Ester 1:4 - El Nuevo Testamento y unos libros del Antiguo Testamento

⁴ Te nuu in ciento kuun xiko kiuu ni oxneꞌe de jakuika nevaꞌa de vi jayeꞌe tajan oo nuu tatnuni de.

Ester 1:4 Iomraidhean Croise

Ester 1:3

Te kuia kuu uni ja tatnuni de, ni saꞌa de in viko nuu ni kana de ndiꞌi tee ka netniuu jin de vi tee ka jinokuechi nuu de, te suni ni kana de tee ka tatnuni nuu soldado de ja ka oo Persia vi Media vi tee ka tatnuni nuu sava ka ñuu vi tee ka kuu nijaꞌnu nuu ñuu.

Ester 1:5

Te nuu ni yaꞌa kiuu yun, te ni saꞌa tuku rey inka viko ja ni oo uja kiuu, nuu ni kana de ndiꞌi ñayiu ñuu ja ka oo maa ñuu kaꞌnu Susa yun, ñayiu ka ndanuu guaꞌa vi ñayiu joo ni ka ndanuu. Te viko yun ni saꞌa de yeꞌe nuu ka oo xtnuu kuii, nuu oo maa veꞌe tniuu yun.

Salmos 145:5

Vi kokaꞌin ja luu ndevaꞌa kaa ni vi yeꞌe tajan ni, te ndakani ini maa san siki tniuu vii ndevaꞌa ja saꞌa ni.

Salmos 21:5

Ni chituu ni de ja ni kundee de, te ni kuu kaꞌnu de ja teku tnoꞌo de, te ni jiñaꞌa ni jayiñuꞌu vi jakaꞌnu nuu de.

Salmos 45:3

Te ndachindee ni yuchi kani ni xiin chii ni, chi tee tu yuꞌu kuu ni, te yun kuu ja saꞌa ja yeꞌe tajan ni vi oo jayiñuꞌu nuu ni.

Salmos 93:1

Maa Jitoꞌo kuu rey, te ni ndekuiꞌnu ya saꞌun vii ya ja tatnuni ya vi ni ndakuꞌni ya sinchu chii ya ja kuu jakaꞌnu ya, te ni saꞌa yutnu ya ñuyiu nagua ja ma kokanda saꞌun.

Daniel 4:30

te ni kachi de: “Yaꞌa kuu maa ñuu kaꞌnu Babilonia ja ni saꞌa maa rin ja kuu maa ñuu nuu tatnuni rin. Te ni saꞌa rin jin ndiꞌi jakaꞌnu rin, nagua ja na koo jayiñuꞌu nuu maa rin”, kachi de.

Daniel 4:36

Te vi maa ore saa, ni ndikuiꞌnu ini san, te ni ka ndajiokuiin jayiñuꞌu vi jakaꞌnu jayeꞌe tajan nuu tatnuni san. Te ni kikuei tee ka netniuu naꞌnu jin san vi tee ka xteku ña ja ni ka ndanduku ña de jin san. Te ni nukondee tuku san ja ni tatnuni san nuu ñuu san, te kuaꞌa ka jakaꞌnu ni nukonevaꞌa san saa nagua ni onevaꞌa san ama ka.

Daniel 5:18

’Maa ia Dios oo ndee sukun ni jiñaꞌa nuu ndi tata ni Nabucodonosor nuu ni otatnuni de vi ja ni okuu kaꞌnu ndevaꞌa de vi jayiñuꞌu vi jayeꞌe tajan ni oo nuu de.

San Mateo 4:8

Yun te ni jaka tuku ña Tachi yun jin ya in yuku sukun sukun, te ni xneꞌe ndikuiti ñuu ka oo nii ñuyiu nuu ka tatnuni ñayiu kuika vi ndikuiti ja sii ini oo ñuyiu yaꞌa.

San Mateo 6:13

Te ma kuandetu ni ja junkau san nuu jakueꞌe, chi suaꞌa skaku niꞌnu ña ni nuu jakueꞌe yun. Chi maa ni kuu ia tatnuni vi ia kaꞌnu ndevaꞌa, vi yeꞌe tajan ni nikuii nikani. Saa na kokuu. Suaꞌa vi ndakuatu ni.

Romanos 9:23

Te suni kuini ya ja xneꞌe ya jin yoon ja kaꞌnu ndevaꞌa kuu nuu tatnuni ya, chi ni kundaꞌu ini ña ya jion, te ni saꞌa tuaꞌa ña ya ja vi koo nuu yeꞌe tajan ya.

Efesios 1:18

Jikantaꞌu san nuu ia Dios ja na vi yeꞌe nduchi nuu ni ja vi jinkuiꞌnu guaꞌa ini ni, nagua ja vi kuni ni nagua kuu ja ka ndetu kaꞌnuo ja ni ndakana ña ya, vi naxa kuika nuu yeꞌe tajan ja taa ya ja vi saꞌa jajin yoon, ja ka kuo ñayiu ñuu maa ya,

Colosenses 1:27

Te nuu ñayiu yaꞌa kuini ia Dios ja xneꞌe ya nagua ja vi kuni tnoꞌo vaꞌa ya nuu kaꞌan ja suni ñayiu masu judio ka kui vi niꞌi javii javaꞌa ya ja kuu tnoꞌo ni oyiyuꞌu, te tnoꞌo yaꞌa kuu Jesukristu, ia oo ini anu in in maa ni. Te yun guaa ka ndetu kaꞌnu ni ja vi koo ni jin ya nuu yeꞌe tajan.

El Apocalipsis 4:11

Jitoꞌo san, Dios maa san kuu ni, te kanuu ja kuantaꞌu ni joo ja ka ndasaꞌa kaꞌnu ña san, vi ka chiñuꞌu ña san vi ndiꞌi jakaꞌnu ni, chi maa ni ni saꞌa ndiꞌi ja oo ñuyiu vi andivi, te ndee ja ñuꞌu ka maa ni, te ka oi vi ni ka kuvaꞌi.