1 Juan 1:9 - El Nuevo Testamento y unos libros del Antiguo Testamento

⁹ Te nuu ja vi ndanaꞌmao yika kuechio nuu Dios, te maa ya kuu ia ndaa ja skunkuu ya tnoꞌo kaꞌan ya, te kuakaꞌnu ini ya yika kuechio, te ndasavii ña ya jin ndiꞌi jakueꞌe ka saꞌo.

1 Juan 1:9 Iomraidhean Croise

Salmos 19:12

Su tu na in, te ndakuni jakueꞌe saꞌi, su konekaꞌnu ini ni, vi Jitoꞌo, na jakueꞌe saꞌa san, te tu jini san.

Salmos 32:5

Su ni naꞌma san yika kuechi san nuu ni, te tu ni tayuꞌu san jakueꞌe saꞌa san, chi ni kachi san: “Na naꞌmao yika kuechio nuu Jitoꞌo Dios”. Te ni jakaꞌnu ini ni jakueꞌe saꞌa san vi yika kuechi san.

Proverbios 28:13

Ñayiu tayuꞌu yika kuechi, chi ma kee guaꞌi. Su ñayiu naꞌma yika kuechi, te xndendoi jakueꞌe yun, chi niꞌi ja konekaꞌnu ini ia Dios ja ni saꞌi.

Isaías 45:21

Vi kaꞌan vi kakan tnoꞌo tnaꞌa in in maa ron naxa kaa, ¿na in ja ni kaꞌan ndee jaxtnañuꞌu nagua kokuu? Axi ¿na in ja ni kaxtnoꞌo tnoꞌo yaꞌa ndee jananaꞌa? ¿A masu maa rin ja ni okaꞌan ja kuu rin Jitoꞌo? Te tu na inka dios oo saa maa rin, tu na inka Dios ja saꞌa ndaa ndaa, ia ja skaku niꞌnu ña.”

Zacarías 9:9

Vi kokuu sii ini ndevaꞌa ron, ñayiu Sión, te vi kana jaa ron ñayiu Jerusalén ja ka kusii ini ron. Vi kondiaꞌa ja vaji tee kuu rey ron nuu ka oo ron, te kuu de in tee ndaa, in tee kundee, te saꞌa ndaꞌu de maa de. Yoso de in mentu, in mentu luluu, seꞌe mentu siꞌi kiti jiso.

San Mateo 3:6

Te ni ka naꞌmai yika kuechi nuu ia Dios, te ni skuandute ña Juan yute Jordán yun.

San Marcos 1:5

Te vajikuei ndiꞌi ñayiu Jerusalén vi ndiꞌi ñayiu sava ka ñuu ja tnii Judea ja vi konini tnoꞌo kaꞌan de. Te ni ka naꞌmai yika kuechi nuu ia Dios, te ni skuandute ña Juan nuu yute Jordán.

San Lucas 22:57

Su ni tayuꞌu tnoꞌo Pedro, te jiñaꞌa de: ―Tu jini san na tee kuu de ―jiñaꞌa de.

San Juan 17:25

Tata Dios, ia ndaa kuu ni, te ñayiu ñuyiu, chi tu ka jini ñai jin ni, su sein chi jini ña san. Te ñayiu yaꞌa, chi suni ka jini ja maa ni ni tetniuu ña jin san.

Hechos 19:18

Te kuaꞌa ñayiu ja ni ka kandija ni kikuei nuu Pablo, ni ka naꞌmai yika kuechi nuu ia Dios vi ni ka ndakani ndiꞌi jakueꞌe ni ka osaꞌi.

Romanos 3:26

Su tiempu vitna masu saa kuu, chi xneꞌe ya ja ia saꞌa ndaa kuu ya, nagua ja vi kuni ñayiu ja ia ndaa kuu ya, te saꞌa ya ja ñayiu ka kandija Jesús vi kokui ñayiu ndaa nuu ya.

1 Corintios 1:9

Chi ia ndaa kuu Dios, te skunkuu ya tnoꞌo ni kee yuꞌu ya, te ni kana ña ya ja vi koo ni jin seꞌe ya Jesukristu, ia kuu Jitoꞌo.

1 Corintios 6:11

Te saa ni ka osaꞌa sava maa ni ama ka, su vitna, chi ja ni ka nduvii ni nuu ia Dios, te ñayiu ndaa ni ka nduu ni nuu ya, te tu ka na kuechi ka tavi ni jin jakaꞌnu maa Jitoꞌo Jesukristu vi jin maꞌñu sagua Espíritu ia Dios mao.

Efesios 5:26

Suaꞌa ni saꞌa ya nagua ja saꞌa siin ña ya ja vi kokuo ñayiu maa ya, te ni ndasaꞌa ndoo ña ya jin maꞌñu sagua tnoꞌo ya nuu ni ka janduteo,

1 Timoteo 1:15

Te tnoꞌo yaꞌa kuu tnoꞌo ndaa kuiti, te kanuu ja ndiꞌi ñayiu vi kuantaꞌu tnoꞌo yaꞌa: ja Jesukristu ni kii ya ñuyiu ja skaku niꞌnu ya ñayiu nuu yika kuechi. Te maa san kuu tee viꞌi ka ni kaa san neꞌu ñayiu. Su visi ni saa, te ni skaku niꞌnu ña ya nuu yika kuechi san.

Tito 2:14

Te suu maa ya kuu ia ni soko maa ja jaꞌa in ion, nuu ni tniuyaꞌu ya ndiꞌi yika kuechio, te ni ndasavii ña ya ja vi kokuo ñayiu ñuu maa ya, te na vi kondioo ndevaꞌa inio ndiꞌi tniuu guaꞌa ja vi saꞌo.

Hebreos 10:23

Te na vi koyutnuo jin ja ka ndetu kaꞌnuo, te ma vi ndasama inio jin tnoꞌo ka kandijao, chi Dios ndaa kuu ia ni kee yuꞌu nuo, te skunkuu ya tnoꞌo ni kaꞌan ya.

Hebreos 11:11

Chi ni kandija de, te visi ña ni kuu ja koo seꞌe Sara, su ni niꞌi de jandakui, ja koo seꞌe de jin ña, visi ja ni ka kuu nijaꞌnu saꞌun de. Chi ni kandija de ja ia ndaa kuu Dios, te skunkuu ya tnoꞌo ni kee yuꞌu ya.

Hebreos 6:10

Chi ia saꞌa ndaa kuu maa Dios, te ma ndunaa ini ya tniuu ni ka osaꞌa ni, vi ja ni ka kundaꞌu ini ni ñanio ka kandija, te ni ka chituu ni jin, te vi saa ni ka saꞌa ni ndee vitna.

1 Juan 1:7

Su nuu ja ka jikao nuu yeꞌe niꞌnu, te ka jikao jin maa ya ja oo ya nuu yeꞌe niꞌnu, te yun guaa ka jika inuu in in mao, te niñi maa Seꞌe ya Jesukristu ndasavii ndiꞌi yika kuechio.

El Apocalipsis 15:3

Te ka jitai yaa ni tau Moisés, tee ni ojinokuechi nuu ia Dios, vi yaa Lelu maa Dios ja kaꞌan suaꞌa: Kaꞌnu vi vii ndevaꞌa tniuu saꞌa ni, vi Jitoꞌo Dios, ja kuu ni ia ndakui ndevaꞌa, te ndiꞌi ni ja kuu saꞌa ni, te ka oo ndaa ka oo ndija ichi ni ja kuu ni Rey taka ñuu.