Proverbios 2:3 - New Testament Psalms and Proverbs in Mixtec Magdalena Peñasco

³ nú ni‑yu'u ni‑ini ro kakan‑ta'vi ro nuu Su'si ma ja na taa ya tnu'u ndichi maa ya ma te na sa'a ya ja na jaku'ni ini ro, sukan‑va'a ko kuu ro in ñayii sa'a ndaa sa'a ndija,

Proverbios 2:3 Iomraidhean Croise

Salmos 119:125

Saña ja kúu sa ñayii jinukuechi nuu ni a, sa'a ni ja na jaku'ni va'a‑ka ini sa, vaa ja kúni sa kúu ja jakun‑tnuni‑ka ini sa tnu'u ndaa tnu'u ndija tátnuni ni ma.

Salmos 119:169

Su'si maa sa, na kenda nuu maa ni ndaka ja ká'an kachi sa ya, te sa'a ni ja na jaku'ni ini sa sukan ká'an tnu'u maa ni a.

Salmos 119:34

Taa ni janitnuni va'a, sukan‑va'a ni‑yu'u ni‑ini sa kátanuu sa tnu'u tátnuni ni ma te kó sa'a sa sukan kúni ni ma.

Salmos 119:73

Vaa maa ni ni sa'a ña'a, te vivii ni sa'a ña'a ni ni‑ka'nu sa, te vitna, te jikan‑ta'vi sa nuu ni ja sa'a ni ja na jaku'ni ini sa te ko sa'a sa sukan ká'an tnu'u tátnuni ni ma.

Proverbios 2:2

te nuna koniniso'o ñukuun ro tnu'u ndichi ká'an ri a te ni‑yu'u ni‑ini ro katanuu ro ja ko kuu ro ñayii ndichi,

Proverbios 2:4

te nú ûni na ndanduku ñukuun ro tnu'u ndichi ká'an ri a sukan ndánduku o in xu'un yinee yu'u ma te ndeya'vi xen‑xeen i ma,

Proverbios 3:6

Ndakunitnuni ro ja maa Su'si ma, sana kuu sa'a ro nawa kúni ro ja sa'a ro ma, te maa ya chindee ña'a ndaka nawa jiniñu'u ro ma.

Proverbios 4:1

Sa'ya maa ri, jin konini so'o ja ká'an ru'u ya ja kúu ri yuva ro a, te jin konde'ya va'a ro naxe jin ko sa'a jin ko kuu ro sukan tátnuni ri a, sukan‑va'a jin koo va'a maa ro ñuu ñayivi a.

Proverbios 8:17

Ñayivi ni‑yu'u ni‑ini i ndánduku ña'a i ma, ji'in suchi jaa ka ndanduku ña'a ma chi jin ndani'i yachi‑ni ña'a i.

Lucas 11:13

Vaa nú ndijin ja masu inuva'a ini ni ma, te ka jini ni jin kua'a ni ja va'a sa'ya ni ma, ¡nde‑ka tu ja Yuva o iya va'a ini ma iya iyo onde andivi ma chi skuta'vi ña'a ya Xtumani Ndios ma ndaka ñayii kakan Xtumani Ndios ma! ―‍kúu ya jiña'a ya.

Santiago 1:5

Nú nde o ja'ni ña'a i ja jakun‑tnuni ini o tnu'u ndichi ma, te kákan‑ta'vi o nuu Su'si ma, te taa ya. Vaa maa Su'si ma kúu iya taa ndaka ja jiniñu'u o ma, te masu ndákune'e ya naxe ni yo sa'a ni yo kuu o ma.