Lucas 5:9 - New Testament Psalms and Proverbs in Mixtec Magdalena Peñasco

⁹ Vaa Simón ma ji'in ndaka‑ka tee ma, ni ka yu'u de, ja kua'a xeen tiaka ni ka tava de ma.

Lucas 5:9 Iomraidhean Croise

Salmos 8:6

te ni sunkani ni i ja jin ko koto i ndaka ja ni sa'a ni ji'in nda'a ni a. Te ndaka kiti ma ni xndoo ni ja jin tatnuni i nuu ti,

Salmos 8:8

ji'in lasaa ka ndava ichi andivi a, ji'in tiaka ka ñu'u nuu mar ma, ji'in ndaka kiti kuan koo ve koo ini mar ma, te nuu ndaka ti tátnuni i.

Marcos 9:6

Sukan ni ka'an Pedro ma, chi vaa ni ka yu'u xeen de, te ñatuu ni'i ini‑ka de nawa ká'an de.

Lucas 2:18

Te ndaka ñayii ni ka jiniso'o ma, ni ka sa'vi‑nka ini i ja ka ka'an tee ka jito ndikachi ma.

Lucas 4:32

Te ñayii ma, ka sa'vi‑nka ini i sukan káxtnu'u ya ma, vaa ká'an ya sukan ká'an in ñayii tátnuni.

Lucas 4:36

Ndaka ñayii ma ni ka yu'u, te ka ka'an ndi‑in ndi‑in i: ―‍¿Na tnu'u kúu cha'a? Vaa tee ya'a chi ûni tátnuni de nuu tachi ma ja na jin ke koo i, te ka ke koo i ―‍ka kuu ñayii ma ka ka'an i.

Lucas 5:10

Suni ka iyo tna Santiago ma ji'in Juan ma, sa'ya Zebedeo ma, tee ka ndikin tna'a ji'in Simón ma. Kovaa Jesús ma, jiña'a ya Simón ma: ―‍Má koyu'u ni. Onde vitna, te ko kuu ni in tee ndaxtutu ñayii ja jin kondikin i maa sa ―‍kúu ya jiña'a ya.

Lucas 5:8

Ja ni jini Simón ma sukan ma, te ni jinkoo jiti de nuu Jesús ma, te jiña'a de ya: ―‍¡Iya Tátnuni, má ki tu'va ña'a ni, vaa saña chi in tee ndiso kuechi kúu sa! ―‍kúu de jiña'a de.