Juan 7:17 - New Testament Psalms and Proverbs in Mixtec Magdalena Peñasco

¹⁷ Nú na in kúni ja sa'a i sukan kúni Su'si ma, kuu ndakuni i tnu'u káxtnu'u sa a, nú tnu'u vee nuu Su'si ma kúu, xi ká'an maa sa sukan jani ini maa sa.

Juan 7:17 Iomraidhean Croise

Salmos 119:10

Saña chi ni‑yu'u ni‑ini sa ndánduku ña'a sa, te máko kua'a ni tnu'u ja xndoo sa sukan tátnuni ni ja ko sa'a sa ma.

Salmos 25:12

¿Nde in kúu ñayii yu'u ja ndakan Iya Tátnuni ma kuenda nuu i ma? Ñayii yukan ma chi maa ya kaxtnu'u ichi va'a ko kaka i ma.

Salmos 25:14

Te Iya Tátnuni ma chi káxtnu'u ya ndaka ja iyo ja sa'a ya ma nuu i, vaa ni‑yu'u ni‑ini i ndánduku i ya ma, te jin jaku'ni ini i ndaka ja ni skuiso ya ma.

Proverbios 28:5

Ñayii ndee ini ma te so'o xeen kaa i ma chi ñatuu jaku'ni ini i tnu'u va'a tnu'u ndaa ma, kovaa ñayii ka ndanduku Su'si ma chi ka jaku'ni ini i ndaka.

Proverbios 3:32

Vaa Su'si ma chi saxiko ya ñayii ka sa'a sukan ma, kovaa kétna'a xeen ini ya ji'in ñayii ka sa'a ja va'a ja ndaa ma,

Mateo 6:22

’Nduchinuu ni a, sukan kúu in ñu'u ndú'va ja xtnuu i nuu o ma, sukan ka kuu i ne'un yikikuñu ni a. Chukan kúu ja nú nduchinuu ni a, ja va'a ka kuu i, te ni‑ka'nu yikikuñu ni a, kotnuu i, te ni'i ini ni ja sa'a ni ja va'a ma.

Lucas 8:15

Kovaa triu ni ka jinkava nuu ñu'ú va'a ma ka kuu ñayii inuva'a ini ma, te ni‑yu'u ni‑anua i ka niniso'o i tnu'u Su'si ma, te ka sa'a i sukan ká'an tnu'u vii tnu'u va'a Su'si ma, te ñatuu ka xndoo i ichi ya a, te ndimaa ja vii ja va'a ka sa'a i.

Juan 3:21

Kovaa ñayii ka sa'a ja ndaa ma chi kí koo i kí tu'va i nuu tnuu ñu'u ya ma, sukan‑va'a jin kuni ñayii ma ja ka sa'a i sukan tátnuni Su'si ma.

Juan 8:43

¿Nava'a ñatuu ka jaku'ni ini ni ja káxtnu'u sa a? Vaa ñatuu ka niniso'o ni ja ká'an sa a, vaa iyo in ja jasi ndee jasi ndoso.

Juan 8:44

Te chukan kúu ja tna'a ja sa'a yuva ni tachi ma ka kuni ni ja jin sa'a ni. Te tachi ma chi onde xinañu'u ma suchi ja'ni ñayii ma kúu i. Te ñatuu na ja ndaa ñu'u ini i ma, vaa masu nde ká'an ndaa i. Nú ká'an i ja xnda'vi i ñayii ma, ká'an i sukan kúu maa i ma, vaa suchi xnda'vi ñayii kúu i, te suu i kúu yuva ñayii ka xnda'vi ñayii ma.

Juan 8:47

Nú na in niniso'o i ja ká'an Su'si ma chi sa'ya Su'si ma kúu i. Kovaa ndijin chi masu sa'ya Su'si ma ka kuu ni. Chukan kúu ja ñatuu ka kuni ni jin koniniso'o ni ja ká'an sa a ―‍kúu ya jiña'a ya.

Hechos 17:11

Ñayii ya'a chi inuva'a‑ka ini i sana ñayii ka iyo ñuu Tesalónica ma, vaa ni ka jan‑ta'vi vivii i tnu'u Su'si ma, te ndi‑kivi ndi‑kivi ka skua'a vivii i tnu'u Su'si ma, sukan‑va'a jin kuni i nú ja ndaa kúu ja ka ka'an Pablo ma ji'in Silas ma.