Éxodo 1:7 - El Nuevo Testamento y unos libros del Antiguo Testamento

⁷ Su tatatnoꞌo Israel, chi vii ndevaꞌa ni ka ndataꞌu, te ni ka kaya kuaꞌa ndevaꞌi, te ni kentakuei ja ni ka oo ndakui ndevaꞌi, te vi ni ka chitui nii ñuu yun.

Éxodo 1:7 Iomraidhean Croise

Génesis 1:20

Te jiñaꞌa Dios: “Na taꞌu ndinuu nuu kiti ndute vi kiti na vi kondagua siki ñuꞌu ichi andivi”.

Génesis 1:28

Te ni saꞌa vii saꞌa vaꞌa ña Dios, te jiñaꞌa ya: ―Vi kaya kuakuaꞌa ndikin tata ron, te vi chitu ron ñuyiu, te vi kotatnuni ron nuu ñuyiu, vi kotatnuni ron nuu kiti ndute mar vi nuu kiti ndagua ichi andivi vi nuu ndiꞌi kiti yuku ja ka teku ti ñuyiu yaꞌa.

Génesis 12:2

Te jin maa ron saꞌa rin in ñuu kaꞌnu, te saꞌa rin javii javaꞌa jin ron, te saꞌa kaꞌnu rin sivi ron ja kokuu ron in ñayiu vii ñayiu vaꞌa.

Génesis 13:16

Chi saꞌa rin ja vi kaya tatatnoꞌo ron na kuinio ñuyaka ñuꞌu ja ma kuu vi kaꞌu ñayiu, te saa kokuu jin tatatnoꞌo ron, chi tu na in kundee ja kaꞌu.

Génesis 15:5

Yun te ni kana ña ya yeꞌe, te jiñaꞌa ya: ―Vitna te kondiaꞌa andivi, te kaꞌu kimi ka oo yun nuu ja kundee ron ja kaꞌu ron ti, te saa kuaꞌa ndikin tata ron koo ―jiñaꞌa ya.

Génesis 17:16

Te saꞌa rin javii javaꞌa jin ña, te koo in seyii ron jin ña, te ja siun saꞌa rin in javii javaꞌa jin ña guaa kokuu ña siꞌi ñayiu ñuu naꞌnu vi ndikin tata ron jin ña vi kokuu rey nuu taka ñuu ―jiñaꞌa ya.

Génesis 22:17

Te yun guaa saꞌa vii saꞌa vaꞌa ña rin jin ron, te skaya kuakuaꞌa rin ndikin tata ron na kuinio kimi axi na kuinio ñuti yuꞌu ndute mar, saa kuaꞌi vi kaya te vi kindee tatatnoꞌo ron ñuu nuu ka oo ñayiu ka kaꞌan uꞌu ña jin.

Génesis 26:22

Yun te ni kujioo de kuaꞌan de inka lado, te yun ni ka jate tuku de inka poso, te yun guaa tu ka na tnoꞌo kiti ini ni oo siki poso yun, guaa ni xnani de Rehobot, chi ni kachi de: ―Vitna te ni jandetu Jitoꞌo ja vi kosii inio te vi jinkoo vaꞌo ja vi kayao ñuu yaꞌa ―ni kachi de.

Génesis 26:4

Te skaya kuakuaꞌa rin ndikin tata ron na kuinio kimi ka oo andivi. Te nuu tatatnoꞌo ron guaa kuñaꞌa rin ndiꞌi ñuꞌu yaꞌa ja vi koo de, te vi koo vii vi koo vaꞌa ndiꞌi ñuu naꞌnu ja jaꞌa ndikin tata ron.

Génesis 28:14

Chi saꞌa rin ja vi kaya kuaꞌa ndevaꞌa tatatnoꞌo ron na kuinio ñuyaka ñuꞌu, te vi kutenuu ichi nuu ron vi ichi yata ron, ichi ndaꞌa kuaꞌa ron vi ichi ndaꞌa satni ron, te vi ndiꞌi ñayiu vi koo vii vi koo vaꞌa nuu ñuyiu yaꞌa ja jaꞌa ndikin tata ron.

