Mateo 11:3 - New Testament Psalms and Proverbs in Mixtec Magdalena Peñasco

³ te ni jan koo tee ma nuu Jesús ma ni ka jikan‑tnu'u de ya nú suu ya kúu iya iyo ja kii ma xi jín kondetu de in‑ka ya.

Mateo 11:3 Iomraidhean Croise

Juan 11:27

Te Marta ma, jiña'a ña: ―‍Señor, saña chi kándija sa ja Cristo iya ni tetniñu Su'si ma kúu ni, te Sa'ya Su'si ma kúu ni. Iya iyo ja kii ñuu ñayivi a kúu ni ―‍kúu ña jiña'a ña.

Hebreos 10:37

Vaa masu kua'a‑ka‑ni kivi, te kenda iya iyo ja kii ya ma, te masu kukuee‑ka ya.

Juan 7:31

Te kua'a ñayii ni ka kandija ya, kovaa ka jikan‑tnu'u tna'a i: ―‍¿Kivi kenda Cristo ma kuiti ja sa'a kua'a‑ka ya seña ji'in milagru sana tee ya'a? ―‍Ka kuu i ka ka'an i.

Juan 6:14

Ja ni ka jini ñayii ma milagru ni sa'a Jesús ma, te ka ka'an i: ―‍Ja ndaa kúu ja tee ya'a chi tee ndákaxtnu'u tnu'u ni wa'a Su'si ma kúu de. Tee ka ndetu o ja kii de ñuu ñayivi a kúu de ―‍ka kuu i ka ka'an i.

Juan 16:14

Te maa ya ndachiñu'u ña'a saña, vaa ndunda'a ya ja kúu kuenda sa a, te ndakaxtnu'u ya nuu ndaka ni.

Juan 12:13

Sani te ni ka ja'nde i nda'a ñuu ma, te ni ka ke koo i ka kayu'u i ka ndachiñu'u i ya: ―‍¡Hosanna! ¡Ja vava'a kúu iya vee nuu Iya Tátnuni ma! ¡Ja vava'a kúu rey Israel ya! ―‍ka kuu i ka kayu'u i.

Juan 4:21

Jesús ma, ni ndakone'e ya: ―‍Ndijin, kandija ni ja ká'an sa a, vaa sani te kenda kivi, te masu jiniñu'u‑ka ja jin koo ni yuku ya'a ni a ñuu Jerusalén ma ja jin chiñu'u ni Yuva o ma.

Lucas 19:38

te ka ka'an i: ―‍¡Jayiñu'u kúu rey vee nuu Iya Tátnuni ma! ¡Ka kusii ini i andivi ma, te jayiñu'u kúu onde sukun ma! ―‍ka kuu i ka ka'an i.

Marcos 11:9

Te ñayii ka yoxtnuu kuan koo i ma, ji'in ñayii ka ndandikin ma, ka kayu'u i: ―‍¡Hosanna! ¡Jayiñu'u kúu rey vee nuu Iya Tátnuni ma!

Mateo 21:9

Te ñayii ka yoxtnuu kuan koo i ma ji'in ñayii ka ndandikin ma, ka kayu'u i ka ka'an i: ―‍¡Hosanna kó kuu nuu Sa'ya David ma! ¡Jayiñu'u kúu rey vee nuu Iya Tátnuni ma! ¡Hosanna! ¡Jayiñu'u kó kuu nuu tátnuni Su'si ma onde sukun ma! ―‍ka kuu i ka ka'an i.

Mateo 21:5

Kuña'a ni nuu sasi'i ñuu nani Sion ma: “Konde'ya ja vee rey tátnuni nuu ro a, te iya kuee ini kúu ya, te yoso ya in burru jaa sa'ya in burra kiti jâ jiso.” Sa'a ni ka'an de.

Salmos 118:26

Ja va'a kúu iya vee nuu Iya Tátnuni ma. Te onde ve'e Iya Tátnuni ma ka iyo sa, te ka ka'an sa ja vii ja va'a ja jin kuu ndaka ni ja ve koo ni a.

Mateo 11:4

Te ni ndakone'e Jesús ma, te jiña'a ya: ―‍Kuán koo ni, te jin kuña'a ni Juan ma ja ni ka jini ni a ji'in ja ni ka jiniso'o ni a.

Mateo 11:10

Te ja kuu Juan ma kúu ja ká'an tnu'u Su'si ma sa'a: Tetniñu ri in tee koxtnuu nuu ro, sukan‑va'a satu'va de ichi ki'in ro ma.