Lucas 6:10 - New Testament Psalms and Proverbs in Mixtec Magdalena Peñasco

¹⁰ Sani te nde'ya ya ndaka ñayii ka nukoo xiñi ya ma, te jiña'a ya tee ñatuu kúu kanda nda'a ma: ―‍Ndaskuili ni nda'a ni a ―‍kúu ya jiña'a ya. Te ni sa'a de sukan, te ni nduva'a nda'a de ma.

Lucas 6:10 Iomraidhean Croise

Salmos 107:20

Ni tatnuni ya ja jin nduva'a i, te ni ka nduva'a i, te ni ka kaku i ja ñatuu ni ka ji'i i ma.

Marcos 3:5

Jesús ma chi nde'ya ya, te ni ndakiti ini ya nuu tee ka iyo ma. Te ni kuxii ini ya, ja ñatuu ka kuni de ja jin jaku'ni ini de ma. Te jiña'a ya tee ni yichi nda'a ma: ―‍Ndaskuili ni nda'a ni a ―‍kúu ya jiña'a ya. Te tee yukan chi ni ndaskuili de nda'a de ma, te ni nduva'a.

Lucas 6:11

Kovaa jaku ñayii ma, ni ka ndakiti xeen ini i, te ni ka keja'a i ka ndatnu'u tna'a i naxe jin sa'a i Jesús ma.

Lucas 6:9

Te Jesús ma, jiña'a ya nuu tee ka kuu fariseo ma: ―‍In ja kakan‑tnu'u ña'a sa: ¿Nde a iyo ja kuu sa'a o kivi ni tatnuni Su'si ma ja ma jin satniñu o a? ¿Ja va'a ma, xi ja u'vi ma? ¿Sa'a o ja koteku in ñayii, xi xnaa o i? ―‍kúu ya jiña'a ya.

Juan 5:8

Jesús ma, jiña'a ya: ―‍Ndakoo ni, te ndake'en ni nuu ni katuu ni a, te kuán no'o ni ―‍kúu ya jiña'a ya.