Éxodo 10:9 - El Nuevo Testamento y unos libros del Antiguo Testamento

⁹ Te jiñaꞌa Moisés: ―Kiꞌinkuei san jin suchi kueli san vi tee nijaꞌnu san, vi seyii san vi sesiꞌi san. Kiꞌinkuei san jin ndikachi san vi isndiki san, chi in viko kaꞌnu vi saꞌa san nuu Jitoꞌo ―jiñaꞌa de.

Éxodo 10:9 Iomraidhean Croise

Génesis 50:8

vi ndiꞌi ñayiu veꞌe José vi ñani de vi ñayiu veꞌe ndi yua de, te nani ka suchi kueli ni ka xndoo de ñuu Gosén jin ndikachi de vi isndiki de.

Éxodo 10:10

Te jiñaꞌa Faraón: ―Jitoꞌo na koo jin maa ni nuu saa. Su nuu ja na kuandetu san ja kiꞌinkuei ni jin suchi kueli ni, te ja jinkonaꞌa kaji ja ka ndakani kueꞌe ini ni.

Éxodo 10:26

Te suni kiꞌinkuei san jin kiti san, te ni invaa xiin tnii ti ma vi kendoo, chi neꞌu maa ti vi kaji san kiti vi soko san nuu Jitoꞌo Dios san. Te ja vitna chi tu ka jini san na kiti vi jiniuꞌu san ja vi soko san nuu Jitoꞌo san, guaa ndee na kentakuei san ndee yun ―jiñaꞌa de.

Éxodo 12:32

Suni vi kuaka ni ndikachi ni vi isndiki ni, nagua ni ka ojikan ni nuu san, te kuaꞌankuei ni. Te vi kakantaꞌu ni nuu ia Dios ja saꞌa vii saꞌa vaꞌa ña ya jin san ―jiñaꞌa de.

Éxodo 12:37

Yun te ni ndekuei ñayiu Israel ñuu nani Ramesés, te kuaꞌankuei ichi ñuu nani Sucot. Kuaꞌankuei ndee iñu ciento mil teyii ja ka jika jaꞌa de, te ni tu ni ka kaꞌu suchi kueli.

Éxodo 12:38

Te suni kuaꞌankuei ñayiu Israel jin kuaꞌa ndevaꞌa ka ñayiu ndiꞌi ni nuu, vi kuaꞌa ndevaꞌa ndikachi vi isndiki.

Éxodo 13:6

Te uja kiuu vi kokaa ni xtaa vixin ja tu na levadura yiꞌi, te kiuu kuu uja yun vi saꞌa ni viko ja ka chiñuꞌu ni Jitoꞌo.

Éxodo 3:18

Te vi konini tee ka kuu nijaꞌnu yun tnoꞌo kaꞌan ron, te kiꞌinkuei ron jin de nuu rey ñuu Egipto yun, te suaꞌa vi kuñaꞌa ron: “Ni nukuꞌun ña Jeovaa Dios ñayiu hebreo. Te kuandetu ni joo na kiꞌinkuei san, chi uni kiuu vi kaka san nuu ñuu teꞌa, te saa kentakuei san nuu vi soko san kiti nuu ia Dios san”, vi kuñaꞌa ron.

Éxodo 5:1

Yun te ni kiukuei Moisés jin Aarón nuu oo Faraón, te ka jiñaꞌa de: ―Suaꞌa kaꞌan Jitoꞌo, ia kuu Dios ñayiu Israel: “Kuandetu na kiꞌinkuei ñayiu ñuu rin ndee nuu ñuꞌu teꞌa nuu vi saꞌi in viko ja vi chiñuꞌu ñai jin rin, kachi ya” ―ka jiñaꞌa de.

Éxodo 5:3

Yun te ka jiñaꞌa de: ―Ni ndaniꞌi ña ia Dios ñayiu hebreo jin san, te yun kuu ja kuandetu ni joo vitna, na kiꞌinkuei san nuu ñuꞌu teꞌa nuu vi kaka san uni kiuu, te saa kentakuei san nuu vi soko san kiti nuu Jitoꞌo Dios san, nagua ja ma kanakau jakueꞌe siki in in san ja kaꞌni ña ya jin kueꞌe xeen axi jin yuchi kani ―ka jiñaꞌa de.

Proverbios 3:9

Chiñuꞌu Jitoꞌo jin ja nevaꞌa ron, te soko nuu ya jaxtnañuꞌu ja kee nuu ñundeꞌi jitu ron.

Efesios 6:4

Te maa ni ja ka kuu ni yua, ma vi skiti ini ni seꞌe ni, chi suaꞌa vi skuaꞌnu ni jin tnoꞌo naxa vi koo naxa vi kakai, te vi xteku ni jin tnoꞌo maa Jitoꞌo.