Éxodo 14:8 - El Nuevo Testamento y unos libros del Antiguo Testamento

⁸ Te ni saꞌa ndee Jitoꞌo ini anu Faraón, rey Egipto, te ni sondikin de ñayiu Israel, visi ni ndekuei ñayiu Israel ñuu yun jin jakaꞌnu maa ia Dios.

Éxodo 14:8 Iomraidhean Croise

Salmos 105:43

Saa ni kuu ja ni ndeneꞌe ia Dios ñayiu ñuu ja ni kaji ya, te vi suaꞌa ka kanai ja ka kusii ini ni ndekuei.

Salmos 86:13

Chi kundaꞌu ndevaꞌa ini ña ni jin san, te ni skaku niꞌnu ña ni ja tu ni kanakau san nuu ñuu jiꞌi.

Éxodo 10:27

Su maa Jitoꞌo ni saꞌa ndee ini anu Faraón, te tu ni jandetu de ja kiꞌinkuei ñayiu Israel.

Éxodo 13:16

Te jin ja ka saꞌa ni yun na kokuu na kuinio in seña ja kondee nuu ndaꞌa ni axi tnee ni, nagua ja vi kondakaꞌan ni, chi jin jakaꞌnu ndevaꞌa maa Jitoꞌo, te ni ndeneꞌe ña ya nuu ñuu Egipto ―jiñaꞌa Moisés.

Éxodo 13:18

Yun guaa ni saꞌa ia Dios ja ni ka jionduu ñayiu Israel ichi kuaꞌan nuu ñuꞌu teꞌa ja kuaꞌan ichi mar kuaꞌa. Te vi yukun kani kuiti ni ndekuei ñayiu Israel ñuu Egipto na kuinio ja vi kaxin tnaꞌi.

Éxodo 13:9

Te viko yaꞌa na kokuu na kuinio in seña ja kondee nuu ndaꞌa ni axi tnee ni, nagua ja vi kondakaꞌan ni, te na koo Ley Jitoꞌo nuu yuꞌu ni, chi jin jakaꞌnu ndevaꞌa maa Jitoꞌo, te ni ndeneꞌe ña ya nuu ñuu Egipto.

Éxodo 14:17

Te saꞌa ndee rin ini anu ñayiu Egipto nagua ja na kiukuei de vi sondikin ña de jin ron, te saꞌa kaꞌnu rin maa rin jin maꞌñu sagua Faraón vi jin ndiꞌi soldado de vi carreta de vi tee ka yoso kuai de.

Éxodo 14:4

Te saꞌa ndee rin ini anu Faraón, te sondikin ña de jin ron, saa te vi kaꞌan ñayiu ja ia kaꞌnu ndevaꞌa kuu rin jin maꞌñu sagua Faraón vi ndiꞌi soldado de, nagua ja saa te vi kuni ñayiu Egipto ja maa rin kuu Jitoꞌo ―jiñaꞌa ya. Te ni ka saꞌa ñayiu Israel nagua ni kaꞌan ya.

Éxodo 14:7

Te suni ni jaka de iñu ciento carreta ja ni kaji maa de vi ndiꞌi carreta ja ka oo Egipto, te in in nuu carreta yun kuaꞌankuei in in capitán.

Éxodo 15:9

Te ni ka kachi tee ka kaꞌan uꞌu ña: “Na vi kondikion guaa ndee na vi jintnaꞌo jin, te na vi ndakaꞌndeo nagua vi kindeo guaa ndee na vi ndenuu inio. Te na vi keneꞌo yuchi kanio, te vi jin ndaꞌa mao na vi xnao jin” ka kachi de.

Éxodo 4:21

Yun te jiñaꞌa Jitoꞌo nuu Moisés: ―Nuu ndajino ron Egipto, te konaꞌa ron ja saꞌa ron nuu Faraón ndiꞌi tniuu naꞌnu ja ni taa rin nuu ron ja saꞌa ron. Su maa rin saꞌa ndee ini de, te ma kuandetu de ja ndekuei ñayiu ñuu rin.

Éxodo 6:1

Te jiñaꞌa Jitoꞌo Dios nuu Moisés: ―Vitna te kuni ron nagua kuu ja saꞌa rin jin Faraón, chi jin jakaꞌnu rin, te siaa ña de ja kiꞌinkuei ron, te jin jakaꞌnu rin te keneꞌe ña maa de ja kekuei ron nuu ñuu de kiꞌinkuei ron.

Éxodo 9:12

Su Jitoꞌo ni saꞌa ndee anu Faraón, te tu ni onini de tnoꞌo ka kaꞌan Moisés vi Aarón, nagua ja ni kaꞌan maa Jitoꞌo nuu Moisés.

Hechos 13:17

Ia Dios ñayiu ñuo Israel ni kaji ya ndee ndi yuao, te ni skaya ña ya ja ni ka kuu de in ñuu kaꞌnu, visi ñayiu ni ka ojika ndaꞌu ni ka okuu de nuu ñayiu ñuu Egipto. Su nuu kuee ka, te jin jakaꞌnu ya ni ndeneꞌe ña ya ñuu yun.