Éxodo 10:1 - El Nuevo Testamento y unos libros del Antiguo Testamento

¹ Te jiñaꞌa Jitoꞌo nuu Moisés: ―Kuaꞌan te kaꞌan ron nuu Faraón, chi maa rin ni saꞌa ndee ini de jin tee ka netniuu jin de, nagua ja xneꞌe rin nuu de taka tniuu naꞌnu yaꞌa.

Éxodo 10:1 Iomraidhean Croise

Salmos 7:11

Maa Dios kuu ia ndaa ja jaꞌnde ndaa ya kuechi, te ndiꞌi ni kiuu kiti ini ya siki ñayiu ka saꞌa jakueꞌe.

Éxodo 10:20

Su maa Jitoꞌo ni saꞌa ndee ini anu Faraón, te tu ni jandetu de ja ndekuei ñayiu Israel kiꞌinkuei.

Éxodo 3:20

Su tetniuu maa rin taka jakueꞌe siki ñayiu Egipto, te xneꞌe rin ndiꞌi tniuu naꞌnu saꞌa rin jin nui. Yun te saa siaa ña Faraón ja kiꞌinkuei ron.

Éxodo 4:21

Yun te jiñaꞌa Jitoꞌo nuu Moisés: ―Nuu ndajino ron Egipto, te konaꞌa ron ja saꞌa ron nuu Faraón ndiꞌi tniuu naꞌnu ja ni taa rin nuu ron ja saꞌa ron. Su maa rin saꞌa ndee ini de, te ma kuandetu de ja ndekuei ñayiu ñuu rin.

Éxodo 7:4

Te visi ni saa, te ma konini Faraón tnoꞌo ka kaꞌan ron. Su yun te kuantniuu rin ndiꞌi jakaꞌnu rin siki Egipto, te jin tniuu naꞌnu saꞌa rin tetniuu rin tnundoꞌo ja jaꞌa jakueꞌe ka saꞌi yun. Te ndeneꞌe rin ñayiu ñuu rin Israel nuu ñuu Egipto, te ndee yukun kani kuiti kiꞌin jin rin.

Éxodo 9:12

Su Jitoꞌo ni saꞌa ndee anu Faraón, te tu ni onini de tnoꞌo ka kaꞌan Moisés vi Aarón, nagua ja ni kaꞌan maa Jitoꞌo nuu Moisés.

Éxodo 9:16

Su jandaa ja ni jandetu rin teku ron, nagua ja xneꞌe rin jakaꞌnu rin nuu ron, nagua ja saa te ndiꞌi ñayiu nii ñuyiu vi kuni jakaꞌnu kuu rin.

Éxodo 9:27

Yun te ni tetniuu Faraón ja ni ka kana ña jin Moisés vi Aarón, te jiñaꞌa de: ―Vitna te ndakuni san yika kuechi san. Te Jitoꞌo, chi saꞌa ndaa ya, su maa san jin ñayiu ñuu san ka oo kuechi.

San Juan 12:40

Ni jasi ia Dios nduchi nui, te ni ka kundee ndevaꞌa ini anui, nagua ja ma vi kuni jin nduchi nui, ni ma vi jinkuiꞌnu ini ja vi ndasamai mai, te vi kiundui nuu ya, te ndasaꞌa ya ndee ini ndee anui kaꞌan nuu tutu ii.

Romanos 9:17

Chi suni saa yoso nuu tutu ii ja ni kaꞌan ya jin Faraón guaa ndee jananaꞌa: “Ni jani ña rin jin ron ja kuu ron rey, nagua ja saa te xneꞌe rin tniuu kaꞌnu saꞌa rin nuu ron, nagua ja kutenuu sivi rin ja vi kuni ñayiu nii ñuyiu”, jiñaꞌa ya.

Romanos 9:18

Te yun guaa kundaꞌu ini ya na ñayiu kuini ya ja kundaꞌu ini ya, te saꞌa ndee ya anu na ñayiu kuini ya ja saꞌa ndee ya ini anui.