Lucas 18:1 - New Testament Psalms and Proverbs in Mixtec Magdalena Peñasco

¹ Jesús ma, ni ka'an ya in tnu'u vijin, sukan‑va'a jin kutu'va de ja ndimaa jin kakan‑ta'vi de, te máko jin kuñaña de,

Lucas 18:1 Iomraidhean Croise

Salmos 102:17

Vaa kuniso'o ni ja ka jikan‑ta'vi ñayii nda'vi ñayii kee ka iyo yukan ma, te masu saxiko ni ja ka ka'an ka kachi i ma.

Salmos 27:13

Nute ma kukanu ini sa Su'si ma chi xtaya sa, kovaa kúkanu ini sa ya ja nani ka iyo o ñuu ñayivi a chi kuni sa sukan kútoo ña'a ya ma te kúnda'vi ini ña'a ya ma.

Salmos 65:2

Vaa maa ni chi niniso'o ni ja ka jikan‑ta'vi i nuu ni ma, te chukan kúu ja ndaka ñayii ñuu ñayivi a chi ki koo i nuu maa ni a, vi Su'si.

Salmos 86:3

Te kunda'vi ini ña'a ni, vi Iya Tátnuni, vaa nii nduu jikan‑ta'vi sa nuu ni a.

Lucas 11:10

Vaa nú na in jikan chi ni'i i. Te ñayii ndúku ma chi ni'i i. Te ñayii skajan ye'e ma chi ndanune, te ni'i i ja kúni i ma.

Lucas 21:36

Chukan kúu ja jin koo tu'va maa ni ndi‑kivi ndi‑ñuu. Te jin kakan‑ta'vi jin kakan‑ta'vi ni nuu Su'si ma, sukan‑va'a kuu jin kaku ni nuu ndaka ja iyo ja ko kuu ma, sukan‑va'a kuu jin kenda koo ni nuu iyo sa ja kúu sa iya vee ñayivi ñuu ñayivi a te jin ndatna'a o ―‍kúu ya jiña'a ya.

Romanos 12:12

Jín koo sii ini o ja ka ndetu o ja jin ni'i o ma, te jín kanda o ora ka ndo'o ka neni o ma, te jín kakan‑ta'vi jín kakan‑ta'vi o nuu Su'si ma.

2 Corintios 4:1

Vaa sukan kúnda'vi ini ña'a Su'si o a, te chukan kúu ja jâ ni kenda nuu nda'a sa a ja sukan jin kunukuechi sa nuu ya, te masu jin kuita sa.

Gálatas 6:9

Te máko jin kuita o ja jin sa'a o ja va'a ma, vaa kenda kivi ja jin ndani'i o ja ni skuiso Su'si ma ja taa ya ma, nú ma jin kuita o.

Efesios 6:18

Te maa Xtumani Ndios ma na chindee ña'a, te ndimaa jín kakan‑ta'vi jín kakan‑ta'vi‑ni o nuu Su'si ma ndaka ora, te másu ko jin ndunaa o ja jin kakan‑ta'vi o ja jin kuu ndaka‑ka ñayii ni ka nduu sa'ya Su'si ma, ja ñatuu‑ka na ja u'vi ka sa'a i ma.

Filipenses 4:6

Masu nawa jin ko ndi ini ni, su'va jin kakan‑ta'vi xen‑xeen ni nuu Su'si ma nawa ka jiniñu'u ni ndaka jichi ka ndakuan‑ta'vi ni nuu ya ma.

Colosenses 4:12

Suni ndakan‑tnu'u ñaña'a ña Epafras ma, te suni tna'a maa ni kúu de. Tee jinukuechi va'a nuu Su'si o ma kúu de, te ndimaa jikan‑ta'vi xen‑xeen de ja jin kuu ni, sukan‑va'a jin konukuiñi va'a ni nuu Su'si o a te jin sa'a ni ndaka tu'u ja kúni ya ma.

Colosenses 4:2

Te másu ko jin kava kuxi ni ja jin kakan‑ta'vi ni nuu Su'si ma, te másu ko jin ndunaa ni ja jin ndakuan‑ta'vi ni nuu ya ma.

1 Tesalonicenses 5:17

Ndaka ora jin kakan‑ta'vi ni.