Juan 4:52 - New Testament Psalms and Proverbs in Mixtec Magdalena Peñasco

⁵² Te ni jakondee de jikan‑tnu'u de na ora ni ndusii ini i ma, te ni ka ndakone'e tee ma: ―‍Iku ma nuu ka in nuu ve kukuee ma ni nuu ña'a ka'ni i ma ―‍ka kuu de ka jiña'a de.

Juan 4:52 Iomraidhean Croise

Mateo 17:18

Te ni ndonda ya nuu tachi ma, te tachi ma, ni kee i, te kua'an i. Te suchi yukan, ora yukan‑ni, te ni nduva'a i.

Mateo 8:13

Sani te jiña'a Jesús ma nuu tee tátnuni nuu cientu soldado ma: ―‍Kuá'an ni. Vaa ja ni kukanu ini ña'a ni a, te ko kuu sukan ni jikan‑ta'vi ni ma ―‍kúu ya jiña'a ya. Te suchi jinukuechi nuu de ma, ni nduva'a i maa ora yukan‑ni.

Juan 4:51

Nani kuan no'o de ve'e de ma, te tee ka jinukuechi nuu de ma, ni ki koo de ni ka ki ndi tna'a de tee ma, te ka jiña'a de: ―‍Téku sa'ya ni ma ―‍ka kuu de ka jiña'a de.

Juan 4:53

Te yuva i ma, ni ndasa'a de kuenda ja maa ora yukan ni jiña'a Jesús ma: “Téku sa'ya ni ma”, te ndaka de ve'e de ma ni ka kandija Jesús ma.