Juan 4:32 - New Testament Psalms and Proverbs in Mixtec Magdalena Peñasco

³² Kovaa jiña'a ya: ―‍Saña chi iyo in ja kaa sa ja masu ka jini ni ―‍kúu ya jiña'a ya.

Juan 4:32 Iomraidhean Croise

Salmos 119:103

Te ûni játna ini xeen sa sukan ká'an tnu'u maa ni a sana in ja asi xeen jini yu'u sa ma. Vixi‑ka tnu'u maa ni a sana nduxi ñuñu ma jini sa.

Salmos 25:14

Te Iya Tátnuni ma chi káxtnu'u ya ndaka ja iyo ja sa'a ya ma nuu i, vaa ni‑yu'u ni‑ini i ndánduku i ya ma, te jin jaku'ni ini i ndaka ja ni skuiso ya ma.

Salmos 63:5

Sani te ini anua sa ya chi ndusii ini xen‑xeen i, te ûni kayu'u sa kata sa, te ndachiñu'u ña'a sa.

Proverbios 14:10

Maa maa o jini naxe ndo'o ini anua o ma ora kúxii xeen ini o ma, te suni sukan kúu ora iyo sii ini xeen o ma, vaa masu na in kuu jaku'ni ini sukan kúu ini anua in‑ka ñayii ma.

Proverbios 18:20

Ndeva'a‑ni na tnu'u ká'an maa ñayii ma te sukan ndani'i i, nú ká'an i tnu'u va'a te ndani'i i ja vii ja va'a, te nú ká'an i ja u'vi te ndani'i i ja u'vi.

Juan 4:31

Kovaa nani ve koo ñayii ñuu ma, te ka ka'an nda'vi tee ka ndikin ya ma ja kaa ya xita, te ka jiña'a de: ―‍Teskua'a, kaa ni vala ―‍ka kuu de ka jiña'a de.

Juan 4:33

Te tee ka ndikin ya ma, ni ka keja'a de ka jikan‑tnu'u tna'a de: ―‍¿Kuiti masu na in ni ki xsia'a ja ni jaa de? ―‍ka kuu de ka ka'an de.

Juan 4:34

Kovaa Jesús ma, jiña'a ya: ―‍Ndeyu sa kúu ja sa'a sa sukan kúni iya ni tetniñu ña'a ma, te xsinu sa tniñu ni tatnuni ya ja sa'a sa a.

Hechos 20:35

Ja ni yo sa'a sa ma, te ni kaxtnu'u sa ja jiniñu'u ja satniñu o te chindee o ñayii ka jiniñu'u ma. Jín ndaka'án o tnu'u ni ka'an Jesús Iya Tátnuni ma, ja ja vava'a‑ka kúu ja kua'a o ja kuta'vi ñayii ma sana ja jin skuta'vi ña'a i ma ―‍kúu de jiña'a de.

Apocalipsis 2:17

’Nde ni iyo so'o, te koniniso'o va'a ni ja ká'an Xtumani Ndios ma nuu ñayii ka kandija Su'si ma ja ka ndatna'a i ndaka ñuu ma. Nú na in na kundee ja sa'a i ja va'a ma chi kua'a sa ja kaa i ja nani maná ma ja ñatuu na in jini ma, te kua'a sa in yuu kuijin luluu vivii kaa, te nuu yuu yukan nukondee ja nukonani jaa i ma, te ni‑in ñayii masu kuu kuni, nú masu ja maa in‑ni ñayii kuta'vi ma.” ―‍Sa'a ni ka'an ya.