1 Juan 2:3 - El Nuevo Testamento y unos libros del Antiguo Testamento

³ Te nuu ja ka jantnoꞌo nagua tatnuni maa ia Dios, te yun ka kukanu inio ja ka jinio ya.

1 Juan 2:3 Iomraidhean Croise

Salmos 119:32

Te nduku ndee san ja skunkuu san tnoꞌo tatnuni ni, chi saꞌa ni ja jinkuiꞌnu guaꞌa ka ini san.

Salmos 119:6

te ma kendoo kanoo san, nuu na kuantnoꞌo san ndiꞌi tnoꞌo tatnuni ni.

Isaías 53:11

Te nuu yaꞌa tnundoꞌo ja tnaꞌa de, te kuni de ja kee guaꞌa, te kendoo vaꞌa ini de. Te kindee tee ndaa ja jinokuechi nuu rin yika kuechi kuaꞌa ñayiu, te kondiso kotavi maa de jakueꞌe ka saꞌa ñayiu yun.

San Lucas 6:46

Yun te jiñaꞌa ya: ―¿Nau ja Jitoꞌo ka xnani ña ni jin san, te tu ka skunkuu ni tnoꞌo kaꞌan san?

San Juan 14:15

Te jiñaꞌa ka Jesús: ―Te nuu ja ka kutoo ña ni, te vi kuantnoꞌo ni tnoꞌo ja tatnuni san.

San Juan 15:10

Te nuu ja ka jantnoꞌo ni tnoꞌo ja tatnuni san, te siun ni vi koo ni jin san ja kutoo ña san, nagua jantnoꞌo maa san tnoꞌo ja tatnuni Tata san, te siun ni oo san jin ya ja kutoo ña ya jin san.

San Juan 15:14

Te maa ni ka kuu amigo san nuu ja ka saꞌa ni nagua tatnuni san.

San Juan 17:3

Te ja vi kotekui nikuii nikani kuu nuu vi kuni ñai jin ni, ja maa ni kuu invaa ia Dios ndaa, te suni vi kuni ñai jin san ja kuu san Jesukristu, ia ni tetniuu maa ni.

2 Corintios 4:6

Chi maa Dios, ia ni tatnuni ja ni yeꞌe nuu nee, kuu ia ni saꞌa ja ni yeꞌe ini anuo nagua ja kuu vi kunio jayeꞌe tajan ia Dios, nagua yeꞌe ya nuu Jesukristu.

Hebreos 5:9

Te ja siun ni skunkuu ya ndiꞌi tniuu ni chitniuu ña ia Dios, guaa maa ya kuu ia skaku niꞌnu ñayiu ka jantnoꞌo ña jin ya ja vi kotekui nikuii nikani.

1 Juan 2:13

Tee san tnoꞌo yaꞌa nuu in in maa ni ja ka kuu ni na kuinio yua, chi ni ka jini ni Jesús, ia ja oo ndee jaxtnañuꞌu nuu ni junkoo ñuyiu. Te suni tee rin nuu in in ron ja ka kuu ron na kuinio suchi kuechi, chi ni ka kundee ron nuu Tachi, te tu ni ka saꞌa ron jakueꞌe. Te suni tee rin nuu in in ron ja ka kuu ron na kuinio seꞌe rin, chi ni ka jini ron Tata Dios.

1 Juan 3:14

Su yoon, chi ka jinio ja ni ka okuo na kuinio ndiyi, su vitna te ka tekuo, chi ka kaꞌan too in in ñanio. Te ñayiu tu kaꞌan too in ñani, te kui na kuinio ndiyi nuu ya.

1 Juan 3:19

Te yaꞌa kuu nuu ka jinio ja ka kuo in ñayiu ndaa, te ka kukanu inio jin anuo ja ka oo guaꞌo nuu ia Dios.

1 Juan 3:6

Te ndiꞌi ñayiu ja siun ni ka oi jin ya, tu na yika kuechi ka saꞌa kai. Su ndiꞌi ñayiu ja ka saꞌa ni yika kuechi, ni ja tu ka jini ya, te ni tu ka jinkuiꞌnu ini na ia kuu ya.

1 Juan 4:13

Chi ni taa Dios Espíritu ya ja ka oo jion, te yun guaa ka jinio ja ka oo jin Dios, vi suni oo ya ini anuo.

1 Juan 4:7

Ñani kuaꞌa ja kaꞌan too ña san, na vi kaꞌan too tnaꞌa in in mao, chi nuu Dios vaji ja kaꞌan too tnaꞌo. Chi ndiꞌi ñayiu ja kaꞌan too tnaꞌi, te seꞌe Dios ka kui vi ka jini ia Dios.

1 Juan 5:19

Te ka jinio ja ka oo jin maa Dios, te sava ka ñayiu nii ñuyiu ka yiꞌi nuu ndaꞌa Tachi.

1 Juan 5:2

Te nuu ka kutoo ia Dios, te ka saꞌo nagua tatnuni ya, te yun kuu nuu ka jinio ja suni ka kaꞌan too ñayiu ka kuu seꞌe maa ia Dios.

1 Juan 5:3

Chi ja ka kutoo ia Dios kuu ja ka jantnoꞌo nagua tatnuni ya, te tnoꞌo tatnuni ya, chi masu ja vijin ndevaꞌa kuu ja vi skunkuo.

El Apocalipsis 12:17

Yun te ni kiti ndevaꞌa ini koo kaꞌnu yun nuu ña. Te kuaꞌan ti ja kaxin tnaꞌa ti jin sava ka ñayiu ka kuu tatatnoꞌo ña, ñayiu ka jantnoꞌo tnoꞌo ni tatnuni ia Dios vi ka ndakani tnoꞌo Jesukristu.

El Apocalipsis 14:12

Te yun guaa na vi kuandee ini ñayiu maa ia Dios ja ka jantnoꞌi tnoꞌo ni tatnuni ya vi ka kandijai Jesús.

El Apocalipsis 22:14

Te na taꞌu na ndetu ñayiu ka ndakate saꞌuin ja vi koo vii nuu yika kuechi, chi vi niꞌi kiti vixin kuun yutnu taa ja kotekuo ja vi kai, te kuu kiukuei yeꞌe ja vi koi ñuu yun.