1 Juan 4:9 - El Nuevo Testamento y unos libros del Antiguo Testamento

⁹ Chi yaꞌa kuu nuu ni xneꞌe ia Dios ja kutoo ña ya jion, chi ni tetniuu ya invaa Seꞌe ya ja ni kii nuu ñuyiu yaꞌa, nagua ja jin maꞌñu sagua Seꞌe ya, te vi kotekuo nikuii nikani.

1 Juan 4:9 Iomraidhean Croise

Génesis 22:2

Te jiñaꞌa ia Dios: ―Vitna te kuaka invaa seyii ron Isaac, suchi kutoo ndevaꞌa ron jian, te kuaꞌan jin ndee nuu nani Moriah, te yun soko ron jin nuu rin in nuu tinduu ja kaxtnoꞌo maa rin ―jiñaꞌa ya.

Salmos 2:7

Te jiñaꞌa rey yun: “Na kaxtnoꞌo san tnoꞌo ni kaꞌan ia Dios nuu ni kaꞌan ya suaꞌa: Seꞌe maa rin kuu ron, te maa rin ni saꞌa kaꞌnu ña jin ron vitna.

San Marcos 12:6

’Te tee xiin uva yun, chi oo in seyii de, te kutoo ndevaꞌa de jin. Te sandiꞌi ni ka, te ni tetniuu de seꞌe de, chi ni ndakani ini de: “Vi konee yiñuꞌu de nuu seyio”.

San Lucas 4:18

Espíritu maa ia Dios oo jin san, chi ni saꞌa siin ña ya, nagua ja ndakani san tnoꞌo vaꞌa ya nuu ñayiu ka kundaꞌu. Te ni tetniuu ña ya vaji san ja ndasaꞌa san ñayiu ka ndatnaꞌu ini nuu yika kuechi, vi kana ndoso san ja na vi yaa ñayiu ka oo nuu ndaꞌa ñayiu inka ñuu, vi ndasaꞌa san ñayiu ka ndesi nuu vi siaa san ñayiu ka kaꞌan uꞌu ña tnaꞌi.

San Juan 10:10

Kuiꞌna, chi nani vaji ja suꞌu, ja kaꞌni ndiyi vi ja xnaa ñayiu ka kuu na kuinio ndikachi. Su sein, chi vaji san ja kuñaꞌa san ja vi kotekui nikuii nikani, te siun ni vi koo vii vi koo vaꞌi.

San Juan 14:6

Te jiñaꞌa Jesús: ―Maa san kuu ichi guaꞌa vi tnoꞌo ndaa, vi maa san jiñaꞌa ja ka teku ñayiu. Te ni in ñayiu ma kuu kenta nuu Tata Dios nuu ja masu jin maꞌñu sagua maa san.

San Juan 3:16

’Chi ni kutoo ndevaꞌa ña ia Dios jin ñayiu ñuyiu, yun guaa ni jiñaꞌa ya invaa Seꞌe ya, nagua ja ndiꞌi ñayiu ka kandija ña jin ya ma vi junai, chi vi niꞌi ja vi kotekui nikuii nikani.

San Juan 3:18

’Chi na ñayiu kandija ña jin ya, te ma tavi kuechi. Su na ñayiu tu kandija ya, te ja ni tavi kuechi, chi tu ni kandijai Kristu, ia kuu invaa Seꞌe Dios.

San Juan 5:23

Saa nagua ja ndiꞌi ñayiu na vi chiñuꞌu ña jin san ja kuu san Seꞌe ya, nagua ka chiñuꞌi Tata Dios, chi na in tu chiñuꞌu ña jin san ja kuu san Seꞌe ya, te tu ka chiñuꞌi maa Tata Dios, ia ni tetniuu ña jin san.

San Juan 6:29

Yun te jiñaꞌa Jesús: ―Tniuu ia Dios kuu yaꞌa, ja vi kandija ña ni jin san ja kuu san ia ni tetniuu maa ya.

