Lucas 1:53 - New Testament Psalms and Proverbs in Mixtec Magdalena Peñasco

⁵³ Ñayii ni ka yo kokon, ni ka yo yichi i ma, ni ka ndani'i, ni ka ndatna'a i ja jin ko kaa jin ko ko'o i ma, te xiku ma, ni ndasanda'vi ya i.

Lucas 1:53 Iomraidhean Croise

Salmos 146:7

Vaa sa'a ya ja ka ndayaa ñayii ka xndo'o ka xneni ña'a in‑ka ñayii ma, te wa'a tna ya ja jin kaa ñayii ka kokon ka yichi ma, te ndáxsiaa ya ñayii nda'vi ka yinee va'a ma.

Salmos 34:10

Vaa ndika'a kuechi ma chi kénda kivi ja ñatuu ka ni'i‑ka ti ja jin kaa ti, kovaa ñayii ka ndanduku Su'si ma chi ndaka ja vii ja va'a ma jin ni'i i, te ñatuu nawa ko ka'ni ña'a i.

Mateo 5:6

’Vava'a jin kendoo ñayii ni‑yu'u ni‑ini i ka ndanduku i ja va'a ja ndaa tátnuni Su'si ma ja jin ko sa'a i ma, vaa jin ni'i ndija i ja ka jiniñu'u anua i ma.

Lucas 1:54

Ni chindee ya ñayii ñuu Israel ma, ja ka jinukuechi i nuu ya ma. Ñatuu ni ndunaa ya ja kúnda'vi ini ya i,

Lucas 6:21

’Ja vava'a ka kuu ndijin ja vitna ka kokon ka yichi ni a, vaa jin ndani'i jin ndatna'a ni. ’Ja vava'a ka kuu ndijin ja vitna ka nda'yu ni a chi jin ndusii ini ni.

Lucas 6:24

Sani te ni jiña'a tna ya: ―‍Kovaa nda'vi maa ndijin ñayii ka kuu xiku, vaa jâ ni ka iyo sii ini ni ñuu ñayivi ya.

Juan 6:35

Jesús ma, jiña'a ya: ―‍Saña kúu xtatila ja sa'a ja jin koteku ni. Nú na in ki tna'a ña'a te kandija ña'a i, masu ko kokon ko yichi kuiti i.

1 Corintios 1:26

Ndijin ja ni ka nduu ni sa'ya Su'si o ma, jin ndasa'a maa ni kuenda, ja masu kua'a ni ni ka yo kuu ñayii ndichi ma, te ni masu kua'a ni ni ka yo kuu ñayii ka tatnuni‑ka, te ni masu kua'a ni ni ka yo kuu ñayii ka kuu xiku‑ka ma ne'un ñayii ñuu ñayivi a, nuu ni ndakana ña'a ya ma.

1 Corintios 4:8

Ka jani ini ni ja ka neva'a ni ndaka. Te ka jani ni ja ni ka kuxiku ni. Te ka jani ini ni ja ka kuu ni sukan ka kuu rey ma, te ñatuu ka jiniñu'u‑ka ni ja ká'an sa a. ¡Naka va'a, nute ja ndaa ja rey ka kuu ni, sukan‑va'a jin ko kuu tna sa rey ji'in ni!