Juan 3:20 - New Testament Psalms and Proverbs in Mixtec Magdalena Peñasco

²⁰ Vaa ndaka ñayii ka sa'a ja u'vi ma, ñatuu ka jatna ini i nuu xtnuu ya ñu'u maa ya ma, te ñatuu kí koo i nuu xtnuu ya ñu'u maa ya ma, sukan‑va'a ñatuu na in ko ndakuña'a ja ja u'vi kúu ja ka sa'a i ma.

Juan 3:20 Iomraidhean Croise

Salmos 50:17

Vaa ndijin chi su'va ndákiti ini ni nuu ñayii ndáka'an‑so'o nuu ni sukan kúni sa ja ko kuu ni ma, te ja sukan sa'a ni a chi saxiko ni tnu'u tátnuni sa a.

Proverbios 1:29

Vaa maa ro ni ka saxiko tnu'u ndichi ká'an ri ma te ñatuu ni ka ndi ini ro ja jin koyu'u ro Su'si Iya Tátnuni nuu ro a, ja iya ndákan kuenda kúu ya.” Sa'a ká'an tnu'u ndichi Su'si ma.

Proverbios 15:12

Ñayii so'o xeen kaa ma chi ñatuu játna ini i ñayii ndáka'an‑so'o nuu i ma, te ká'an yichi‑ni i ñayii yukan, te ni ñatuu kúni i ja ndatna'a i ji'in ñayii ndichi ma.

Proverbios 16:30

te ndákueni kutu kutu i te jani ini i ja u'vi‑ka sa'a‑ka i, te nú jâ ni sa'a i ja u'vi ma chi ndákayi'i vava'a i ñii yu'u i ma‑ni.

Proverbios 2:13

Vaa ka xndoo i ichi va'a ichi ndaa Su'si ma te kuan koo maa i ichi nuu nee, ichi nuu masu ka jaku'ni ini i ja ja u'vi kúu ja ka sa'a ka kuu i ma.

Proverbios 4:18

Kovaa ñayii ka jika ichi va'a te ka sa'a i ja ndaa ma chi jin ko kuu i sukan kúu ja ve ndii ma, vaa xinañu'u kukuijin ma, sani te ve ndii ve ndii‑ka ma onde kenda ja ndii vava'a‑ka ma.

Proverbios 5:12

Te ndaka'an ro: “Nava'a ni saxiko o tnu'u ndichi ni ka yo ka'an i nuu o ma, te naku ñatuu ni jan‑ta'vi ini anua o a ja ni ka yo ndaka'an so'o i nuu o ma,

Lucas 11:45

Te ni ndakone'e in tee skua'a tnu'u ni kaxtnu'u Moisés ma: ―‍Teskua'a, ja ká'an ni sukan, suni ká'an ni ja jin kuu tna sa, te ñatuu ka jatna ini sa ―‍kúu de jiña'a de.

Juan 3:21

Kovaa ñayii ka sa'a ja ndaa ma chi kí koo i kí tu'va i nuu tnuu ñu'u ya ma, sukan‑va'a jin kuni ñayii ma ja ka sa'a i sukan tátnuni Su'si ma.

Juan 7:7

Ñayii ñuu ñayivi a chi ka kunimani i nuu ndaka ro, kovaa ru'u ya chi ñatuu ka kunimani i nuu ri, vaa ru'u ya chi káxtnu'u ndaa ri nuu i ja ja ka sa'a i ma chi ja u'vi kúu.