Éxodo 12:11 - El Nuevo Testamento y unos libros del Antiguo Testamento

¹¹ Te vi ka niꞌnu ron saꞌun ron vi ka yiꞌi ron ndijan ron, te ka jaa ron, te vi ka nee ron yutnu ka tuu ron, te ñama vi kaa ron kuñu ti, chi viko pascua maa Jitoꞌo kuu.

Éxodo 12:11 Iomraidhean Croise

Éxodo 12:13

’Te niñi yun kokuu seña ja kuni rin na ndee veꞌe ka oo ron, te nuu kuni rin niñi yun, te yaꞌa jioo rin kiꞌin rin nuu kaꞌni rin ñayiu Egipto. Saa te tu nagua vi ndoꞌo ron jin kueꞌe ja jaꞌni yun.

Éxodo 12:21

Yun te ni ndaxtutu ña Moisés jin ndiꞌi tee ka kuu nijaꞌnu nuu ñayiu Israel, te jiñaꞌa de: ―Kuaꞌankuei ni te vi kaji ni in lelu ja vi kaa ñayiu veꞌe ni, te vi kaꞌni ni ti nagua ja na vi saꞌo viko pascua.

Éxodo 12:27

te vi kuñaꞌa ni: “Kiti yaꞌa ka soko rin nuu viko pascua maa Jitoꞌo, chi nani ka oo rin ñuu Egipto, te ni yaꞌa jioo ya veꞌe ñayiu Israel kuaꞌan ya ja ni jaꞌni ya ñayiu Egipto. Su ni skaku ya ñayiu veꞌo”, vi kuñaꞌa ni ―jiñaꞌa de. Yun te nuu ni ka onini ñayiu Israel tnoꞌo yun, te ni ka chindei de xini de ja ni ka chiñuꞌu de ya.

Éxodo 12:43

Yun te jiñaꞌa Jitoꞌo nuu Moisés vi nuu Aarón: ―Yaꞌa kuu in ja tatnuni rin ja koo nuu viko pascua. Ni in tee inka ñuu ma kuu kaa de kuñu kiti ka soko ron yaꞌa.

Isaías 52:12

Chi masu ñama ndekuei ni, te ni masu vi kunu yuꞌu ni, chi koxnoꞌo maa Jitoꞌo ichi nuu ni noꞌokuei ni, te ichi yata ni suni kokoto ña maa ia Dios mao ja ka kuo ñayiu Israel.

San Lucas 12:35

’Vi kotuaꞌa ni, te vi ndaxnuu ni lámpara ni.

San Lucas 15:22

Su yun te ni tatnuni tee kuu yua yun nuu tee ka jinokuechi nuu de: “Vi keneꞌe ñama saꞌun guaꞌa ka, te vi skuiꞌnu ron seꞌe rin, te vi tnaa ron in xeꞌe ndaꞌi, te vi chiꞌi ron ndijan jaꞌi.

San Lucas 2:41

Te vi nuu kuia nuu kuia, ni onoꞌokuei José jin María viko pascua ñayiu judio maa ñuu Jerusalén.

San Lucas 7:38

Te nuu ni jino ña, te ni jinkuiin jiti ña nuu jaꞌa Jesús, te ni jinkondee ña jaku ña, te joso ña ndute nuu ña siki jaꞌa ya. Yun te ndasaꞌa yichi ña jin ixi xini ña, te tetuyuꞌu ña jaꞌa ya, te ni chiꞌi ña tatna xiko nee ña yun.

1 Corintios 5:7

Nuu saa, te vi ndasavii ni maa ni. Vi xtajioo ni yika kuechi ja ka saꞌa ni ja kuu na kuinio levadura tuꞌu, nagua ja vi kokuu ni yujan jaa. Te suu ndija maa ni ka kuu yujan ja kuvaꞌa xtaa vixin ja tu na levadura yiꞌi ja ka jaa ñayiu judio viko pascua. Chi maa Jesukristu kuu lelu ja ni ka soko ñayiu judio viko pascua yun, te ja ni soko ya maa ya nuu ni jiꞌi ya ja jaꞌo.

Efesios 6:15

Te vi kiꞌi ni ndijan ni ja vi kotuaꞌa ni ja vi kaxtnoꞌo ni tnoꞌo vaꞌa Jesús ja na vi koo mani ñayiu.

1 Pedro 1:13

Te yun guaa vi ndakani guaꞌa ini ni nagua kuu ja vi saꞌa ni. Vi kuiꞌnu ini ni, te vi kondetu kaꞌnu ni nuu ia Dios ja na kaꞌan ndaꞌu kaꞌan kee ña ya nuu ndajiokuiin Jesukristu.