Lucas 15:13 - New Testament Psalms and Proverbs in Mixtec Magdalena Peñasco

¹³ Sani te jaku‑ni kii ma, sa'ya de suchi lule‑ka ma, ni xiko i ja ni wa'a yuva i ma, te ni ni'i i xu'un ma, te kua'an jika i onde in‑ka ñuu. Te ndeva'a ndekuu‑ni ni yo jatniñu i, te ni xndi'i i ndaka ja ni ni'i i ma.

Lucas 15:13 Iomraidhean Croise

Salmos 73:27

Ñayii ka kujika nuu ni ma, jin skenaa i maa i, vaa maa ni chi xnaa ni ndaka ñayii ñatuu ka kuni ja jin kondikin ndaa ña'a i maa ni ma, vi Su'si.

Proverbios 18:9

Ñayii kuxi te ñatuu satniñu va'a i ma chi inuu kuiti kúu i ji'in ñayii ndákana in ja iyo va'a ma.

Proverbios 21:17

Ñayii ñatuu nde ni'i tna'a i ma te játna ini i ja va'a ja jaxiko asi ma ja chi'i i maa i ma te játna ini i ja ko'o i ndixi ma te ndeva'a ndekuu‑ni kúu i ma chi ni ma kuxiku maa i ja ko ni'i ko tna'a i.

Proverbios 21:20

Tee ñu'u kaji ñu'u va'a ini ma chi ve'e de ma chi ñatuu nawa ja'ni ña'a i te vivii ka kuu de, kovaa tee ñatuu ñu'u kaji ini ma chi ndi'i ja neva'a de ma ndáxiko de te xnaa de kua'an de.

Proverbios 27:8

Tee xndoo ve'e de ma chi sukan kúu in lasaa kiti ni xndoo taka ti ma, sukan kúu de.

Proverbios 28:7

Sa'ya o suchi kándija te sa'a i sukan ká'an tnu'u Su'si a chi suchi ndichi kúu i, kovaa suchi ndikin tna'a ji'in ñayii ka ndi ini yika‑ni ja jin kaa jin ko'o i ma‑ni chi ja kan‑yu'u ja kan‑nuu wa'a i yuva i ma.

Proverbios 29:3

Suchi kándija te jan‑ta'vi i tnu'u ndichi ma chi sa'a i ja iyo sii ini yuva i ma, kovaa suchi kívi nduu kívi ni'ni ji'in ña'a ka kuneé ka ku‑uun ma chi skenaa i ndaka ja jâ neva'a i ma.

Proverbios 6:26

Ña'a xiko maa ña ma chi ja kúni ña kúu ja na ni'i ña ja kaa ña ma, kovaa ña'a kúneé kú‑uun ma chi ndúku ña ja na xnda'vi ña tee ñu'u kaji ini ma.

Lucas 15:12

Te suchi lule‑ka ma, jiña'a i yuva i ma: “Taa, taa ni ja ko kuu ta'vi sa ma”, kúu i jiña'a i. Sani te yuva i ma, ni ja'nde de ja neva'a de ma, te ni wa'a de nduu i.

Lucas 15:14

Kovaa nuu jâ ni ndi'i kuiti ni jatniñu i ma, te ni kenda in tnama xeen ñuu yukan, te ñatuu ni yo ni'i‑ka i ja kaa i.

Lucas 15:30

Kovaa vitna ni ndenda sa'ya ni a, ja ni jatniñu ndeva'a ndekuu i xu'un ni ma ji'in ña'a ka kuneé ka ku‑uun ma, te ni ja'ni ni serru kiti vava'a‑ka ma”, kúu i jiña'a i.

Lucas 16:1

Jesús ma, ni ndakani tna ya sa'a nuu tee ka ndikin ya ma: ―‍Iyo in tee xiku, te neva'a de in tee jito ndaka ja neva'a de ma. Te ni jan koo i ni jan kuña'a i nuu tee kúu jito'o ma ja yikuu tee jinukuechi ma sa'a ndeva'a de ja ni kucargu de ma.

Lucas 16:19

’Iyo in tee xiku, te ni yo ne'nu de sa'ma vii sa'ma va'a, te ndaka kivi ni yo sa'a de viko, te ni yo sa'a ka'nu xeen de.

Efesios 2:13

Kovaa vitna, ja maa niñi Cristo Jesús ma ja ni jati nuu krusi ma, te ka iyo ni ji'in Su'si ma. Te ndijin ja ni ka yo iyo jika ni nuu ya ma, te vitna ja ni ka nduyatni ni nuu ya.

Efesios 2:17

Te ni kii ya, te ni kaxtnu'u ya tnu'u vii tnu'u va'a ya ma nuu ni, ja ka iyo jika‑ka ni nuu ya ma, ji'in nuu sa, ja ka iyo yatni‑ka sa nuu ya ma, sukan‑va'a jin koo mani ndaka o ji'in ya ma.

2 Pedro 2:13

Te jin ndani'i jin ndatna'a i ja kuechi ja masu ja va'a ni ka yo sa'a i ma, vaa ka jatna ini i te ka kusii ini i ja ka sa'a i ndaka sukan ka kuni maa yikikuñu i ma ndi‑kivi ndi‑kivi. Ñayii ya'a chi ka ndaa tne'e i nuu Su'si ma, ka ndaa kini ini anua i ma. Te onde nuu ka jaa o ji'in i xita ma, te ka kusii ini i ka ndaka'an i ja u'vi ka sa'a i ma.