Ester 7:7 - El Nuevo Testamento y unos libros del Antiguo Testamento

⁷ Yun te ni xndendoo rey vasu jiꞌi de, te ni ndakoo de ja ni kiti ndevaꞌa ini de, te ni kee de kuaꞌan de nuu ka oo xtnuu kuii nuu oo veꞌe tniuu yun. Su ni ndoo Amán ja kakantaꞌu de nuu reina Ester ja na kuakaꞌnu ini ña ja koteku de, chi ja ni jini de ja ndakani ini rey ja kaꞌni ña de.

Ester 7:7 Iomraidhean Croise

Ester 1:12

Su tu ni skunkuu reina Vasti ja kiꞌin ña nagua ni tatnuni rey jin maꞌñu sagua tee ka jinokuechi nuu de, te yun guaa ni nduxii ini rey, te ni kiti ndevaꞌa ini de nuu ña.

Ester 1:5

Te nuu ni yaꞌa kiuu yun, te ni saꞌa tuku rey inka viko ja ni oo uja kiuu, nuu ni kana de ndiꞌi ñayiu ñuu ja ka oo maa ñuu kaꞌnu Susa yun, ñayiu ka ndanuu guaꞌa vi ñayiu joo ni ka ndanuu. Te viko yun ni saꞌa de yeꞌe nuu ka oo xtnuu kuii, nuu oo maa veꞌe tniuu yun.

Ester 7:10

Saa ni kuu ja ni ka jatakaa linko ña jin Amán nuu yutnu ja ni savaꞌa maa de ja kuintakaa Mardoqueo. Saa te ni ndiko ini rey jin ja kiti ini de.

Salmos 112:10

Te nuu vi kuni ñayiu kueꞌe yaꞌa, te vi kiti ini ndevaꞌi, te vi ndakaꞌñi noꞌi, su ndi joo ndi joo te vi nai, te suni naa ja ni ka ondioo ini ñayiu kueꞌe ja vi niꞌi.

Proverbios 14:19

Te ñayiu kueꞌe, chi ka jaꞌnu jiti nuu ñayiu guaꞌa. Te ñayiu kueꞌe ndevaꞌa, chi vi kokakan taꞌui yuyeꞌe ñayiu ndaa ja vi chituu ña jin.

Proverbios 14:35

Tee jinokuechi ja jinkuiꞌnu ini, chi kaꞌan ndaꞌu kaꞌan kee ña rey jin de. Su kiti ini rey yun siki tee jiñaꞌa ja kanoo de.

Proverbios 16:14

Ja kiti ini rey kuu na kuinio ñayiu kaxtnoꞌo ja kaꞌni ña. Su ñayiu ndichi, chi ndukui ja yaꞌa ini de jin ja kiti ini yun.

Proverbios 19:12

Ja kiti ini rey kuu na kuinio nuu kañu xeen ndikaꞌa. Su jandiuxi ja saꞌa de kuu na kuinio yuyu ja jinkoso nuu ite.

Isaías 60:14

Te vi kindei vi kititi seꞌe ñayiu ni ka taa tnoꞌo suchi ini nuu kikuei nuu ron, te ndiꞌi ñayiu ni ka skexiko ña jin ron, vi jinkuiin jiti nuu jaꞌa ron. Te vi xnani ñai jin ron “ñuu Jitoꞌo”, vi “Sión, ñuu ia ii ñayiu Israel”.

Daniel 3:19

Yun te ni kiti ndevaꞌa ini Nabucodonosor, te vi ni ndukuaꞌa ñuꞌu de ja kiti ini de siki Sadrac vi Mesac vi Abed-nego. Te ni tatnuni de ja vi sasaa guaguaꞌa jitnu yun uja ka jichi saa nagua ka sasaa sava ka jichi.

El Apocalipsis 3:9

Ka oo sava ñayiu ja ka ndututu nuu Tachi ja ka kaꞌin ja ñayiu judio ja ka oo jin Dios ka kui, su masu inu ndijai, chi chia inu tnoꞌi. Nuu saa te saꞌa rin ja kikuei nuu ron, te vi jinkuiin jiti nuu jaꞌa ron, nagua ja vi kuni ja kutoo ña rin jin ron.