Daniel 3:4 - El Nuevo Testamento y unos libros del Antiguo Testamento

⁴ Te tee ni teku tniuu ja kana de kaxtnoꞌo de nuu kejaꞌa viko yun, ni kana jaa de, te jiñaꞌa de: ―Vi konini ndiꞌi ni, ka kuu ni ñayiu ñuu naꞌnu vi ñayiu ñuu kueli vi ñayiu ndiꞌi nuu saꞌan ja ka kaꞌan ni,

Daniel 3:4 Iomraidhean Croise

Ester 8:9

Yun te ñama kuiti ni ka kana de tee ka tee tutu maa rey. Te kiuu oko uni yoo kuu uni ja kuu yoo nani Siván ni ka tee de ndiꞌi tnoꞌo nagua ni tatnuni Mardoqueo nuu ñayiu judio vi nuu tee ni chitniuu maa rey, vi nuu tee ka tatnuni, vi nuu tee ka netniuu taka nuu ñuu ja ni kejaꞌa ndee India, te ni jinkituu ndee Etiopía, ciento oko uja ñuu. Te ni ka tee de naxa ka tee maa in in ñuu, vi saꞌan ka kaꞌan mamai. Te suni ni ka tee de naxa ka tee maa ñayiu judio vi saꞌan ka kaꞌin.

Isaías 40:9

Makakuei ron ñayiu Sión, ja kuu Jerusalén ndee nuu yuku sukun yun, te vi xtutenuu tnoꞌo rin. Vi kana jin ndiꞌi jandakui ron, te vi xtutenuu tnoꞌo vii tnoꞌo vaꞌa, vi kana, ma vi yuꞌu ron, te vi kuñaꞌa nuu ñayiu Judá: “Yaꞌa vaji ia Dios mao”.

Isaías 58:1

“Kana jaa jin ndiꞌi jandakui ron, te ma yuꞌu ron. Kana jaa, nagua ndaꞌi in trompeta, te kaxtnoꞌo nuu ñayiu ñuu rin ja ka saꞌi jakueꞌe, nuu ñayiu ka kuu ndikin tata Jacob ja ka saꞌi yika kuechi.

Daniel 3:10

Maa ni, vi rey, ni keneꞌe ni in ley nuu tatnuni ni ja ndiꞌi ñayiu vi junkuiin jiti, te vi chiñuꞌi chuꞌchi kuu oro nuu ka nini ja ndaꞌi ndiki vi tnuyoo, vi ka tee tamboril vi arpa vi salterio vi zampoña, vi ndiꞌi xnuu ndaꞌi.

Daniel 3:3

Te ni ka ndututu tee ka tatnuni nuu sava ñuu, vi tee ka tatnuni nuu soldado, vi tee ka xteku ña, vi tee ka yindaꞌa xuꞌun, vi tee ka jaꞌnde kuechi, vi ndiꞌi tee ka netniuu nuu ñuu, nagua ja vi saꞌa de viko nuu vi saꞌa ii de chuꞌchi ja ni tatnuni rey Nabucodonosor ja ni ka jani. Te ni ka junkuiin de jaꞌa nuu nukuiin chuꞌchi yun.

Daniel 3:7

Te yun guaa nuu ni ka onini ñayiu ndiꞌi ñuu ja ni ndaꞌi ndiki vi tnuyoo, vi ni ka tee tamboril vi arpa vi salterio vi zampoña vi ndiꞌi xnuu ndaꞌi, te ndiꞌi ñayiu ñuu naꞌnu vi ñayiu ñuu kueli vi ñayiu ndiꞌi nuu saꞌan ka kaꞌin, ni ka junkuiin jiti, te ni ka chiñuꞌi chuꞌchi kuu oro, ja ni tatnuni rey Nabucodonosor ja ni ka jani de.

Daniel 4:1

Maa san kuu Nabucodonosor, rey ñayiu ndiꞌi ñuu naꞌnu vi ñayiu ñuu kueli ja ka oo nii ñuyiu vi ndiꞌi nuu saꞌan ja ka kaꞌin. Vi koo vii vi koo vaꞌa ni, vi vi koo mani ni.

Daniel 4:14

Te ni kana jaa ndevaꞌa ya, te kachi ya suaꞌa: Vi xndonso yutnu jian, te vi kaꞌnde ndaꞌa tnu. Vi xtajioo ndaꞌa vijin tnu, te vi katenuu ndiaꞌa tnu. Te na vi kunu kiti yuku ja ka oo kati nduꞌu tnu, vi kiti ndagua ja ka nukoo nuu ndaꞌa tnu.

Daniel 6:25

Yun te ni tee rey Darío in tutu nuu ndiꞌi ñayiu ñuu naꞌnu vi ñayiu ñuu kueli vi saꞌan ja ka kaꞌin ja ka oi ndiꞌi ñuu nuu tatnuni de nuu jiñaꞌa de: ―Kuini san ja vi koo mani ni, te vi koo vii vi koo vaꞌa ni.

El Apocalipsis 5:9

Te ni ka jita ya in yaa jaa, ja kaꞌan suaꞌa: Kanuu maa ni, ja tnii ni tutu yaꞌa, te kaꞌnde ni ñuma ja kuu seyu ja yitnuni tutu yaꞌa. Chi ni ka jaꞌni ña ñayiu jin ni, te jin niñi ni ni ndakiꞌin ni ñayiu ndiꞌi tatatnoꞌo, vi ndiꞌi nuu saꞌan vi ndiꞌi ñuu, ja vi kokui ñayiu maa ia Dios.