Ester 7:9 - El Nuevo Testamento y unos libros del Antiguo Testamento

⁹ Te ni kaꞌan Harbona, in tee netniuu ja jito, te jiñaꞌa de: ―Nuu oo veꞌe maa Amán yaꞌa ja otuaꞌa in yutnu sukun uu xiko uxi yiki ja ni tatnuni de ni ka jani ja vi katakaa linko ña jin Mardoqueo, tee ni ndakani guaꞌa ja ni chituu ña jin maa ni, vi rey ―jiñaꞌa de. Yun te jiñaꞌa rey: ―Vi katakaa linko ni de yun, nuu saa ―jiñaꞌa de.

Ester 7:9 Iomraidhean Croise

Ester 1:10

Te kiuu kuu uja ja oo viko yun, te ja siun ni jiꞌi de vinu te osii ndevaꞌa ini de, te ni tetniuu de Mehumán vi Bizra vi Harbona vi Bigta vi Abagta vi Zetar vi Carcas, uja tee ja ni ka ojinokuechi de nuu rey Asuero,

Ester 5:14

Te ka jiñaꞌa ñasiꞌi de Zeres jin ndiꞌi tee ka ndeka tnaꞌa guaꞌa jin de: ―Kuñaꞌa ni ja na vi kani in yutnu ja koo sukun uu xiko uxi yiki. Te kakan ni nuu rey ja xtnee na vi katakaa ña jin Mardoqueo nuu yutnu yun. Saa te kiꞌin sii ini ni jin rey nuu viko yun ―ka jiñaꞌa de. Te ni jinkuaan ini Amán tnoꞌo ni ka kaꞌan de, te ni tatnuni de ja ni ka jani yutnu yun.

Ester 6:14

Te vi nini ka kaꞌan ka de jin Amán, te ni jinokuei ni tee ka jinokuechi nuu rey, te ñama kuiti ni ka jaka ña de jin Amán ja kuaꞌan de viko ni savaꞌa Ester.

Ester 6:2

Te yun ni ka nukuꞌun de yoso naxa ni kuu ja ni kaxtnoꞌo Mardoqueo ja ka skaka tnaꞌa Bigtán jin Teres uu tee ka netniuu nuu veꞌe tniuu, ja vi kaꞌni de rey Asuero.

Ester 8:7

Yun te jiñaꞌa rey Asuero nuu reina Ester vi nuu Mardoqueo, tee judio: ―Ja ni ka jini maa ni ja ni jiñaꞌa san ja ni onevaꞌa Amán nuu Ester, te ni ka jatakaa linko ña jin maa de, ja siun ni ndakani kueꞌe ini de ja ndakoo de siki ñayiu judio.

Ester 9:14

Te ni tatnuni rey ja saa vi saꞌa de. Te ni ka xtutenuu tnoꞌo tatnuni yun maa ñuu Susa, te ni ka jatakaa linko yiki kuñu ndi uxi seyii Amán.

Ester 9:25

Su nuu ni jino Ester nuu rey, te ni tee rey tnoꞌo nuu tatnuni de ja ndiꞌi tnoꞌo kueꞌe ni ndakani ini Amán ja saꞌa de jin ñayiu judio, na nanakau siki maa de, te na vi katakaa linko ña jin maa de vi seyii de in nuu yutnu.

Salmos 141:10

Te na vi nanakau maa ñayiu ka saꞌa jakueꞌe nuu ñunu ja ka jakin yun. Su sein, chi na yaꞌa jioo ni san, kiꞌin san.

Salmos 35:8

Te vini ma vi kuni, te tetniuu ni jakueꞌe siki, te na vi nanakau mai nuu jakueꞌe ka saꞌi yun, te na vi nanakau mai nuu yau ni ka jatei.

Salmos 73:19

Te vi nunuu ni te vi nai, te ioo ndevaꞌa kokuu nuu vi naa ndiꞌi.

Daniel 6:24

Yun te ni tatnuni rey ja ni ka jinkuaka ña jin tee ni ka kaꞌan kuechi siki Daniel, te in ni ni ka tnaa ña jin maa de vi ñasiꞌi de vi seꞌe de yau ñuꞌu nuu ka oo ndikaꞌa yun. Te vi kuini ka ja vi kunjino vaꞌa de, te ni ka kakuiko ña ndikaꞌa yun, te vi ni ka skuechi kueli ti yiki de.

Daniel 6:7

Ni ka ndututu ndiꞌi san jin tee ka netniuu nuu tatnuni ni, vi tee ka tatnuni nuu soldado, vi tee ka tatnuni nuu sava ka ñuu, vi tee ka xteku ña, te ni ka ndatnoꞌo tnaꞌa san ja keneꞌe ni in tnoꞌo nuu tatnuni ni ja nani kuu ñayiu ja jikantaꞌu nuu nani kuu chuꞌchi axi nuu in teyii ja masu nuu maa ni, vi tata rey, neꞌu nuu oko uxi kiuu ja vaji yaꞌa, te na vi tnaa ña jin yau ñuꞌu nuu ka oo ndikaꞌa yun.