Génesis 35:11

Te suni jiñaꞌa ka ia Dios: ―Maa rin kuu Dios kaꞌnu ja ndiꞌi ni ja kuu saꞌa rin, te vi taꞌu kuaꞌa ron ja vi kaya kuaꞌa ndevaꞌa ron, te vi kokuu ron in ñuu, te neꞌu ron kekuei kuaꞌa ñuu naꞌnu, te suni neꞌu maa ron kekuei kuaꞌa rey ja vi kokuu de niñi xikui ron.

Génesis 46:3

Te jiñaꞌa ya: ―Maa rin kuu Dios, ia Dios ndi tata ron, te ma koyuꞌu ron ja kiꞌin ron Egipto, chi yun saꞌa rin ja vi kaya kuaꞌa ndevaꞌa ron, te vi kokuu ron in ñuu kaꞌnu.

Génesis 47:27

Saa te ni ka oo ñayiu Israel nuu ñuꞌu ñuu Gosén ja tnii Egipto, te ni ka saꞌa jajin de ñuꞌu yun, te vii ni ka taꞌu de, te ni ka kaya kuaꞌa ndevaꞌa de.

Génesis 48:16

te ia jinokuechi nuu Dios ja ni skaku niꞌnu ña jin rin nuu ndiꞌi jakueꞌe, na koto na kuni ña ya jin suchi kuechi yaꞌa, te na vi kondisoi sivi rin vi sivi ndi tata rin Abraham vi Isaac, te na vi kaya kuaꞌa ndevaꞌa ndikin tatai ñuyiu yaꞌa ―jiñaꞌa de.

Génesis 48:4

nuu kachi ya: “Vitna te skaya ña rin ja vi kaya kuaꞌa ron, te suu ron kokuu yua kuaꞌa ñuu naꞌnu, te kuñaꞌa rin ñuꞌu yaꞌa nuu tatatnoꞌo ron ja vi koi nuu kuee ka, te vi saꞌa jajin mai nikuii nikani ni”, kachi ya.

Génesis 9:1

Yun te ni saꞌa vii saꞌa vaꞌa ña ia Dios jin Noé vi seꞌe de, te jiñaꞌa ya: ―Vi koo kuakuaꞌa ndikin tata ron, te vi ndakaya ron vi ndee na ndachitu ñuyiu.

Salmos 105:24

Te ni saꞌa ia Dios ja ni ka kaya kuaꞌa ndevaꞌa ñayiu ñuu ya, te ni saꞌa ya ja inu ndakui kai saa ñayiu Egipto yun ja ka kaꞌan uꞌu ña jin ya.

Salmos 107:38

Te ni saꞌa vii ni saꞌa vaꞌa ña ia Dios, te ni ka ndakaya kuaꞌa ndevaꞌi, vi ni ka kaya kiti ka nevaꞌi.

Éxodo 1:12

Su vi viꞌi ka ni ka oxtoꞌo ña de, te vi saa kuaꞌa kai ni ka ondataꞌu. Te ni ka kaya ndevaꞌi ja vi ni ka oyuꞌu ña ñayiu Egipto jin ñayiu Israel yun.

Éxodo 12:37

Yun te ni ndekuei ñayiu Israel ñuu nani Ramesés, te kuaꞌankuei ichi ñuu nani Sucot. Kuaꞌankuei ndee iñu ciento mil teyii ja ka jika jaꞌa de, te ni tu ni ka kaꞌu suchi kueli.

Éxodo 5:5

Te suni jiñaꞌa ka Faraón: ―Vitna te ni ka kaya kuaꞌa ñayiu Israel ja ka oi ñuu yaꞌa, te maa ni saa suaꞌa vajikuei ni ka jinkani ni jin tniuu ka ndee nui ja ka saꞌi ―jiñaꞌa de.

Hechos 13:17

Ia Dios ñayiu ñuo Israel ni kaji ya ndee ndi yuao, te ni skaya ña ya ja ni ka kuu de in ñuu kaꞌnu, visi ñayiu ni ka ojika ndaꞌu ni ka okuu de nuu ñayiu ñuu Egipto. Su nuu kuee ka, te jin jakaꞌnu ya ni ndeneꞌe ña ya ñuu yun.