1 Juan 4:16 - El Nuevo Testamento y unos libros del Antiguo Testamento

¹⁶ Te maa san, chi ka jini san vi ka kandija san ja ia Dios, chi siun ni kutoo ña ya jin in ion, chi ia kutoo ña kuu ya, te na ñayiu siun ni kaꞌan too tnaꞌi, te siun ni oi jin Dios, te suni siun ni oo Dios jin.

1 Juan 4:16 Iomraidhean Croise

Salmos 31:19

Nase vivii kaꞌnu ja kundaꞌu ini ni ñayiu ka yuꞌu niꞌnu ña jin ni, te tavaꞌa ni jandaꞌu ini ni na kuinio in jakuika ndevaꞌa, te vi jin nuu sava ka ñayiu, te jaꞌnde ni jiñaꞌa ni nuu ñayiu ka kukanu ini ña jin ni.

Isaías 64:4

Chi tu saꞌun na ama ka kaꞌan ñayiu ja ka jini axi ka nini tnoꞌo kaꞌan inka dios ja masu maa ni kuu, chi maintnoꞌo maa ni saꞌa tniuu kaꞌnu ja jaꞌa ñayiu ka kukanu ini ña jin ni.

San Juan 6:69

Te sein, chi ka kandija ña san vi ka jini san ja maa ni kuu ia ni tetniuu Dios vi Seꞌe maa ia Dios teku ―jiñaꞌa de.

San Juan 9:3

Te jiñaꞌa Jesús: ―Ñaꞌa. Yaꞌa chi masu ja ni saꞌa maa de yika kuechi axi tata de vi nana de kuu, chi saa nagua ja saꞌa ia Dios in tniuu kaꞌnu jin tee yaꞌa.

1 Corintios 2:9

Saa te ni skunkuu nagua yoso nuu tutu ii: Chi taka ja tu ni ka jini saꞌun ñayiu jin nduchi nui, ni tu ni ka onini jin soꞌi, te ni tu saꞌun ni ka ndakani ini ñayiu, kuu ja ni saꞌa tuaꞌa ia Dios ja vi kuni ñayiu ka kutoo ya, kachi tutu ii.

1 Juan 3:1

Vi kondiaꞌa ni naxa kutoo ña Tata Dios, ja vi konanio seꞌe maa ya, te saa ka kuo. Te yun guaa tu ka jini ña ñayiu ñuyiu jion, chi tu ni ka jini ia Dios.

1 Juan 3:16

Te yaꞌa kuu nuu ka jinio naxa ka kaꞌan too tnaꞌo, chi ni soko Jesukristu maa ya ja jaꞌa in ion, te suni yoon, na vi soko mao vi guaa ndee na vi kuo ja jaꞌa ñayiu ka skuaꞌa.

1 Juan 3:24

Te ñayiu ka jantnoꞌo nagua tatnuni maa ia Dios, chi siun ni ka oi jin ya, te suni siun ni oo ya jin. Te yaꞌa kuu nuu ka jinio ja ka oo jin ya, chi ni taa ya Espíritu ya ja oo ini anuo.

1 Juan 4:7

Ñani kuaꞌa ja kaꞌan too ña san, na vi kaꞌan too tnaꞌa in in mao, chi nuu Dios vaji ja kaꞌan too tnaꞌo. Chi ndiꞌi ñayiu ja kaꞌan too tnaꞌi, te seꞌe Dios ka kui vi ka jini ia Dios.