Juan 5:14 - New Testament Psalms and Proverbs in Mixtec Magdalena Peñasco

¹⁴ Sani te Jesús ma, ni ndani'i ya tee ma ini veñu'u ka'nu ma, te jiña'a ya: ―‍Vitna ja ni jini ni ja ni nduva'a ni a, máko ndakuiso kuechi‑ka ni, nasa ka'vi‑ka ndando'o ni ―‍kúu ya jiña'a ya.

Juan 5:14 Iomraidhean Croise

Salmos 118:18

Ni wa'a ya tnu'u ja ni ndo'o ni neni sa ma, kovaa ñatuu ni wa'a ya tnu'u ja kûu sa.

Salmos 18:22

Su'va ndaka ja va'a ja ndaa ja tátnuni ya ma ñu'u ini sa te sa'a sa, te ñatuu nde ndúnaa sa ja ko sa'a sa sukan ká'an tnu'u tátnuni ya ma.

Salmos 27:6

Sani te ndonenuu sa, sukan‑va'a jin kuni ña'a ñayii ñatuu ka kunimani nuu sa ma ja ni kaku sa nuu tnundo'o tnuneni ma, te saña chi kivi sa nuu iyo Iya Tátnuni ma, te sii ini ndakua'a sa ya kiti ka'mi sa nuu ya ma, te kata sii ini sa, te ndachiñu'u sa Iya Tátnuni ma.

Salmos 9:13

Iya Tátnuni, konde'ya ni te kuni ni sukan ndó'o néni sa ja ka sa'a ka kuu ña'a ñayii ñatuu ka kunimani nuu sa ma, vaa ka kiti xeen ini i nuu sa. Te kene'e ña'a ni, sukan‑va'a ma koo‑ka sa nuu ka ja'ni tna'a i ma, vaa jin ka'ni ña'a i ka kuni i.

Mateo 12:45

Sani te tachi ma, ki'in i jin nu xtutu i uja‑ka tachi ka'vi‑ka ka sa'a i sana maa i ma, te jin ndivi koo tutu ndaka i ja jin koo i ini anua ñayii yukan, te su'va ka'vi‑ka nduu ñayii yukan sana sukan ni yo kuu i onde xinañu'u ma. Te sukan jin ndo'o ñayii tiempu ya'a, vaa ndimaa ja u'vi ka kuni i ja jin sa'a i, te vitna ja jâ ni ka jini i ja ndaa ma ―‍kúu ya jiña'a ya.

Marcos 2:5

Te nuu ni jini Jesús ma ja ka kukanu ini xeen de ya ma, te jiña'a ya nuu tee ku'u ma: ―‍Sa'ya sa, ndaka kuechi ni ma jâ ni ka naa ―‍kúu ya jiña'a ya.

Juan 5:13

Kovaa tee ma, masu jini de na in ni ndasava'a ña'a ma, vaa Jesús ma chi ni nduyu'u ya ne'un kua'a ñayii ka iyo ma.

Juan 5:5

Ne'un ndaka ñayii ma iyo in tee jâ iyo oko ja'un uni (38) kuiya ja ku'u de ma.

Juan 8:11

Te ni ndakone'e ña: ―‍Ñatuu ni‑in i, vi Señor ―‍kúu ña jiña'a ña. Te Jesús ma, jiña'a ya: ―‍Ni saña, masu kua'a‑yuu ña'a sa. Vitna te kuán no'o ni, te máko sa'a‑ka ni sukan ni sa'a ni ma, sukan‑va'a máko ndakuiso kuechi‑ka ni ―‍kúu ya jiña'a ya.

1 Pedro 4:3

Jâ ni kuu‑ni. Máko jin ko sa'a‑ka o sukan ka jatna ini ñayii ñatuu ka kandija Su'si ma, ja jâ ni ka yaa maa i te kuan koo i. Te ka sa'a maa i ja ka kuni maa i ma, te ka ndajini i, te ka ndatna'a i te ka ska'an tna'a i ja jin sa'a i ja u'vi ma, te ka xtivi i maa i, te ka chiñu'u‑ka i ja masu Su'si ka kuu ma.