Éxodo 10:23 - El Nuevo Testamento y unos libros del Antiguo Testamento

²³ Te ni in ñayiu ña ni kuu ka vi kuni tnaꞌa kuikin, te ni in ñayiu ña ni kuu ka ja ndakoi nuu ka oi yun nuu uni kiuu. Su ndia ñayiu Israel, chi yeꞌe veꞌe nuu ka oi.

Éxodo 10:23 Iomraidhean Croise

Éxodo 14:20

Te ni jinkoo viko kani yun maꞌñu sagua nuu ka oo ñayiu Egipto jin nuu ka oo ñayiu Israel. Te ni saꞌa viko yun ja ni oo inee nuu ka oo ñayiu Egipto, su ni oo yeꞌe nuu ka oo ñayiu Israel. Te yun guaa tu ni kuu ja vi juntnaꞌa ña ñayiu Egipto jin ñayiu Israel niñu niñu jakuaa yun.

Éxodo 7:25

Te nuu ni yaꞌa uja kiuu ja ni kani Jitoꞌo yute Nilo,

Éxodo 8:18

Te suni saa ni ka saꞌa tee tasi yun, chi ni ka nduku de jin tniuu tasi ka saꞌa de yun ja vi koo kuaꞌa ka chiuku, su tu ni kuu vi saꞌa de. Te ni tnaa ña chiuku jin ñayiu vi kiti.

Éxodo 8:19

Yun te ka jiñaꞌa tee tasi yun nuu Faraón: ―Nuu ndaꞌa maa Dios vaji ndiꞌi yaꞌa ―ka jiñaꞌa de. Su ni saꞌa ndee ini Faraón, te tu ni onini de tnoꞌo ka kaꞌan tee yun, nagua ja ni kaꞌan maa Jitoꞌo.

Éxodo 8:22

Te kiuu yun saꞌa siin rin ñuu Gosén nuu ka oo ñayiu ñuu rin, nagua ja vi ni in nuu chiukun ma koo. Saa te kuni ron ja maa rin kuu Jitoꞌo ja oo rin nuu ñuu yaꞌa.

Éxodo 9:26

Te maintnoꞌo ñuu Gosén nuu ka oo ñayiu Israel, guaa tu ni kuun ñiñi yun.

Éxodo 9:4

Su saꞌa siin rin kiti ñayiu Israel jin kiti ñayiu Egipto, nagua ja ma vi kuu ni in kiti ñayiu Israel”, kuñaꞌa ron ―jiñaꞌa ya.

Isaías 42:16

Te kondeka rin ñayiu ni ka kuaa ja vi kakai nuu ichi tu ka jini, vi nuu ichi chindaa ja tu na ama ka jikai. Te vi jin nui, te ndasama rin ñunee ja na yeꞌe, te ndasaꞌa ndaa rin ichi ja ni ndee ni nana ni kaa, te saa saꞌa rin, chi ma xndendoo ndaꞌu rin jin.

Malaquías 3:18

Yun te vi ndajiokuiin ron, te vi kuni ron ja siin kuu ñayiu ndaa, te siin kuu ñayiu kueꞌe. Siin kuu ñayiu jinokuechi nuu rin, te siin kuu ñayiu tu ka jinokuechi nuu rin”, kachi ya.

Colosenses 1:13

Te ni ndatau ña ia Dios nuu tatnuni Tachi nuu ñunee, te ni ndasiaꞌa ña ya nuu tatnuni Seꞌe ya, ia kutoo ndevaꞌa ya.

1 Pedro 2:9

Te maa ni, chi ñayiu tatatnoꞌo maa ia Dios ka kuu ni, chi ni ndakaji ña ya jin ni. Te ka kuu ni sutu ja ka jinokuechi ni nuu maa ya ja kuu ya rey. Te ka kuu ni in ñuu vii, in ñuu ja ni niꞌi ya ja ka kuu ni ñayiu maa ya, nagua ja vi ndakani ni ndiꞌi javii javaꞌa saꞌa ya, ia ni ndakana ña ja ni ndekuei ni nuu ichi nee, te ni ndiukuei ni nuu ichi ja yeꞌe niꞌnu maa ya.