Lucas 22:40 - New Testament Psalms and Proverbs in Mixtec Magdalena Peñasco

⁴⁰ Nuu ni kenda koo de ji'in ya ma, te jiña'a ya: ―‍Jin kakan‑ta'vi ni nuu Su'si ma, sukan‑va'a ma ska'an ña'a tachi ma ja jin sa'a ni ja u'vi ma ―‍kúu ya jiña'a ya.

Lucas 22:40 Iomraidhean Croise

Salmos 119:133

Te ndaskaka va'a ña'a ni ichi maa ni a, te kó sa'a sa sukan ká'an tnu'u maa ni a, te ni‑in ja u'vi kundee tatnuni nuu sa a.

Salmos 17:5

Ko koto vava'a ña'a ni ja na konukuiñi vava'a sa ichi maa ni a, sukan‑va'a máko kendeka ja'a sa ya.

Salmos 19:13

Ko koto va'a ña'a ni, saña ja jinukuechi sa nuu ni a, ja má kundee ni‑in ja u'vi ma ja ko tatnuni i nuu sa a, sukan‑va'a ko kuu sa in ñayii sa'a ja va'a ja ndaa, te koo vii sa nuu ni, te ñatuu na kuechi kondiso sa ja ndimaa sa'a so'o sa nuu ni a, vi Su'si.

Mateo 6:13

Te máko kua'a ni tnu'u ja ska'an ña'a tachi ma ja jin sa'a sa ja u'vi ma, su'va chindee ña'a ni ja na jin kaku sa nuu ja u'vi ma. Vaa maa ni kúu iya tátnuni, te maa ni iyo tnu'u ndee tnu'u ndatnu ji'in jayiñu'u ni‑kani ni‑jika. Te sukan kó kuu.

Lucas 11:4

Te sakanu ini ni ndaka kuechi sa nuu ni ma, vaa saña chi sukan ka sa'a tna sa, vaa ka sakanu ini sa ñayii ka sa'a ña'a ja u'vi ma. Te máko kua'a ni tnu'u ja ska'an ña'a tachi ma ja jin sa'a sa ja u'vi ma, su'va chindee ña'a ni ja na jin kaku sa nuu ja u'vi ma. ‍Sa'a jin kakan‑ta'vi ni ―kúu ya jiña'a ya.

Lucas 22:46

Te jiña'a ya: ―‍¿Nava'a ka kixi ni? Jin ndakoo ni, te jin kakan‑ta'vi ni, sukan‑va'a ma ska'an ña'a tachi ma ja jin sa'a ni ja u'vi ma ―‍kúu ya jiña'a ya.

1 Pedro 4:7

Te jâ ve kuyatni ja ndi'i ndaka ja iyo ñuu ñayivi a. Chukan kúu ja jin kani va'a ini ni nawa jin sa'a ni, te jin koto va'a ni maa ni, te jin kakan‑ta'vi jin kakan‑ta'vi‑ni ni nuu Su'si ma.

Apocalipsis 3:10

Vaa ni kandija ro tnu'u ni ka'an ri a, te ni kanda ro, visi ni ndo'o ni neni ro, te chukan kúu ja ru'u ya chi koto va'a ña'a ri ora kenda ja jin ndo'o jin neni ndaka ñayii ka iyo ni‑ka'nu ñuu ñayivi a, sukan‑va'a kototnuni ri i naxe ka iyo i.