Lucas 13:11 - New Testament Psalms and Proverbs in Mixtec Magdalena Peñasco

¹¹ Te iyo in ña'a ku'u, te jâ iyo ja'un uni (18) kuiya ja ku'u ña. Te in tachi, ni ndasa'a titoso i ña, te ñatuu kúu ndundaa‑ka yata ña ma.

Lucas 13:11 Iomraidhean Croise

Salmos 145:14

Te maa ni chi chíndee chítuu ni ndaka ñayii ka kuxii ka kunda'vi ini ma, te ndókani ni ndaka ñayii ka xtaya ma.

Salmos 146:8

Su'si Iya Tátnuni a chi sa'a ya ja ka ndundijin nuu ñayii inukuaa ma, te ndóne'e ya ñayii ni ka xtaya ma, te kútoo xeen ya ñayii ka sa'a ja va'a ja ndaa ma.

Salmos 38:6

Te yindeyi nuu sa nde kua'an nde vee sa ma, vaa ndása'a sa kuenda, te kúkan‑nuu sa, te kúxii ini sa nduu ñuu.

Salmos 42:5

Te jani ini sa, ¿te naku ko kuxii ini o, te ko ndakani ini o? Su'va kúkanu ini o Su'si ma, te ndáchiñu'u o ya, vaa maa ya kúu Su'si o, vaa maa ya sa'a ja kaku o nuu ja u'vi ma.

Salmos 6:2

Kunda'vi ini ña'a ni saña, vi Iya Tátnuni, te ndasava'a ña'a ni, vaa onde yikikuñu sa a ni kuita kuiti kuenda tnu'u ja kûu sa kúni sa.

Mateo 4:23

Te ni‑ka'nu ñuu Galilea ma ni ndakonduu ya, te ndaka veñu'u lilikin ma nuu ka ndatna'a ñayii judío ma, káxtnu'u ya tnu'u vii tnu'u va'a Su'si ma ji'in sukan tatnuni ya ma. Te ni ndasava'a ya ñayii ka ku'u ndeva'a‑ni kue'e ma ji'in ndaka ja ka ndo'o ka neni ñayii ñuu yukan.

Marcos 9:21

Jesús ma, ni jikan‑tnu'u ya yuva i ma: ―‍¿Ndende kii ni keja'a i ndó'o i sa'a? Te yuva i ma, ni ndakone'e de: ―‍Onde nuu luluu i ma.

Lucas 13:12

Nuu ni jini Jesús ma ña, ni kana ya ña, te jiña'a ya: ―‍Ndijin, jâ ni nduva'a ni kue'e ndó'o ni a ―‍kúu ya jiña'a ya.

Lucas 13:16

Vaa ña'a ya'a, tna'a Abraham ma kúu ña, te tachi ma, ni ju'ni i ña, te jâ iyo ja'un uni (18) kuiya ja ku'u ña. ¿Xi ma kuu jin ndaxsiaa o ña nuu nda'a tachi ma kivi ni tatnuni Su'si ma ja ma jin satniñu o a? ―‍kúu ya jiña'a ya.

Lucas 21:28

Nú ni keja'a kúu sukan, te in‑ni ja jin kani ini ni, te jin kukanu ini ni Su'si ma, te jin ndonenuu ni, vaa sani te sa'a Su'si ma ja jin kaku ni nuu ndaka ja u'vi ma ―‍kúu ya jiña'a ya.

Lucas 8:2

te suni ka ndikin ña'a jaku ña'a ni ndene'e ya tachi ni ka yo ñunee ini anua ña ma, ji'in ña'a ni ndasava'a ya ma. Te ne'un ña'a yukan kua'an María ña'a ka xnani i Magdalena ma ña'a ni ka nde koo uja tachi ma.

Lucas 8:27

Ja ni nuu Jesús ma nuu ñu'ú ma, te ni kenda in tee ñuu yukan ja ka yinee ña'a tachi, te ni jan tu'va de ya. Jâ ni kuu kii ja ñatuu na sa'ma ne'nu‑ka de ni a koo de in ve'e‑ka, su'va ne'un nuu ka yinee ndiyi ma ni yo iyo de.

Lucas 8:43

Te ne'un ñayii ma kua'an in ña'a ja iyo uxi uu kuiya ja ku'u ña, vaa jati ña'a niñi, te ni ndi'i ndaka ja neva'a ña ma ni jatniñu ña nuu tee tatna ma, te ñatuu ni kuu nduva'a ña.

Hechos 3:2

Te ye'e veñu'u ma iyo in tee, te onde nuu ni kâku de ma, ñatuu ka kanda ja'a de ma. Te ndaka kii, te ni yo jan koo i ni ka yo jan xsia'a i de, te ni ka yo sunkoo i de ye'e veñu'u ma ja nani i “Ye'e Vivii” ma, sukan‑va'a kakan de karidaa nuu ñayii ka kivi koo ini veñu'u ma.

Hechos 4:22

Te tee ni nduva'a ma ja ni kuu milagru ni sa'a Su'si ma chi yi'i de vi'i‑ka uu xiko (40) kuiya.