San Juan 6:51

Maa san kuu xtaa taa ja teku ja makuun ndee andivi, te na ñayiu kaa xtaa yaꞌa, te kotekui nikuii nikani. Te xtaa ja kuñaꞌa san kuu yiki kuñu san, te kuñaꞌa san nagua ja vi koteku ñayiu ñuyiu ―jiñaꞌa ya.

San Juan 6:57

Nagua ni tetniuu ña Tata Dios, ia teku, te teku maa san jin maꞌñu sagua Tata Dios, te suni saa ni na in na kaa ña jin san, te suni kotekui jin maꞌñu sagua san.

San Juan 8:29

Te maa ya ni tetniuu ña jin san, chi oo ya jin san, te tu xndoo maintnoꞌo ña Tata san jin san, chi siun ni saꞌa san nagua junkuaan ini ya ―jiñaꞌa ya.

San Juan 8:42

Yun te jiñaꞌa Jesús: ―Nuu ja suaꞌa te Dios kuu Tata ni, chi vi kokaꞌan too ña ni jin san, chi nuu ia Dios ni kee san vaji san, te masu vaji san ja jaꞌa maa san, chi maa ya ni tetniuu ña jin san.

San Juan 9:3

Te jiñaꞌa Jesús: ―Ñaꞌa. Yaꞌa chi masu ja ni saꞌa maa de yika kuechi axi tata de vi nana de kuu, chi saa nagua ja saꞌa ia Dios in tniuu kaꞌnu jin tee yaꞌa.

Romanos 8:32

Chi nuu ja Dios, tu ni kuxii ya Seꞌe maa ya, chi ni soko ña ya ja ni jiꞌi ja jaꞌa ndiꞌo. Te ja ni taa ya Seꞌe ya, te suni saa ni taa ya ndiꞌi taka ja ka jaꞌni ña jion.

Hebreos 1:5

Chi tu saꞌun na ama ni kaꞌan ia Dios nuu ni in ia ka jinokuechi nuu ya nagua yoso nuu tutu kaꞌan suaꞌa: Seꞌe maa rin kuu ron, te maa rin ni saꞌa kaꞌnu ña jin ron vitna, ja kuu rin tata ron. Te suni tu ni kaꞌan ya nuu ni in ia ka jinokuechi nuu ya nagua yoso inka tnoꞌo nuu tutu ii nuu kaꞌan suaꞌa: Maa rin kuu tata ron, te maa ron kokuu seꞌe rin.

1 Juan 3:16

Te yaꞌa kuu nuu ka jinio naxa ka kaꞌan too tnaꞌo, chi ni soko Jesukristu maa ya ja jaꞌa in ion, te suni yoon, na vi soko mao vi guaa ndee na vi kuo ja jaꞌa ñayiu ka skuaꞌa.

1 Juan 4:10

Te yaꞌa kuu nuu xneꞌe naxa kutoo ña ia Dios, te masu yoon ni ka kutoo Dios, chi maa ya ni kutoo ña, te yun guaa ni tetniuu ya Seꞌe ya, ja ni jiꞌi ya nuu ni tniuyaꞌu ya yika kuechio.

1 Juan 4:16

Te maa san, chi ka jini san vi ka kandija san ja ia Dios, chi siun ni kutoo ña ya jin in ion, chi ia kutoo ña kuu ya, te na ñayiu siun ni kaꞌan too tnaꞌi, te siun ni oi jin Dios, te suni siun ni oo Dios jin.

1 Juan 5:11

Te yaꞌa kuu tnoꞌo ndaa ja ndakani maa ia Dios: ja taa ya ja vi kotekuo nikuii nikani, te jin maꞌñu sagua Seꞌe ya vi niꞌo ja vi kotekuo.

1 Juan 5:13

Tnoꞌo yaꞌa ni tee san nuu in in ni ja ka kandija ni sivi Seꞌe ia Dios, nagua ja vi kuni ni ja vi koteku ni nikuii nikani.