Lucas 13:34 - New Testament Psalms and Proverbs in Mixtec Magdalena Peñasco

³⁴ ’¡Ñayii ñuu Jerusalén, ja ka wa'a‑yuu ni tee ka ndakaxtnu'u tnu'u ni wa'a Su'si ma onde ka ja'ni ni de ma! ¡Te suni sukan ka sa'a ni ji'in ñayii ni tetniñu ya nuu ni ma! ¡Na saa‑ka jichi ni kuni sa ja ndaxtutu ña'a sa, sukan ndaxtutu tila ma chili ti ma chii ndijin ti ma! Kovaa ñatuu ni ka kuni ni.

Lucas 13:34 Iomraidhean Croise

Salmos 149:2

Jin ndusii ini ni, ñayii ñuu Israel ja ka kuu ni ñayii ñuu Sion a, vaa maa ya ni sa'a ña'a, te maa ya kúu Rey ni.

Salmos 17:8

Ko koto vava'a ña'a ni, sukan jito va'a xeen‑ka ni nuu ii‑ka nduchinuu ni a, te tava'a vava'a ña'a ni chii ndijin ni ma ora vee in tnundo'o tnuneni ma,

Salmos 36:7

¡Naka vii naka luu kúu tnu'u nda'vi ini ni a, vi Su'si! Te chukan kúu ja ka kukanu ini ña'a ñayii ma ja jin koo va'a i nú iyo ni ji'in i ma, sukan ka kuu chili ma ja chii ndijin si'i ti ma kúu nuu kuu jin kaku ti ma.

Salmos 57:1

Su'si maa sa, kunda'vi ini xeen ña'a ni saña, vaa ni‑yu'u ni‑ini sa kúkanu ini ña'a sa, vaa kúkanu ini ña'a sa ja maa ni kasi ña'a te kaku sa, sukan ka kuu chili ma chii ndijin si'i ti ma onde ndi'i kuiti tnundo'o tnuneni ma jin ya'a.

Salmos 81:13

Saa vi. Nute ñayii ñuu sa ma, ni ka kachi i jin koniniso'o i ma te jin ko sa'a i sukan ni tatnuni sa ma, ja ka kuu i ñayii ñuu Israel ma,

Salmos 91:4

vaa maa ya kasi ña'a ji'in ndijin ya ma, te chii ndijin ya ma koo va'a‑ka o, chi vaa sa'a ya ndaka ja ni skuiso ya ma, te tnu'u ndaa tnu'u ndija ká'an ya ma, kasi ña'a i ja ma kaki'i ña'a ni‑in ja u'vi ma.

Mateo 22:3

Te ni tatnuni de nuu tee ka jinukuechi nuu de ma ja jín koo de jín kueka de ñayii jâ ni kana de i ja ki koo i viko tnanda'a sayii de ma, kovaa ñayii yukan, ñatuu ni ka kuni i ja jin koo i.

Mateo 22:6

te jaku‑ka i ma, ni ka tnii i tee ka jinukuechi nuu rey ma, te ni ka sa'a ndeva'a i de, te ni ka ja'ni i de.

Lucas 15:28

Sani te ni ndakiti xeen ini suchi java'a‑ka ma, te ñatuu kúni i ndivi i ve'e i ma. Chukan kúu ja ni kee yuva i ma, te xtetuu de i ja na ndivi i.

Lucas 19:44

te jin xnaa ndi'i kuiti i ñuu ni a. Jin ka'ni ña'a i, te ni ma jin xndoo‑ka i ni‑in‑ka yuu siki in‑ka yuu ja jin koxtna'a i, vaa ñatuu ni ka ndasa'a ni kuenda ora nuu ni kii Su'si ma ja sa'a ya ja jin kaku ni ma ―‍kúu ya ká'an ya.

Lucas 23:28

Kovaa Jesús ma, nde'ya ya, te jiña'a ya: ―‍Ña'a ñuu Jerusalén, má jin konda'yu ni ja kuu sa, su'va jin konda'yu ni ja jin kuu maa ni ji'in sa'ya ni ma.

Hechos 7:52

Vaa tna'a o tee jana'a ma, ûni ni ka yo sondikin de ndaka tee ni ka yo ndakaxtnu'u tnu'u ni yo wa'a Su'si ma. Te ûni ni ka yo ja'ni de tee ni ka yo ndakaxtnu'u sukan kii iya va'a ini ma. Te iya va'a ini ma, jâ ni kii ya, kovaa ndijin chi su'va ni ka ke'en‑su'va ni ya, te ni ka ja'ni ni ya ma.

Hechos 7:59

Te nani ka wa'a yuu de Esteban ma, te jikan‑ta'vi Esteban ma, te jiña'a de: ―‍Jesús Iya Tátnuni, ndunda'a ni anua sa ya ―‍kúu de jiña'a de.

Hechos 8:1

Te Saulo ma, iyo tna i yukan, suni ni kendoo ini i sukan‑ni ni ka ja'ni de Esteban ma. Te maa kivi yukan ni ka keja'a de ni ka sa'a ndeva'a de ñayii ka kandija tnu'u Jesús ma ja ka iyo i ñuu Jerusalén ma. Sani te ni ka jitenuu ndaka ñayii ni ka kandija tnu'u Su'si ma ni‑ka'nu ñuu Judea ma ji'in Samaria ma. Kovaa apóstol tee ni tetniñu Jesús ma chi ni ka kendoo de ñuu Jerusalén ma.

Apocalipsis 11:8

Te ñunde'yu de ma, jin kavatuu i ichi ka jika ñayii ma ñuu ka'nu ma, ñuu nuu ni ka jata kaa i Iya Tátnuni ma, ja kuu i sukan kúu ñuu Sodoma ma ji'in ñuu Egipto ma.