Lucas 10:21 - New Testament Psalms and Proverbs in Mixtec Magdalena Peñasco

²¹ Te ora yukan Jesús ma, ni kutachi xeen ya ni sa'a Xtumani Ndios ma, te sa'a ni ndachiñu'u ya Yuva ya ma: ―‍Ndáchiñu'u ña'a sa, Yuva sa, iya tátnuni andivi a ji'in nuu ñu'ú a, vaa ni kaxtnu'u ni nuu ñayii ka kuu sukan ka kuu suchi kuechi ma ja ka ndakunitnuni i ja ka jiniñu'u ña'a i maa ni ma, ndaka ja ñatuu ni kaxtnu'u ni nuu ñayii ka jani ini ja ka jini‑ka i te ka jaku'ni‑ka ini i ma te ñatuu ka ndanduku ña'a i maa ni ma. Saa vi, Yuva sa, vaa sukan ni kuni maa ni ja ko kuu.

Lucas 10:21 Iomraidhean Croise

Salmos 24:1

Kuenda maa Iya Tátnuni ma kúu ni‑ka'nu ñu'ú iyo ñuu ñayivi a, ji'in ndaka ñayii ka iyo a, ji'in ndaka‑ka ja ka iyo a.

Salmos 25:14

Te Iya Tátnuni ma chi káxtnu'u ya ndaka ja iyo ja sa'a ya ma nuu i, vaa ni‑yu'u ni‑ini i ndánduku i ya ma, te jin jaku'ni ini i ndaka ja ni skuiso ya ma.

Salmos 8:2

Ja kuechi ñayii ñatuu ka kunimani nuu ni ma, te ni sa'a ni ja suchi kuechi ma, ji'in lulu suchi ka jaxi‑ka ma, ka ndachiñu'u ña'a i maa ni, vi Su'si. Te sukan, te sa'a ni ja jin kasiyu'u ñayii ñatuu ka kunimani nuu ni ma, ji'in ñayii ñatuu ka sa'a sukan tátnuni ni ma.

Mateo 16:17

Sani te ni ndakone'e Jesús ma: ―‍Vava'a kendoo ni, Simón sa'ya Jonás, vaa masu in ñayii ni kaxtnu'u tnu'u ya'a nuu ni a, su'va Yuva sa iya iyo andivi ma ni kaxtnu'u nuu ni a na in kúu sa.

Mateo 21:16

te ka jiña'a de: ―‍¿Jiniso'o ni ja ka ka'an suchi ya'a? ―‍ka kuu de ka jiña'a de. Te Jesús ma, jiña'a ya: ―‍Jiniso'o sa. ¿Ñatuu nama uun jin ka'vi‑ka ni nuu tnu'u Su'si ma ja ká'an sa'a ma?: Yu'u suchi kuechi ma ji'in yu'u suchi ka jaxi ma ni satu'va ni ja jin ndachiñu'u ña'a i ―‍kúu ya jiña'a ya.

Mateo 3:7

Te nuu ni jini de ja kua'a tee ka kuu fariseo ma ji'in tee ka kuu saduceo ma ni kenda koo ja skuandute de tee ma, te jiña'a de: ―‍¡Sukan ka kuu koo ma ka kuu ni! ¿Na in ni kaxtnu'u nuu ni ja jin kaku ni ja ma xndo'o xneni ña'a Su'si ma?

Marcos 10:15

Ja ndaa ká'an sa, nú in ñayii ma, ma kuan‑ta'vi i ja tatnuni Su'si ma nuu i ma sukan jan‑ta'vi in suchi luluu a nawa tátnuni o nuu i ma, te masu kuu kivi i nuu tatnuni ya ma ―‍kúu ya jiña'a ya.

Lucas 15:5

Te nú ni ndani'i de ti, sii ini‑ni ndasonee de ti siki chiyo de ma.

Lucas 15:9

Te nú ni ndani'i ña ma, ndaxtutu ña ña'a ka ketna'a ini ji'in ña ma, te kuña'a ña: “Jín koo sii ini o, vaa ni ndani'i sa xu'un jâ ni ski'in sa nkuu ma.”

Juan 11:41

Te ni ka xtandiyo de yuu ma, te Jesús ma, ni ndonenuu ya ichi andivi ma, te ni ka'an ya: ―‍Yuva sa, ndákuan‑ta'vi sa nuu ni,

2 Corintios 4:3

Kovaa nú ka iyo‑ka ñayii ja ñatuu ka jaku'ni ini i tnu'u vii tnu'u va'a ka kaxtnu'u sa a, te kuechi maa i ka kuu ja ñatuu ka jaku'ni ini i te jin skenaa i maa i.

Efesios 1:11

Te ja maa Jesucristo ma, te jin ni'i o tna'a ja jin ko kuu ta'vi o ma, vaa sukan jâ ni jani ini maa Su'si ma iya kúu sa'a ndaka ma, ja jin kuta'vi o ma,

Efesios 1:5

Ja kútoo xeen ña'a maa Su'si ma, te ni jani ini ya ja ndakuan‑sa'ya ña'a ya. Te ja maa Jesucristo ma, te ni ka nduu o sa'ya Su'si ma, sukan ni kuu ini maa ya ja sa'a ya ja jin kuu o, vaa ni kunda'vi ini ña'a ya ma.