Ester 6:1 - El Nuevo Testamento y unos libros del Antiguo Testamento

¹ Te vi maa jakuaa saa, ni nana ñuaꞌna nuu rey, te ña ni ndii ka ja ndakusun de. Yun guaa ni tatnuni de ja na vi jinkiꞌin liuru nuu yoso ndiꞌi nagua ndoꞌo nuu tatnuni de, te na vi kaꞌu nuu de.

Ester 6:1 Iomraidhean Croise

Génesis 22:14

Te ni xnani Abraham tinduu yun nuu taa maa Jitoꞌo. Te yun guaa vi saa ni jinkonani guaa ndee kiuu vitna: Tinduu nuu taa maa Jitoꞌo.

Ester 10:2

Te ndiꞌi nagua ni saꞌa de jin tniuu kaꞌnu ja ndiso de vi ja ni kuu ndakui de, vi ndiꞌi ja ni saꞌa Mardoqueo ja ni kuu sukun ndevaꞌa de jin tniuu nee de, ja ni saꞌa kaꞌnu ña rey, ni jinkoso nuu liuru nuu yoso nagua ka saꞌa rey ja ka tatnuni de nuu ñuu Media vi Persia.

Ester 2:21

Te kiuu yun oo ni Mardoqueo nukoo de yeꞌe rey, te ni jini de ka ndatnoꞌo Bigtán jin Teres, nduu tee ka netniuu ja ka jito yeꞌe rey. Chi ni ka kiti ini tee yaꞌa, te ka skaka tnaꞌa de ja vi kaꞌni de rey.

Ester 2:22

Te nuu ni jini Mardoqueo ja siun ka skaka tnaꞌa de, te ni ndakani de nuu reina Ester, te ñaꞌa yaꞌa ni nukani nuu rey ja siun jiñaꞌa Mardoqueo.

Ester 2:23

Te ni ka nduku tnoꞌo de siki tnoꞌo yun, te nuu ni ka jini de ja ndija, te nduu tee ka netniuu yun ni ka jatakaa de ja ni ka skueꞌne ña de in nuu yutnu. Te ndiꞌi tnoꞌo yun ni jinkoso jin nuu maa rey nuu liuru ja ka jinkoso ndiꞌi kuentu maa ñuu yun.

Ester 5:8

Nuu ja ni kaꞌan ndaꞌu ni kaꞌan kee ña ni, vi rey, te jinkuaan ini ni ja taa ni joo ja jikan san, te skunkuu ni nagua kuini san, te tanundaꞌa ni kikuei ni joo jin Amán nuu inka viko ja savaꞌa san xtnee. Te yun saa kaꞌan san nagua jikan maa ni, vi rey ―jiñaꞌa ña.

Isaías 41:17

Te ñayiu ka kundaꞌu ja tu nagua ka nevaꞌi, ka ndukui ndute, te tu ka niꞌi, te vi ka yichi yaa yuꞌi jin soko ndute. Su vi kokaꞌin nuu maa rin ja kuu rin Jitoꞌo, te konini rin tnoꞌo ka kaꞌin, chi maa rin kuu ia Dios ñayiu Israel, te ma xndendoo ndaꞌu rin jin.

Daniel 2:1

Te kuia kuu uu ja tatnuni rey Nabucodonosor, ni jika jani nuu de, te ndiꞌni ndevaꞌa de, te vi ña ni ndii ka ñuaꞌna nuu de ja ndakusun de.

Daniel 6:18

Yun te kuanoꞌo rey nuu veꞌe tniuu de, te vini tu ni jaa xini de, te ni jinkotuu de ni kixin de, te ni tu ni nduku de ni in yaa ja kusii ini de, te vini ña ni kii ñuaꞌna nuu de ja kusun de nuu jakuaa yun.

Malaquías 3:16

Yun te ni ka kaꞌan nuu tnaꞌa ñayiu ka chiñuꞌu Jitoꞌo, te ni onini ya vi tanuu guaguaꞌa ya tnoꞌo ka kaꞌin. Te vi jin nuu maa ya, te ni ka jinkoso sivi ñayiu yun nuu in liuru ja kondakaꞌan ña jin ñayiu ka yuꞌu niꞌnu Jitoꞌo vi ka nee yiñuꞌu nuu ya.

Romanos 11:33

Chi kaꞌnu ndevaꞌa kuu tnoꞌo ndichi ia Dios, te ndiꞌi kuiti jinkuiꞌnu ini ya. Te ma kuu saꞌun ja vi kaꞌon naxa sandaa ya kuechi in in ñayiu, te ni ma kentakueio ja vi jinkuiꞌnu inio naxa saꞌa ya.