Juan 19:15 - New Testament Psalms and Proverbs in Mixtec Magdalena Peñasco

¹⁵ Kovaa maa ñayii ma, ka kayu'u i: ―‍¡Kúu de! ¡Kúu de! ¡Kata kaa ni de nuu krusi ma! ―‍ka kuu i ka kayu'u i. Pilato ma, ni jikan‑tnu'u de: ―‍¿Te kata kaa sa rey ni a nuu krusi ma ka kuni ni? ―‍kúu de jiña'a de. Te tee ka tatnuni nuu sutu ma, ni ka ndakone'e de: ―‍¡Saña, masu na in‑ka rey ka neva'a sa, nú masu ja César tee tátnuni ñuu Roma ma! ―‍ka kuu de ka jiña'a de.

Juan 19:15 Iomraidhean Croise

Mateo 22:17

Chukan kúu ja, ¿nawa ká'an ni? ¿Va'a‑ni ja jin chuya'vi sa ja ka satniñu sa ma nuu tee nani César tátnuni ñuu Roma ma, xi ña'a? ―‍ka kuu de ka jiña'a de.

Lucas 23:18

Kovaa ndaka ñayii ma, ka kayu'u i ka jiña'a i: ―‍¡Xnaa ni tee jiña! ¡Te xsiaa ni Barrabás ma! ―‍ka kuu i ka jiña'a i.

Juan 18:31

Pilato ma, jiña'a de: ―‍Jin ndakueka maa ni de, te jin ka'nde ni tniñu de sukan ka sa'a maa ni a ―‍kúu de jiña'a de. Te tee ka kuu judío ma, ni ka ndakone'e de: ―‍Kovaa saña ja ka kuu sa ñayii judío a, masu kuu jin ka'ni sa ni‑in ñayii ―‍ka kuu de ka jiña'a de.

Juan 19:6

Nuu ni ka jini tee ka tatnuni nuu sutu ma, ji'in tee ka jito veñu'u ma, ni ka keja'a de ka kayu'u de ka jiña'a de: ―‍¡Kata kaa ni de nuu krusi ma! ―‍ka kuu de ka jiña'a de. Pilato ma, jiña'a de: ―‍Kuán koo ni ji'in de, te jin kata kaa maa ni de nuu krusi ma, vaa saña, masu ni ndani'i sa ni‑in kuechi de ―‍kúu de jiña'a de.

Hechos 13:28

Visi ñatuu ni‑in kuechi ya ni ka ndani'i ñayii ma ja sa'a ja kûu ya, kovaa maa i chi ûni ni ka jikan i nuu Pilato ma ja na kua'a de tnu'u ja na jin ka'ni de ya.

Hechos 21:36

vaa ndaka i ka kayu'u, ka ndikin i de kuan koo i, te ka jiña'a i: ―‍Jin ka'ni ni de ―‍ka kuu i ka jiña'a i.

Hechos 22:22

Te ndaka ñayii ma, ni ka yo niniso'o i ja ni ka'an Pablo ma onde nuu ni keja'a de ká'an de ma te onde ni ka'an de tnu'u ya'a. Sani te ni ka kayu'u i ka jiña'a i: ―‍Xnaa ni tee ya'a. Masu kuu ja koo‑ka de ñuu ñayivi a ―‍ka kuu i ka jiña'a i.