Juan 8:36 - New Testament Psalms and Proverbs in Mixtec Magdalena Peñasco

³⁶ Chukan kúu ja nú saña ja kúu sa Sa'ya Su'si a, sa'a sa ja jin ndayaa ni nuu ja u'vi ma chi jin ndayaa ndija ni.

Juan 8:36 Iomraidhean Croise

Salmos 119:133

Te ndaskaka va'a ña'a ni ichi maa ni a, te kó sa'a sa sukan ká'an tnu'u maa ni a, te ni‑in ja u'vi kundee tatnuni nuu sa a.

Salmos 119:32

Te na koo ñama sa ja ko sa'a sa sukan tátnuni ni ma, vaa ni sa'a ni ja kua'a xeen‑ka ja jáku'ni ini sa, vi Su'si.

Salmos 19:13

Ko koto va'a ña'a ni, saña ja jinukuechi sa nuu ni a, ja má kundee ni‑in ja u'vi ma ja ko tatnuni i nuu sa a, sukan‑va'a ko kuu sa in ñayii sa'a ja va'a ja ndaa, te koo vii sa nuu ni, te ñatuu na kuechi kondiso sa ja ndimaa sa'a so'o sa nuu ni a, vi Su'si.

Lucas 4:18

Maa Xtumani Iya Tátnuni ma iyo siki sa a, vaa ni sa'a siin ña'a ya, sukan‑va'a ki'in sa jin kaxtnu'u sa tnu'u vii tnu'u va'a nuu ñayii ka ndo'o ka neni nuu ja u'vi ma, te ni tetniñu ña'a ya ja kaxtnu'u sa naxe jin ndayaa ñayii ka ndesi va'a ma, te sa'a sa ja jin ndundijin nuu ñayii inukuaa ma, te ndaxsiaa sa ndaka ñayii ka ndo'o ka neni ja sa'a ña'a in‑ka ñayii ma,

Romanos 8:2

Vaa ja maa Cristo Jesús ma, te sa'a Xtumani maa ya ma ja jin koteku o, te ni ndaxsiaa ña'a ya nuu ja u'vi ja sa'a ja jin kûu o ma te jin skenaa o maa o ma nkuu.

1 Corintios 7:22

Vaa visi ñayii ka jinukuechi nuu in‑ka ñayii ka kuu ni nuu ni ndakana ña'a Iya Tátnuni ma, kovaa vitna ja ni ka kandija ni ya ma, te ñayii jâ ni ka ndayaa nuu ja u'vi ma ni ka nduu ni nuu Iya Tátnuni ma. Te suni sukan kúu ji'in ñayii ñatuu nde jinukuechi nuu in‑ka ñayii ma te ni ndakana ya i ma, kovaa vitna, te ni nduu i in ñayii kunukuechi nuu Cristo ma.

2 Corintios 3:17

Vaa Iya Tátnuni ma, suni maa ya kúu Xtumani Ndios ma, te ñayii iyo ji'in Xtumani Iya Tátnuni ma chi nune nda'a nuu i ma, te kuu sa'a i ndaka ja vii ja va'a ma.

Gálatas 5:1

Jin konukuiñi va'a ni nuu Cristo a, vaa suu ya ni kundee ja ni ka ndayaa o nuu ja u'vi ma te ni ka ndanune nda'a nuu o a ja jin ko sa'a o sukan kúni maa Su'si ma. Te má jin ndakokuiñi ni in‑ka jichi nuu tna'a ja ni yo sa'a ja ni ka yo jinukuechi ni nuu ja u'vi ma te ndaxndo'o ndaxneni tuku ña'a i.