Éxodo 1:14 - El Nuevo Testamento y unos libros del Antiguo Testamento

¹⁴ Suni ni ka jiñaꞌa de tnoꞌo suchi ini ja ni ka oo jin ñayiu Israel yun, chi ni ka jiñaꞌa de tniuu ndee ndevaꞌa ja ni ka osakai ndeꞌi, te ni ka osaꞌi adobe, vi ndiꞌi tniuu ja ka jitu ñayiu nuu ñundeꞌi. Te jin ndiꞌi tniuu ni ka osaꞌi ni ka otenini ña de vi ni ka osaꞌa ndevaꞌa ña de.

Éxodo 1:14 Iomraidhean Croise

Génesis 15:13

Yun te jiñaꞌa Jitoꞌo nuu Abram: ―Kuini rin ja kaxtnoꞌo rin nagua ja kokuni ron ndee vitna ja ndikin tata ron, chi vi kokaka ndaꞌui neꞌu ñayiu inka ñuu, te yun vi kokunukuechi, te ndevaꞌa ndetnuni ni vi kosaꞌa ña ñayiu ñuu yun nuu kuun ciento kuia.

Salmos 129:1

Kuakuaꞌa ñayiu ni ka otaa tnoꞌo suchi ini guaa ndee nuu kuechi san. Te na vi kaꞌan ñayiu Israel vitna:

Salmos 68:13

Te roon ja ni ka tayuꞌu nuu ron neꞌu nuu ka yiꞌi lelu, te suni vi niꞌi ron in jaguaꞌa na kuinio ndijin sata ja ni ndukutu jin kaa kuu plata te kuaan kuaan tnoo ti ja ni ndukutu jin oro.

Salmos 81:6

Te kachi ia Dios: “Ni kindee rin in javee ja ni ka ondiso ron, te ni ka ndoo uun ndaꞌa ron jin tniuu ndee ja ni ka osaꞌa ron.

Éxodo 1:11

Yun te ni ka jani de tee ni ka otanuni nuu ñayiu Israel, te ni ka otenini ña de ja vi saꞌi tniuu ndee ndevaꞌa nuu ni ka saꞌi ñuu naꞌnu ndevaꞌa ja kuu ñuu Pitón vi Ramesés, nagua ja tavaꞌa rey Faraón yun ndiꞌi ja kee nuu ñundeꞌi.

Éxodo 1:13

Te yun guaa ni ka tenini ña ñayiu Egipto yun jin ñayiu Israel ja ni ka satniuu ndee ndevaꞌi.

Éxodo 1:15

Yun te ni kaꞌan rey Egipto yun nuu ñaꞌa ka ndatniuvaꞌa lulu, ñaꞌa tatatnoꞌo Israel, ja suni ka kuu hebreo. Te in ñaꞌa tatna yun nani Sifra, te inka ña nani Fúa, te jiñaꞌa de suaꞌa:

Éxodo 2:23

Yun te nuu ni yaꞌa kuaꞌa kuia, te ni jiꞌi rey Egipto yun. Te ñayiu Israel, chi ni ka kana ka ndaꞌi nuu ia Dios ja siun ka tnaꞌa ndevaꞌi tnundoꞌo ja ka jinokuechi nuu ñuu yun, te ni kenta ja ka kanai ndee nuu ia Dios.

Éxodo 20:2

―Maa rin kuu Jitoꞌo Dios ron, ia ni ndeneꞌe ña jin ron ñuu Egipto, ñuu nuu ni ka ojinokuechi ron.

Éxodo 6:9

Te saa ni ndakani Moisés nuu ñayiu Israel, su tu ni ka kuini vi konini tnoꞌo kaꞌan Moisés, chi ka tnaꞌu ndevaꞌa ini ja siun ndee ndevaꞌa tniuu ka saꞌi.

Proverbios 28:15

Tee kueꞌe ja tatnuni in ñuu ndaꞌu, kuu de na kuinio in ndikaꞌa ja kañu xeen ti, axi na kuinio in oso ja kokin ndevaꞌa ti.

Isaías 51:23

Te kuñaꞌa rin vasu rin ja vi koꞌo ñayiu ka saꞌa ndevaꞌa ndetnuni ña jin ron, ja ni ka kachi nuu ron: Jinkotuu te na vi yaꞌa rin siki ron. Te ni jinkotuu ron nuu ñuꞌu, te na kuinio ichi kuu yata ron ja ni ka yaꞌa ñayiu yun.”

Isaías 52:5

Te vitna, “¿nagua kuu ja saꞌo?”, kachi Jitoꞌo. “Te ni ka jaka ña jin ñayiu ñuo ja vi kunukuechi ñuu Babilonia, te masu nagua ni ka saꞌi jin ñayiu yun. Te ñayiu ka tatnuni nui, chi siun ni ka kana ja ka saꞌa teyii, te ndiꞌi kiuu ni ka kaneꞌe ña jion.

Isaías 58:6

Ñaꞌa, chi ja ni kaji maa rin ja vi kondite ron kuu ja vi kujioo ron nuu jakueꞌe ka saꞌa ron, te vi saꞌa ndaa ron, chi na kuinio ja ka nuꞌni ron nuu jakueꞌe yun. Te vi siaa ron ñayiu ka saꞌa ndevaꞌa ron na kiꞌinkuei mai, te vi kujioo ron nuu ndiꞌi jakueꞌe ja ka ndiso ron.

Hechos 7:19

Te rey yaꞌa ni xndaꞌu de ñayiu ñuo, te ni saꞌa ndevaꞌa de ndi yuao vi ni tatnuni de ja na vi xndoi seꞌe kueli inka ka kaku, te na vi kuu mai.

Hechos 7:34

Ni jini rin ja kuaꞌa tnundoꞌo ka tnaꞌa ñayiu ñuu rin ja ka oo Egipto, te ni onini rin ja ka kana ka ndaꞌi nuu rin. Te yun guaa vaji rin ja skaku niꞌnu rin. Te vitna neꞌe, chi tetniuu ña rin noꞌo ron Egipto”, jiñaꞌa ya.

Tutu ndakani tnoꞌo ja jaꞌa Rut 1:20

Te jiñaꞌa ña: ―Ma vi xnani ka ña ni Noemí, chi Mara vi ndaxnani ña ni, chi kuaꞌa ndevaꞌa tnoꞌo suchi ini ni tetniuu Dios, ia ndiꞌi ni ja kuu ja saꞌa ya, siki san.