Daniel 9:3 - El Nuevo Testamento y unos libros del Antiguo Testamento

³ Yun te ni ndakuatu san nuu Jitoꞌo Dios, te vi ndakuatu san vi jikantaꞌu san nuu ya, te ni ondite san vi ni kekuiꞌnu san saꞌun ndayi, te ni jinkoo san nuu yaa ja ni saꞌa ndaꞌu san maa san.

Daniel 9:3 Iomraidhean Croise

Ester 4:16

“Kuaꞌan ni te ndatatutu ni ndiꞌi tee judio ka oo ñuu Susa, nagua ja vi kondite ni ja jaꞌa san. Te ma vi kaa ni te ni ma vi koꞌo ni uni nduu vi uni jakuaa. Te suni saa ni vi kondite maa san jin suchi siꞌi ka jinokuechi nuu san. Yun te saa kiꞌin san ja kaꞌan san jin rey, visi masu saa oo nuu ley ñuu yaꞌa. Te nuu ja vi kaꞌni jin san, te na vi kaꞌni ña”, jiñaꞌa ña.

Salmos 35:13

Su ndia sein, chi nuu ni ka okuꞌu maa de, te ni okusuchi ini san, ni okekuiꞌnu san saꞌun ndayi, vi ni ondite san, te vi ni ini ni anu san ni ondakuatu san ja jaꞌa de.

Daniel 6:10

Te nuu ni jini Daniel ja ni saꞌa de firma de nuu tutu ni keneꞌe de nuu tatnuni de yun, te ni ndiui veꞌi, te ni ndakunei ventanai ja ndiaꞌa ichi nuu oo Jerusalén, te ni ojinkuiin jiti uni jichi ja kiuu ja ni ondakuatui nuu ia Dios, vi ni ondakuantaꞌui nuu ya, nagua ni kutuaꞌa mai ja saꞌi.

Daniel 9:2

vi maa kuia xtnañuꞌu ja tatnuni de, oo maa san ja kuu san Daniel, kaꞌu san nuu tutu ii ja ni tee Jeremías, tee ni ondakani tnoꞌo ia Dios ndee janaꞌa, nasaa kuia jiñaꞌa Jitoꞌo ja kendoo ndaꞌu ñuu Jerusalén. Te ni jinkuiꞌnu ini san ja uni xiko uxi kuia kokuu.

Daniel 9:20

Te vi oo ni san ndakuatu san nuu Jitoꞌo Dios, vi naꞌma san yika kuechi san vi yika kuechi ñayiu ñuu san Israel, vi jikantaꞌu san nuu ya ja jaꞌa yuku ii ya.

Daniel 9:4

Te ni ndakuatu san nuu Jitoꞌo Dios san, vi ni naꞌma san yika kuechi san nuu ya, te jiñaꞌa san: ―Kaꞌnu kuu ni, vi Jitoꞌo Dios, te vi koyuꞌu niꞌnu ña jin ni, te skunkuu ni jin tnoꞌo ni kee yuꞌu ni ja kundaꞌu ini ni jin ñayiu ka kutoo ña jin ni, vi ka tavaꞌi tnoꞌo tatnuni ni.

Jonás 3:5

Yun te ni ka kandija ñayiu Nínive ia Dios, te ni ka kaꞌin ja ndiꞌi ñayiu naꞌnu vi ñayiu kueli na vi konditei, te na vi kekuiꞌnui saꞌun ndayi ja kokuu in seña ja ka ndatnaꞌu ini.

San Mateo 17:21

Su in tachi kaa siun, chi ma kee saꞌun kiꞌin nuu ja ma konditeo vi ma ndakuatuo ͏―͏jiñaꞌa ya.

San Lucas 2:37

Su tiempu saa, ja oo kuun xiko kuun kuia ja ni ndondaꞌu ña, te vi nduu vi ñuu oo ña nuu veñuꞌu jinokuechi ña nuu ia Dios. Te vi ondite ña vi ndakuatu ña nuu ya.

Hechos 10:30

Yun te jiñaꞌa Cornelio: ―Ja oo kuun kiuu ndee ore vitna ni ondite san. Te nuu ka uni jañini oo san ndakuatu san nuu ia Dios veꞌe san yaꞌa, te ni jini san ni junkuiin in tee niꞌnu saꞌun yeyeꞌe nuu san.