Lucas 14:11 - New Testament Psalms and Proverbs in Mixtec Magdalena Peñasco

¹¹ Vaa nú na in sa'a tnu'u ja kanuu‑ka i ma, suni kendoo nda'vi i, te kukan‑nuu i. Te ñayii sa'a tnu'u ja masu ñayii kanuu‑ka kúu i ma, te ñayii yukan, nduu i in ñayii kanuu‑ka ―‍kúu ya jiña'a ya.

Lucas 14:11 Iomraidhean Croise

Salmos 138:6

Vaa Su'si Iya Tátnuni, iya iyo onde sukun ma kúu ni, te ndí ini ni ja jin kuu ñayii nda'vi ma. Kovaa jika‑ni nde'ya ni ñayii ka jani ini ja maa i ka kuu‑ka ma.

Salmos 18:27

Vaa maa ni chi sa'a ni ja jin kaku ñayii ka kuxii ka kunda'vi ini i ma, kovaa sa'a ni ja jin ndakukan‑nuu ñayii ka jani ini ja maa i ka kuu‑ka ma.

Proverbios 15:33

Nú jan‑ta'vi o ja ka ndaka'an‑so'o i nuu o ma chi jayiñu'u Su'si ma kúu, vaa jandetu o nuu ya ma, vaa nuna kava kuee ini o te kani ini o ja maa Su'si ma sana kuu nawa sa'a o ma chi koo jayiñu'u o.

Proverbios 18:12

Ñayii kúvixi xeen ma chi ja ndetu ña'a kúu ja skenaa ndi'i i ja neva'a i ma, kovaa ñayii jani ini ja masu ñayii kanuu kúu i ma chi ja ndani'i i ma kúu jayiñu'u i.

Proverbios 25:27

Masu va'a ja kaa xeen o nduxi ma, te ni masu ja va'a kúu ja ndaka'an o ja in jayiñu'u kúu ja ni sa'a maa o ma.

Proverbios 29:23

Ñayii kúvixi ma te jani ini i ja maa i kúu‑ka ma chi masu na'a‑ni te jin sa'a ñayii ma ja ndatna'a i ja kan‑nuu, kovaa ñayii jani ini ja masu nawa kuu sa'a i ja maa in‑ni i ma chi su'va masu na'a‑ni te ndani'i i jayiñu'u nuu ñayii ma.

Mateo 23:12

Vaa nú na in jani ini ja kanuu‑ka i sana ndaka‑ka ñayii ma chi ndatna'a i ja kan‑nuu. Te nú na in jani ini ja in ñayii masu kanuu kúu i chi in ñayii kanuu‑ka ko kuu i nuu Su'si ma.

Lucas 1:51

Ni sa'a ya ji'in tnu'u ndee tnu'u ndatnu ya ma ja jin kuitenuu ndaka ñayii ka jani ini ja maa i ka kuu‑ka ma.

Lucas 1:52

Ni xtandiyo ya nuu ka nukoo rey ma, te ni wa'a ya jayiñu'u ñayii ka ndakunitnuni ja ka jiniñu'u i Su'si ma.

Lucas 14:12

Jiña'a tna ya nuu tee ni kana ña'a ve'e de ma: ―‍Ndijin, nuna sa'a ni in viko te kua'a ni ja jin kuxe'ñu ñayii ma xi jin kuxini i, kovaa máko kana ni ñayii ka ketna'a ini ji'in ni ma, ni a ñani ni ma, ni a tna'a ni ma, ni a ñayii xiku ka iyo yatni ji'in ni ma. Vaa ñayii yukan chi kuu jin ndakana ña'a i, te sukan, te jin kendoo inuu ni ji'in i.

Lucas 18:14

Ká'an sa ja tee ndáke'en ya'vi xu'un no'o ñuu Roma ma, nuu kuan no'o de ve'e de ma, te jâ ni sakanu ini ña'a Su'si ma, kovaa tee kúu fariseo ma, ñatuu. Vaa nú na in sa'a tnu'u ja maa i ma kúu ja kuu‑ka vaa va'a‑ni sa'a va'a‑ni kúu i, jani ini i, chi suni kendoo nda'vi‑ka i te ndatna'a i ja kan‑nuu. Te ñayii jani ini ja masu nde jiniñu'u i ma vaa ja sa'a ja kúu i ma masu ja va'a kúu, ñayii yukan nduu in ñayii kanuu‑ka ―‍kúu ya jiña'a ya.

Santiago 1:9

Nú ñayii kúnda'vi ma te ni nduu i sa'ya Su'si ma, kóo sii ini i, vaa jâ iyo jayiñu'u i nuu Su'si ma.

Santiago 4:10

Te jin ndakunitnuni ni nuu Su'si ma ja masu in ja va'a ni yo kuu ja ni ka yo sa'a, ni ka yo kuu ni ma, te maa ya sa'a ja jin konukuiñi va'a ni nuu ya, te jin koo jayiñu'u ni.

Santiago 4:6

Te chukan kúu ja Su'si ma, chíndee xeen ña'a ya, vaa ká'an tutu ndee tnu'u ya a: “Maa Su'si ma, masu kua'a ya tnu'u nawa jin sa'a ña'a ñayii ka jani ini ja maa i ka kuu‑ka ma. Kovaa chíndee xeen‑ka ya ñayii ka ndakunitnuni i ja ja maa ya ma, te ka iyo i ma.”

1 Pedro 5:5

Suni ndaka ro'o ja ka kuu ro suchi jaa a jin kandija ja ka ka'an tee nija'nu‑ka ma. Te ndaka ni jin kandija nuu tna'a, te má jin kani ini ja maa ni ka kuu‑ka xi ka ndanuu‑ka ni sana in‑ka ñayii ma: Vaa Su'si ma, masu niniso'o ya te ni masu katanuu ya ja ka ka'an ñayii ja ka jani ini i ja maa i ka kuu‑ka ma, kovaa ja vii ja va'a skuta'vi ya ñayii inuu‑ni jan‑ta'vi i ndaka ñayii ma.

1 Pedro 5:6

Chukan kúu ja jin ndakunitnuni ni naxe ka iyo ni nuu nda'a Su'si iya neva'a tnu'u ndee tnu'u ndatnu ma, sukan‑va'a maa ya, te taa ya jayiñu'u kivi yukan ma.