Ester 6:4 - El Nuevo Testamento y unos libros del Antiguo Testamento

⁴ Te vi inka ni kiuu Amán ini veꞌe tniuu yun ja yaꞌa de kaꞌan de jin rey ja na vi katakaa ña jin Mardoqueo nuu yutnu ja ni savaꞌa maa de. Te ni jikan tnoꞌo rey: ―¿Na in jika ini veꞌe jian?

Ester 6:4 Iomraidhean Croise

Ester 4:11

“Ndiꞌi tee ka jinokuechi nuu rey vi ñayiu taka ñuu nuu tatnuni rey, ka jini ja nani kuu teyii a ñasiꞌi ja kiuu veꞌe nuu oo rey, nuu ja masu maa de kana ña, te invaa ni ley oo ja jaꞌa ñayiu yun, ja xtau tniaꞌa ña ja kui. Su maintnoꞌo nuu ja skata rey xnuu oro ja tuu de ichi nuu oo ñayiu yun, te kuakaꞌnu ini de ja kotekui. Te ja sein, chi ja ni jino oko uxi kiuu ja tu kana ña rey ja kiꞌin san nuu oo de”, kuñaꞌa ni ―jiñaꞌa ña.

Ester 5:1

Nuu ni yaꞌa uni kiuu yun, te ni ndakiꞌin Ester saꞌun ña ja kuu ña reina, te ni kuyatni ña ndee yuyeꞌe nuu oo rey, te yun ni jinkuiin ña. Te nukoo rey nuu mesa ja tatnuni de ichi nuu kiuu suaꞌa yuyeꞌe yun.

Ester 5:14

Te ka jiñaꞌa ñasiꞌi de Zeres jin ndiꞌi tee ka ndeka tnaꞌa guaꞌa jin de: ―Kuñaꞌa ni ja na vi kani in yutnu ja koo sukun uu xiko uxi yiki. Te kakan ni nuu rey ja xtnee na vi katakaa ña jin Mardoqueo nuu yutnu yun. Saa te kiꞌin sii ini ni jin rey nuu viko yun ―ka jiñaꞌa de. Te ni jinkuaan ini Amán tnoꞌo ni ka kaꞌan de, te ni tatnuni de ja ni ka jani yutnu yun.

Ester 6:3

Te ni jikan tnoꞌo ña rey: ―¿Nagua ni ka jiñaꞌo nuu Mardoqueo axi na jayiñuꞌu oo ja ni niꞌi de ja siaꞌa ni saꞌa de? ―jiñaꞌa de. ―Tu saꞌun nagua niꞌi de ―ka jiñaꞌa tee ka jinokuechi nuu rey.

Ester 6:5

―Amán kuu de ―ka jiñaꞌa tee ka jinokuechi nuu de. ―Vi kuñaꞌa ni na yaꞌa de kii de ―jiñaꞌa rey.

Ester 7:9

Te ni kaꞌan Harbona, in tee netniuu ja jito, te jiñaꞌa de: ―Nuu oo veꞌe maa Amán yaꞌa ja otuaꞌa in yutnu sukun uu xiko uxi yiki ja ni tatnuni de ni ka jani ja vi katakaa linko ña jin Mardoqueo, tee ni ndakani guaꞌa ja ni chituu ña jin maa ni, vi rey ―jiñaꞌa de. Yun te jiñaꞌa rey: ―Vi katakaa linko ni de yun, nuu saa ―jiñaꞌa de.

Salmos 2:4

Su kuaku ndee ña Dios, ia tatnuni ndee andivi, te skexiko ya ja ka ndakani ini ñayiu yun.

Salmos 33:19

nagua ja skaku niꞌnu ña ya ja ma vi kui, te koxteku ña maa ya kiuu ja koo soko.