1 Juan 1:4 - El Nuevo Testamento y unos libros del Antiguo Testamento

⁴ Te tnoꞌo yaꞌa ka tee san, nagua ja vi kosii ini ndevaꞌa ni.

1 Juan 1:4 Iomraidhean Croise

Isaías 61:10

Te kusii ini ndevaꞌa san nuu Jitoꞌo, vi kusii ini anu san nuu ia Dios, chi na kuinio ja ni skuiꞌnu ña ya saꞌun ja skaku niꞌnu ña ya, vi ni skakondii ña ya saꞌun ja saꞌa ndaa ya, na kuinio in suchi yii tnandaꞌa ja ni ndukutu vii xini jin in corona, axi na kuinio suchi siꞌi tnandaꞌa ja ni ndukutui jin yuu vii ndevaꞌa.

San Juan 15:11

Te tnoꞌo yaꞌa kaꞌan san nagua ja vi kokusii ini ni jin san, saa te vi ndiꞌi ni jin anu ni vi kosii ini ni.

San Juan 16:24

Chi guaa ndee vitna tu nagua ka jikan saꞌun ni nuu Tata san jin sivi san. Su vitna te vi kejaꞌa ni vi kakan ni, te vi niꞌi ni nagua ja saa, te vi kokusii ndevaꞌa ini ni.

San Juan 3:29

Chi nuu ka saꞌa ñayiu in viko tnandaꞌa, te na in oo jin ñasiꞌi yun kuu maa tee tnandaꞌa, te amigo de, chi vi xiin tee tnandaꞌa yun oo de, te nuu nini de tnoꞌo kaꞌan tee tnandaꞌa yun, te kusii ndevaꞌa ini de. Te suni saa ni sein, chi kusii ndevaꞌa ini san nini san tnoꞌo kaꞌan ya.

2 Corintios 1:24

Chi tu ka kuini san ja vi kotatnuni san siki tnoꞌo ja ka kandija ni, chi ja ka oo yutnu maa ni jin tnoꞌo ka kandija ni, te suaꞌa ka kuini san ja vi chituu ña san ja vi kokusii ini ka ni.

Efesios 3:19

Saa te vi kuni ni naxa kutoo ña Jesukristu, ja kaꞌnu ndevaꞌa ka kuu saa nuu ndiꞌi ja ka jinio, nagua ja saa, te kentakuei ni vi koo ni naxa oo maa ia Dios.

1 Juan 2:1

Tee san tnoꞌo yaꞌa nuu in in ni ja ka kuu ni na kuinio seꞌe maa san ja ka kandija ni, nagua ja ma vi saꞌa ni yika kuechi. Su nuu ja ndee in ni ka saꞌa yika kuechi, te ka nevaꞌo Jesukristu, ia ndaa, ja kaꞌan niꞌnu ya ja jaꞌo nuu Tata Dios.

2 Juan 1:12

Oo kuakuaꞌa tnoꞌo ja kaꞌan ka san nuu in in ni, su tu kuini san ja tee san nuu tutu jin tinta, chi ndetu kaꞌnu san ja kenta san nuu ka oo ni, te jian vi ndatnoꞌo, nagua ja saa te vi kusii ini ndevaꞌo.