Lucas 1:79 - New Testament Psalms and Proverbs in Mixtec Magdalena Peñasco

⁷⁹ sukan‑va'a ndaxtnuu ya ñu'u nuu ñayii ka iyo nuu nee‑ka ma, nuu ka yu'u ñayii ma ja jin kûu i ma, te skaka ña'a ya ichi ñatuu na in kánaa ma ―‍kúu de ká'an de.

Lucas 1:79 Iomraidhean Croise

Salmos 107:10

Te ka iyo ñayii ma kuenda tnu'u ja vekaa ka yinee i, ni ka iyo i nuu nee ma, te ni ka yo kuxii, ni ka yo kunda'vi ini i,

Salmos 107:14

Te ni ndene'e ya i nuu nee ni ka iyo i ma, te ni sakuechi, ni salikin ya yo'o kaa ni ka yo nu'ni i ma.

Salmos 23:4

Visi na ya'a sa yuu nuu nee xeen ma nuu ka ja'ni tna'a i ma, kovaa masu nawa koyu'u sa, vaa maa ni iyo ji'in sa, vi Su'si. Karroti ni a ji'in yutnu xii yinda'a ni a ka sa'a ja kúkanu ini ña'a sa.

Salmos 25:12

¿Nde in kúu ñayii yu'u ja ndakan Iya Tátnuni ma kuenda nuu i ma? Ñayii yukan ma chi maa ya kaxtnu'u ichi va'a ko kaka i ma.

Salmos 44:19

Kovaa maa ni, ni xndoo nda'vi ni xndoo kee ña'a ni in nuu kini in nuu nee kuiti.

Proverbios 3:17

Ja vii xeen kúu ja kondikin o sukan ká'an tnu'u ndichi Su'si o a, vaa sa'a i ja koo sii ini o.

Proverbios 8:20

te skaka sa i ichi va'a ichi ndaa ma, te ndasa'a i kuenda na nde a kúu ja va'a ja ndaa ma.

Mateo 4:16

Ñuu iyo nuu nee ma, ni jini i in ñu'u ka'nu ndú'va, te ñayii ka iyo ja sani te jin kûu i ma, te in ñu'u ni ndandu'va nuu ka iyo i ma. Sa'a ni ka'an de.

Lucas 2:32

Te suu ya kúu ñu'u ndaxtnuu nuu ndaka‑ka ñayii ñuu ñayivi a, ja jin jaku'ni ini i. Te ja maa ya, te jayiñu'u ko kuu ñuu Israel ya ―‍kúu de jiña'a de.

Juan 1:9

Chi vaa maa Tnu'u Su'si ma kúu ñu'u xtnuu ndija nuu ñayii ma, te vee ya ñuu ñayivi a.

Juan 12:46

Saña kúu ñu'u ndú'va te xtnuu vivii, te vee sa ñuu ñayivi a ja xtnuu vivii sa nuu ñayii a, sukan‑va'a nú na in na kandija ña'a, ma koo‑ka i nuu nee ma.

Juan 8:12

Jesús ma, ni ka'an tuku ya in‑ka jichi nuu ñayii ma, te jiña'a ya: ―‍Saña kúu ñu'u ndú'va ja xtnuu sa nuu ñayii ñuu ñayivi a. Nú na in na kondikin ña'a, te koo sa ji'in i ja kúu sa ñu'u xtnuu ini anua i ma, te sa'a sa ja koteku i te masu ko kaka‑ka i nuu nee ma ―‍kúu ya jiña'a ya.

Juan 9:5

Nani iyo sa ñuu ñayivi a, ñu'u xtnuu nuu ñayii ñuu ñayivi a kúu sa ―‍kúu ya jiña'a ya.

Hechos 10:36

Te maa Su'si ma, ni tetniñu ya tee ja jin kaxtnu'u de tnu'u vii tnu'u va'a maa ya ma nuu ñayii Israel ma, sukan‑va'a jin kuni i ja maa Jesucristo ma kúu iya tátnuni nuu ndaka o a, te ni sa'a ya ja jin koo va'a jin koo mani ndaka o nuu Su'si ma.

Hechos 26:18

sukan‑va'a sa'a ni ja jín ndanune nuu i, te jín xndoo i ichi nee ma, te jín kaka i ichi nuu ndú'va ñu'u ma, te máko jin kandija‑ka i ja tátnuni tachi ma, nú masu ja jin kandija i ja ká'an Su'si ma. Vaa nuna jin kandija ña'a i maa sa, te sakanu ini Su'si ma kuechi i ma, te jin ndani'i ta'vi i sukan ni ka ndani'i ta'vi ñayii ñatuu‑ka na ja u'vi ka sa'a i ma”, kúu ya ká'an ya.

Romanos 3:17

vaa ñatuu ka jini i naxe jin koo mani i ji'in ñayii ma.

Efesios 5:8

Vaa ndijin chi onde xi'na‑ka ma chi ni ka yo iyo ni nuu nee ma, kovaa vitna chi ja maa Iya Tátnuni ma, te ka iyo ni nuu ndú'va ñu'u vivii maa ya ma, te ndimaa jin ko sa'a ni sukan ka sa'a ñayii ka iyo nuu ndú'va ñu'u vivii maa ya ma.