Juan 4:18 - New Testament Psalms and Proverbs in Mixtec Magdalena Peñasco

¹⁸ vaa u'un tee ni iyo ji'in ni ma, te tee iyo ji'in ni vitna a chi masu yii ni kúu de. Te ja ndaa kúu ja ká'an ni a ―‍kúu ya jiña'a ya.

Juan 4:18 Iomraidhean Croise

Marcos 10:12

Te nú ña'a ma, xndoo ña yii ña ma, te ndiyo ini ña in‑ka tee, xi ndatnanda'a ña ji'in in‑ka tee ma, te suni jâ ni jiso kuechi ña, vaa sukan ka sa'a ña'a ka kivi nduu ji'in in‑ka tee ma, sukan sa'a ña ma ―‍kúu ya jiña'a ya.

Juan 4:16

Jesús ma, jiña'a ya: ―‍Kuá'an ni, te kana ni yii ni ma, te kii ni ji'in de ―‍kúu ya jiña'a ya.

Juan 4:17

Te jiña'a ña'a ma: ―‍Masu na yii sa iyo ―‍kúu ña jiña'a ña. Te Jesús ma, jiña'a ya: ―‍Va'a‑ni ni ka'an ni ja masu na yii ni iyo,

Juan 4:19

Ja ni jiniso'o ña sukan ma, te jiña'a ña: ―‍Ndijin chi in tee ndákaxtnu'u tnu'u wa'a Su'si ma kúu ni.

Romanos 7:3

Chukan kúu ja nú téku‑ka yii ña ma te ndakueka tna'a ña ji'in in‑ka tee ma, jâ ni jiso kuechi ña nuu Su'si ma ja kuechi ja u'vi ni sa'a ña ji'in in‑ka tee ma. Kovaa nú jâ ni ji'i yii ña ma te ndatnanda'a ña ji'in in‑ka tee ñatuu na ñasi'i de ma chi masu in ja u'vi kúu, sukan ká'an tnu'u ni tatnuni Moisés ma.

Hebreos 13:4

Jín kona'a ndaka o ja vii ja luu kúu ja ka tnanda'a ñayii ma, kovaa máko jin kivi nduu jin kivi ni'ni o ji'in ñayii ñatuu ni ka tnanda'a ji'in o ma. Vaa ñayii ka kivi nduu ka kivi ni'ni ji'in in‑ka ñayii ma chi ndakan Su'si ma kuenda nuu i.