Juan 6:9 - New Testament Psalms and Proverbs in Mixtec Magdalena Peñasco

⁹ ―‍Ya'a iyo in suchi luluu, te neva'a i u'un xtatila cebada ji'in uu tiaka, kovaa masu jakuu ya'a, vaa kua'a xeen ñayii kúu a ―‍kúu de jiña'a de.

Juan 6:9 Iomraidhean Croise

Salmos 147:14

Te maa ya sa'a ja jin koo mani i ni‑ka'nu ñuu ni a, te sa'a ya ja jin ni'i jin tna'a ni, te máko kumani ja jin kaa ni ma.

Salmos 78:19

Te sa'a ni ka ka'an i ja kuu Su'si o ma: “¿Kuiti ja kuu taa Su'si ma ndaka ndeyu jin kaa o vitnañu'ni, te vitna ja masu nawa iyo kuiti nuu ka iyo o ya?

Salmos 78:41

¡Na saa‑nka jichi ni ka yo jitotnuni i Su'si ma nú kuu chindee ña'a ya xi ña'a, te ni ka yo sa'a i ja ni yo ndakiti ini Su'si iya ii ñuu Israel ma!

Salmos 81:16

Nute ni ka kandija ñayii ñuu sa ma ja ká'an sa ma chi jin ko ni'i jin ko tna'a‑ka i, te ja va'a‑ka ma jin kaa i, te nduxi va'a‑ka iyo ne'un toto ma jin kaa i, te jin koo sii ini xen‑xeen i nkuu”, kúu ya ká'an ya.

Mateo 14:17

Te ni ka ndakone'e de: ―‍Yika‑ni ja u'un‑ni xtatila ji'in uu‑ni tiaka ka neva'a sa ―‍ka kuu de ka jiña'a de.

Mateo 16:9

¿Nava'a ñatuu ka ndasa'a ni kuenda? ¿Ñatuu ka na'a ni ja u'un‑ni xtatila ma, te ni wa'a sa ja ni ka jaa u'un mil tee ma? ¿Te ñatuu ka na'a ni na saa‑ka chika xtatila ma ni ka ndaxtutu ni ja ni ndoo ma?

Marcos 6:38

Jesús ma, jiña'a ya: ―‍¿Na saa xtatila ka neva'a ni? Kuán koo ni kuán koto ni ―‍kúu ya jiña'a ya. Te nuu ni ka jini de ma, te ka jiña'a de: ―‍U'un xtatila ji'in uu‑ni tiaka iyo ―‍ka kuu de ka jiña'a de.

Marcos 8:19

Nuu ni ta'vi sa u'un xtatila ma, te ni wa'a sa ja ni ka jaa u'un mil tee ma, ¿na saa‑ka chika xtatila ma ni ka ndaxtutu ni? ―‍kúu ya jiña'a ya. Te ni ka ndakone'e de: ―‍Uxi uu‑ka ma vi ―‍ka kuu de ka jiña'a de.

Lucas 9:13

Jesús ma, jiña'a ya: ―‍Jin kua'a maa ni ja jin kaa i ―‍kúu ya jiña'a ya. Te ni ka ndakone'e de: ―‍Masu nawa ka neva'a sa, yika‑ni ja u'un‑ni xtatila te uu‑ni tiaka, te nú sukan te jín koo sa jin kuaan sa ja jin kaa ndaka ñayii ya'a ―‍ka kuu de ka jiña'a de.

Juan 11:21

Marta ma, jiña'a ña Jesús ma: ―‍Señor, nute ni iyo ni ya'a chi masu kûu ku'va sa ma.

Juan 11:32

Nuu ni kenda María ma nuu iyo Jesús ma, te ni jinkoo jiti ña nuu ja'a ya ma, te jiña'a ña: ―‍Señor, nute ni iyo ni ya'a chi masu kûu ku'va sa ma ―‍kúu ña jiña'a ña.

Juan 21:10

Jesús ma, jiña'a ya: ―‍Ki xsia'a ni jaku tiaka yika ni ka tava ni a ―‍kúu ya jiña'a ya.

Juan 21:13

Sani te Jesús ma, ni jan tu'va ya, te ni tnii ya xtatila ma, te ni wa'a ya de, te suni sukan ni tnii ya tiaka ma, te ni wa'a ya de.

Juan 21:9

Te nuu ni ka nde koo de nuu ñu'ú ma, te ni ka jini de ja jâ ni tna'a ñu'u, te yoxtnee in tiaka ji'in xtatila.

Juan 6:11

Jesús ma, ni tnii ya xtatila ma, te ni ndakuan‑ta'vi ya nuu Su'si ma, te ni wa'a ya ñayii ka nukoo ma. Suni sukan ni sa'a ya ji'in tiaka ma, ni wa'a ya, te ni ka jaa maa ñayii ma naxe ka kuni maa i ja jin kaa i ma.

Juan 6:7

Te Felipe ma, ni ndakone'e de: ―‍Ni a uu cientu denario xtatila ma masu kanda ja jin kaa i vala vala ―‍kúu de jiña'a de.

2 Corintios 8:9

Vaa jâ ka jini ni ja vii ja va'a sukan ni skuta'vi ña'a Jesucristo iya tátnuni nuu o ma, vaa ja kutoo xeen ña'a ya kúu. Vaa nuu iyo ya andivi ma chi xiku kúu ya, vaa maa ya neva'a ndaka ma. Te ni xndoo ya ndaka, te ni kii ya ñuu ñayivi ya, te ni ndunda'vi ya ja jin kuu o. Te ja ni ndunda'vi ya ma, te ni ka nduxiku yo'o, vaa ni sa'a ya ja jin ndani'i ta'vi o.

Apocalipsis 6:6

Te ni jiniso'o sa ja ká'an me'ñu ndi‑kuun kiti ka teku ma, te sa'a ká'an: ―‍In‑ni kilo triu ma xi uni‑ni kilo cebada ma ni'i ñayii ma ji'in xu'un ni ke'en ya'vi i ja ni satniñu i in kii ma, kovaa masu sukan ko kuu ji'in aceite ma ji'in ndute uva ma. ―‍Sa'a ká'an.