Juan 4:24 - New Testament Psalms and Proverbs in Mixtec Magdalena Peñasco

²⁴ Vaa Su'si ma chi masu kuni ndijin o ya, vaa Xtumani Ndios ma kúu ya. Te ñayii jin chiñu'u ya ma, jiniñu'u ja ni‑yu'u ni‑ini i jin chiñu'u i ya sukan kúni maa Xtumani Ndios ma ―‍kúu ya jiña'a ya.

Juan 4:24 Iomraidhean Croise

Salmos 145:18

Iya Tátnuni ma chi iyo yatni ya nuu ka iyo ndaka ñayii ka ndakune'e i ya ma, nuu ka iyo ndaka ñayii ni‑yu'u ni‑ini i ka ndakune'e ndija i ya ma.

Salmos 50:23

Chukan kúu ja nú na in jita nuu sa ma te ndáchiñu'u ña'a i, te suni ndákani ndáka'vi ini i te jika ndaa i ichi ni kaxtnu'u sa ma te ñatuu na ja u'vi sa'a‑ka i, chi sa'a sa ja kaku i nuu ja u'vi ma.” Sa'a ká'an Su'si ma.

Salmos 51:17

Su'va ja kúni ni kúu in ñayii ndákunitnuni i ja jiniñu'u ña'a i, vi Su'si. Vaa maa ni, vi Su'si, masu saxiko ni in anua nda'vi ni ndo'o ni neni ma.

Salmos 66:18

Nute ni jatanuu sa te konde'ya sa ja u'vi ma te ko sa'a sa ma chi masu kuniso'o Su'si Iya Tátnuni ma ja jikan‑ta'vi sa nuu ya ma nkuu.

Juan 4:23

Kovaa kenda ora ma, te vitna kúu ora ja jin chiñu'u ndija ñayii ma Yuva o Su'si ma, te jin sa'a ndaa jin sa'a ndija i ndaka sukan kúni maa Xtumani Ndios ma. Vaa suni Yuva o ma chi ndánduku ya ñayii ni‑yu'u ni‑ini i jin ndachiñu'u ndija i ya ma.

2 Corintios 1:12

Te ka kutachi xeen sa, vaa maa Su'si ma kúu iya chíndee ña'a ja in jayiñu'u kúu ja sukan ka sa'a sa, te onde maa Su'si ma na'a ja ka ka'an ndaa ka ka'an ndija sa ka iyo sa ñuu ñayivi a, te ñukuun‑ka ka kuu sa ji'in ni, te cha'a chi masu ja sukan jani ini ñayii ñuu ñayivi a kúu chi ja ni skuta'vi ña'a maa Su'si ma kúu ja ka sa'a sa sa'a.

2 Corintios 3:17

Vaa Iya Tátnuni ma, suni maa ya kúu Xtumani Ndios ma, te ñayii iyo ji'in Xtumani Iya Tátnuni ma chi nune nda'a nuu i ma, te kuu sa'a i ndaka ja vii ja va'a ma.

Filipenses 3:3

Vaa masu nde jiniñu'u ndaka chukan ja jin ko sa'a o, vaa yo'o ndija ka kuu ñayii ka yitnuni nuu Su'si ma, ndaka yo'o ja ni‑yu'u ni‑ini o ka jinukuechi o nuu Su'si ma te ka kusii ini o nuu Cristo Jesús ma. Vaa masu nde ka kukanu ini o ja ka chitnuni ñayii ma yikikuñu i ma sana kuu jin koo va'a o nuu Su'si ma.

1 Timoteo 1:17

Te chukan kúu ja ndimaa na koo jayiñu'u nuu Rey ma, iya tátnuni ni‑kani ni‑jika ma, iya téku ni‑kani ni‑jika ma, iya masu kuu jin kuni ñayivi o ya ma, iya ndichi ma, te maa in‑ni ya kúu, vaa ñatuu na in‑ka Su'si iyo. Te sukan kó kuu ni‑kani ni‑jika.