Ester 7:8 - El Nuevo Testamento y unos libros del Antiguo Testamento

⁸ Te nuu ni ndajiokuiin rey ja ni jaꞌan de nuu ka oo xtnuu kuii nuu oo veꞌe tniuu yun, te ni ndajino de veꞌe nuu oo viko yun, te ni jini de ja yindei Amán nuu jito nuu nukondee Ester. Yun te jiñaꞌa rey: ―¿A vi suni kuini ni ja saꞌa neꞌe ni reina vi jin nuu san, vi ini veꞌe maa san? ―jiñaꞌa de. Te vi nuu ni kaꞌan rey tnoꞌo yun, te ni ka chisaꞌu ni tee ka jinokuechi yun nuu Amán.

Ester 7:8 Iomraidhean Croise

Ester 1:5

Te nuu ni yaꞌa kiuu yun, te ni saꞌa tuku rey inka viko ja ni oo uja kiuu, nuu ni kana de ndiꞌi ñayiu ñuu ja ka oo maa ñuu kaꞌnu Susa yun, ñayiu ka ndanuu guaꞌa vi ñayiu joo ni ka ndanuu. Te viko yun ni saꞌa de yeꞌe nuu ka oo xtnuu kuii, nuu oo maa veꞌe tniuu yun.

Ester 1:6

Te ni ndukutu yeꞌe yun jin saꞌun kuijin vi saꞌun ndiꞌi ja intakuei nuu in yoꞌo kuiñi ja kuu lino kuijin vi saꞌun kuaꞌa nditnu, te yaꞌa nuu kaa tikute ja kuu plata, te yun intakuei yukun yuu ndiyaa nani mármol, vi jito kaa nuu ka nukoo ñayiu ja ka kuu oro vi plata. Te nuu ñuꞌu ni ka jakin mosaico vi yuu ndiyaa nani mármol vi yuu yeyeꞌe vi yuu ndiꞌi nditnu.

Ester 6:12

Te nuu ni ndiꞌi ja ni ka jiondita de, te ni ndajiokuiin Mardoqueo yeꞌe veꞌe tniuu. Su Amán, chi ñama kuiti ni ndajiokuiin de veꞌe de, kusuchi ini de, te ni chisaꞌu de nuu de.

Ester 7:10

Saa ni kuu ja ni ka jatakaa linko ña jin Amán nuu yutnu ja ni savaꞌa maa de ja kuintakaa Mardoqueo. Saa te ni ndiko ini rey jin ja kiti ini de.

Isaías 49:23

Te tee ka kuu rey vi nduu yua ron ja vi ndakuaka ndaꞌu ña, te ñaꞌa ka kuu reina vi kokuu ñaꞌa vi kokoto ña jin ron, te vi jinkindei ndee nuu ñuꞌu nuu ron, ja vi konee yiñuꞌi, te vi yundei ñuyaka ka ndaa siꞌin ron. Saa te vi kuni ron ja maa rin kuu Jitoꞌo, te ma vi kendoo kanoo ñayiu ka ndetu kaꞌnu ña jin rin.”

San Marcos 14:65

Te ni ka jinkondee sava de ka tiusii ña de, vi ni ka jasi de nuu ya, te ni ka kani de ya jiki, te ka jiñaꞌa de: ―Kaꞌan na in ni kani ña jin ron, ―ka jiñaꞌa de. Te ka katu ndajaꞌa yun tikatu nuu ya.