Ester 9:1 - El Nuevo Testamento y unos libros del Antiguo Testamento

¹ Te vi maa kiuu uxi uni yoo uxi uu ja nani yoo Adar, kuu kiuu ja skunkuu ja vi saꞌa de tnoꞌo ni tatnuni rey. Te kiuu yun ka ndetu tee ka kaꞌan uꞌu ña jin ñayiu judio ja vi na vi kitu xiaꞌan ña de. Su saa suaꞌa yata ni kuu, chi saa maa ñayiu judio ni ka kuu nijaꞌnu nuu ñayiu ka kaꞌan uꞌu ña jin.

Ester 9:1 Iomraidhean Croise

Ester 3:13

Yun te ni ka tetniuu de jin maꞌñu sagua tee ka ndaxtute tutu nuu ndiꞌi ñuu ja tatnuni rey, te nuu tutu yun tatnuni de ja vi kaꞌni ndiꞌi ñayiu judio vi ndee na vi xnaa ña, a kuu suchi kuechi a ñayiu nijaꞌnu a suchi kueli axi ñasiꞌi, te vi kuiso ndiꞌi ja ka nevaꞌa ñayiu yun nuu invaa ni kiuu, ja kuu kiuu uxi uni yoo uxi uu ja ka xnani yoo Adar.

Ester 3:7

Te mamaa yoo xtnañuꞌu ja ndakiꞌin kuia ja ka xnani yoo Nisán, kuia uxi uu ja tatnuni maa rey Asuero, ni ka skee de “pur”. Yaꞌa kuu ja ni ka jitotnuni de jin nuu maa Amán nagua ja vi kuni de na kiuu na yoo guaguaꞌa ka ja vi xnaa de ñayiu judio. Te ni kanakau kiuu uxi uni yoo uxi uu ja ka xnani yoo Adar.

Ester 8:12

Te ndiꞌi yaꞌa na vi saꞌi invaa ni kiuu nuu ndiꞌi ñuu ja tatnuni rey Asuero. Te kiuu ja ni ka kaji yun kuu kiuu uxi uni, yoo uxi uu ja nani yoo Adar.

Ester 8:6

Chi ¿naxa kuu kondiaꞌa sein te kenta jakueꞌe siki ñayiu ñuu san axi naxa kundee ini sein ja vi ndiaꞌa san jin nuu san, te vi naa tnaꞌa kuikin san? ―jiñaꞌa ña.

Ester 9:17

Te kiuu uxi uni yoo Adar ni kuu siaꞌa, te ni ka ndatatu de kiuu uxi kuun maa yoo yun, te ni ka saꞌa de in kiuu viko ja ni ka kusii ini de.

Salmos 18:40

Te ni saꞌa ni ja ni ka ndajiokuiin tee ka kaꞌan uꞌu ña jin san, saa te ni xnaa san tee yun ja ka skexiko ña de jin san.

Salmos 30:11

Ni ndasama ni tnoꞌo suchi ini ni tnaꞌa san, te jita jaꞌa san. Ni xtajioo ni saꞌun ndayi ni oniꞌnu san ja kusuchi ini san, te ni ndusii ini san.

Hechos 12:11

Yun te ni ndikuiꞌnu ndaa ini Pedro, te ni ndakani ini de: ―Vitna te jinkuiꞌnu ndaa inio ja Jitoꞌo ni tetniuu in ia jinokuechi nuu ya ja ni skaku niꞌnu ña ya nuu ndaꞌa Herodes vi ni kakuo nuu ndiꞌi jakueꞌe ka kaꞌan ñayiu ñuo judio ja vi saꞌa ñai.

El Apocalipsis 11:18

Te ni ka kiti ini ñayiu taka ñuu nuu ni, su vitna te ni kenta kiuu ja kiti ini ni nuu ñayiu ka saꞌa jakueꞌe, vi ja sandaa ni kuechi ñayiu ni ka jiꞌi, te kuñaꞌa ni ja vi kutaꞌu tee ni ka jinokuechi nuu ni ja ni ka ndakani tnoꞌo ni, vi ñayiu maa ni ja ka saꞌa vii ka saꞌa vaꞌa, vi ñayiu ka chiñuꞌu sivi ni, a kuu ñayiu naꞌnu axi ñayiu kueli, te xnaa ni ñayiu ka saꞌa jakueꞌe nuu ñuyiu. Ka kachi de.