1 Juan 1:5 - El Nuevo Testamento y unos libros del Antiguo Testamento

⁵ Te yaꞌa kuu tnoꞌo ja ni kaxtnoꞌo Jesukristu ja ni ka onini san, te ka ndakani san nuu in in ni, ja Dios kuu ia yeꞌe niꞌnu, te tu saꞌun na janee oo nuu ya.

1 Juan 1:5 Iomraidhean Croise

Salmos 139:12

Su vi ni ñunee, ma kuu tayuꞌu ña jin san nuu maa ni. Te jakuaa, chi yeꞌe na ni kuinio tnoꞌo nduu, chi inuu ni kuu janee jin jayeꞌe nuu maa ni.

Salmos 27:1

Maa Jitoꞌo Dios kuu ia yeꞌe niꞌnu nuu ichi jika san, vi skaku niꞌnu ña ya. ¿Te na in kuu ja koyuꞌu san? Te maa Jitoꞌo Dios ndesi niꞌnu guaꞌa nuu oo san, te tu na in kosiuꞌu ña jin san.

Salmos 36:9

Chi nuu maa ni vaji ja ka teku san, te vi kuni san jayeꞌe, chi maa ni sieꞌe nuu san.

Salmos 84:11

Chi yeꞌe ia Dios nuu ka oo vi jito jini ña ya jion. Te jiñaꞌa ya javaꞌa vi jayiñuꞌu nuu ñayiu ka jika ndaa nuu ya, te tu kuxii ya javii javaꞌa ya nui.

Isaías 60:19

Te ma kojiniuꞌu ka ron nikandii ja koyeꞌe tnoꞌo nduu, te ni yoo ja koyeꞌe tnoꞌo jakuaa, chi maa rin ja kuu rin Jitoꞌo ron kokuu rin ñuꞌu ja koyeꞌe nikuii nikani, te maa rin ja kuu rin ia Dios ron koyeꞌe niꞌnu.

Daniel 2:22

Te maa ya skuni ña javijin vi ja oo yuꞌu, te jini ya nagua oo nuu nee chi oo jayeꞌe jin maa ya.

San Juan 1:19

Te yaꞌa kuu tnoꞌo ni ndakani Juan na ni ka tetniuu ña tee ka kuu nijaꞌnu nuu ñayiu judio jin tee ka kuu sutu vi tee ka kuu tatatnoꞌo Leví ndee Jerusalén ja vi kakan tnoꞌo de Juan, te ka jiñaꞌa de: ―Ka kachi tee ka kuu nijaꞌnu ñuo ja vi kakan tnoꞌo ña san, ¿na in kuu maa ni?

San Juan 1:4

Te nuu maa ya oo jateku, te jateku yun yeꞌe niꞌnu nuu ñayiu.

San Juan 1:9

Te maa ya kuu ñuꞌu ndaa ndija ja yeꞌe niꞌnu nuu ndiꞌi ñayiu, te vaji ya nuu ñuyiu yaꞌa.

San Juan 8:12

Yun te ni kaꞌan tuku Jesús, te jiñaꞌa ya: ―Maa san kuu ñuꞌu ja yeꞌe niꞌnu nuu ñuyiu, te na in ndikin ña jin san, te ma kokakai ñunee, chi koyeꞌe niꞌnu nui, te suu saꞌa ja kotekui nikuii nikani ―jiñaꞌa ya.

San Juan 9:5

Su nini oo ka san ñuyiu, te kuu san na kuinio ñuꞌu ja yeꞌe niꞌnu nuu ñuyiu ―jiñaꞌa ya.

1 Corintios 11:23

Te tnoꞌo ja ni kaxtnoꞌo san nuu ni kuu ja ni niꞌi san nuu maa Jitoꞌo: Ja maa jakuaa ja ni xtuu ña Judas jin Jitoꞌo Jesús nuu ñayiu, ni tnii ya xtaa vixin,

1 Timoteo 6:16

Te maintnoꞌo ni maa ya kuu ia tu jiꞌi saꞌun ja teku ya nikuii nikani. Te oo ya jin ñuꞌu jayeꞌe tajan, te ni in ma kuu juntnaꞌa ya, vi ni in ñayiu tu na in jini ya jin nduchi nui, te ni in ma kuu ja kuni ya. Te nikuii nikani na koo jayiñuꞌu vi jakaꞌnu nuu maa ya. Saa na kokuu.

Santiago 1:17

Chi ndiꞌi javaꞌa vi ndiꞌi ja oo vii ndevaꞌa ja ka kutaꞌuo vaji ndee sukun yun, chi vaji nuu maa Tata Jaꞌnuo, ia ni saꞌa ndiꞌi ja ka yeꞌe andivi. Te ia Dios, chi inuu ni kuu ya ndiꞌi ni kiuu, te tu sama saꞌun ya nagua sama kati.

1 Juan 3:11

Chi yaꞌa kuu tnoꞌo ja ni ka jini soꞌo maa ni ndee jaxtnañuꞌu, ja na vi kaꞌan too tnaꞌo.

El Apocalipsis 21:23

Te ñuu yun, tu jiniuꞌu nikandii ni yoo ja koyeꞌe nuu, chi jayeꞌe maa ia Dios sieꞌe ñuu yun, te suni yeꞌe Lelu maa ya ñuu yun.

El Apocalipsis 22:5

Te ma koo ka jakuaa ñuu yun, te ma vi kojiniuꞌu ka ñayiu vi koo yun ñuꞌu ja koyeꞌe nui, ni ndaꞌa nikandii ja koyeꞌe, chi maa Jitoꞌo Dios kosieꞌe, te vi kotatnuni nikuii nikani.