nuu ndute mar, vi ndiꞌi kiti ja ka oo nuu ndute mar jian, vi ñayiu ka oo ñuu jika, vi saꞌa kaꞌnu ni ya.

Colosenses 2:15

Te ni xtajioo ia Dios ndiꞌi janaꞌnu vi jatatnuni ja vaji nuu Tachi, te ni jiñaꞌa ya jakanoo nuu ni ka jini kuaꞌa ñayiu nuu ni kundee ya siki ndiꞌi yun jin ja ni saꞌa Jesukristu nuu cruz.

El Apocalipsis 15:3

Te ka jitai yaa ni tau Moisés, tee ni ojinokuechi nuu ia Dios, vi yaa Lelu maa Dios ja kaꞌan suaꞌa: Kaꞌnu vi vii ndevaꞌa tniuu saꞌa ni, vi Jitoꞌo Dios, ja kuu ni ia ndakui ndevaꞌa, te ndiꞌi ni ja kuu saꞌa ni, te ka oo ndaa ka oo ndija ichi ni ja kuu ni Rey taka ñuu.